شاعر لعيون القصيد

البارت 12

تكلم ابو بدر بعد ما شاف انه عيال ابو جاسم كلهم موجودين وقال:يا ابو جاسم انا جاييك اليوم شاري  وانا ادري فيك يا اخوي ما تردني
ابو جاسم:افاا يا ابو بدر لو تطلب روحي ما رديتك
ابو بدر:ونعم فيك يا ابو جاسم ونعم فيك والله، انا جاييك اليوم ابخطب بنتك لولدي ساهر وما بنلقى بنت احسن من بنتك يا اخوي ويشهد علي ربي اني جيت عندك قبل اروح اطلب من الغريب
ابو جاسم :والله حنا الي ما بنلقى احسن من ساهر ونعم فييه والله
ابو بدر :يعني موافقين
ابو جاسم :ابشر بالسعد يا ابو بدر موافقين ا
الجد الي فرح انه تمت الموافقة واحفاده الثنتين بياخذو بعض وعلمه ابو بدر قبل يكلم ابو جاسم :مبرووك يا عياال مبروك جعل الزعل ما يدخل بينكم يا عيالي وهاذي الزواج تكون قربة بينكم اكثر من قبله
ابو جاسم مبتسم :الله يبارك فيك يبه
ابو بدر الي فرح ولف للعيال :قومو يا عيال وصبو القهوة لعمكم
قام ساهر ومعه بدر وراح ساهر يصب لابو جاسم وهو مستانس بالموافقة
وبدر راح يصب للعيال وهو فرحاان لاخوه وللحينه ما يدري انه سارة هي العروس
ابو جاسم يشيل الفنجان من يد ساهر:شكرآ يا ولدي شكرآ
ساهر بفرحة:العفو يا عمي
ابو جاسم لف لابو بدر :الا ما قلت لي اي وحدة من بناتي بغيت
ابو بدر ناظر لساهر بإبتسامة : ونعم في كل بناتك يا عبدالله بس ولدي ساهر يبي بنتك سارة
ابو جاسم :ابشر بسارة والله ساهر اولى بها من الغريب
باللحظة الي نطقو فيه اسم شارة جمدت اطراف بدر يوم سمع اسم يخصه هوو
والجملة الي قاله ضل يتردد باذنه "نبي بنتك سارة"
فجأة تشوش كل الي حوله وهو يقول لنفسه سارة؟؟ هم قالو سارة؟؟  لا لا مو صح الي سمعته اكيد سمعت غلط  لاا مو صح اخوك ما يخطب الي تبيها
صقر الي كان منتظر يصب له القهوة لاحظ عليه انه تجمد بمكانه استغرب وناظر حوله والكل يبارك لابو بدر وابو جاسم ومستانسين وبدر ابد مو معهم
رامي يومه دخل المجلس سمع ابو بدر يقول "نبي بنتك سارة" وعلى طول التفت بنظره يدور لبدر الي كان متجمد بمكانه وبسرعةة تحرك ومشي صوبه بخطوات سريعة وهو ينطق بهمس:تعال نطلع برا يا اخوي
بدر مسك يده قبل يسحبه معه برا
وهو يحس كل الي حوله حلم مو حقيقة وناظر لعيون رامي ،وحط الدلة بيده وهو يحس من رجفة يده مو قادر يشيل اي شيء
كانو العيال بهاذا اللحظة يباركون لساهر بفرحة
وجا ساهر عند اخوه وحضنه وهو يقول :عقبالك يا اخوي
جرحه كلمة عقبالك اكثر من الكلمة الي سمعها قبلها  وبلع ريقه وابتسم له غصب عنه وهو يقول بداخله اكيد ما يعرف لو كان يعرف ما كان خطبهاا اخوك يحبك يا بدر ما يسوي فيك كذاا اخوك ما يسويهاا يا بدر ما يسويهاا
رامي قرب من بدر وهمس له:تكفى تعال نطلع يا بدر
بدر بلل شفته وهو مو مستوعب للحين وابتسم ابتسامة غصب عنه عشان اخوه وقال بصعووبة :ل لا ما يخالف
رامي كان يشوف الضيق بعيونه بس ما يبي يخرب على اخوه فرحته وبيضغط على نفسه ويقعد
ومعروف انه بدر يحب اخوه ساهر بشكل كبير ،ومستحيل يتركه ويمشي او يحسسه انه هو كان يبي سارة ويخرب عليه فرحته
مشي بخطولت ثقييلة وقعد مع الشباب وعيون رامي عليه وصقر الي ملاحظ على بدر من البداية انه فيه شيء بس ما يدري وشهو ،وضل يناظر فيه وهو متسائل وش الي قلب ملامح بدر كذا
قعدو الشباب يسولفون مع ساهر ويضحكون وشوية يطقطقون عليه وجاسم قام يعلم الحريم بالخبر