شاعر لعيون القصيد

البارت 34

ام عادل صحيت واخيرآ وانهارت تبكي وهي تقول :ولديي خذووني عند ولدي تكفوون طمنووني علييه
ودلال وسارة يحضنونها وهم يبكون
وما يدروون ولا شيء
وام جاسم الي تحاول تهدي البنات عشان لا يزيدونها على امهم ولكن ابد
ويقين المسكينة الي من صحيت وهي معهم رغم انها تعبانه
وام عادل تصارخ وتقول اتصلوو عليهم علموني ولدي اشلوونه
سارة تتصل بس محد يرد كل واحد جواله بالبيت
وعهد اخذت جوالها وهي تقول:انا ابتصل على صقر يمكن يرد
واخذت جوالها وهي يدينها يرجفوو واتصلت عليه ولا رد عليها
وقامت من عندهم ومشيت مسافة عن ام عادل الي تبكي ورجعت اتصلت
وهالمرة جاها صوت صقر المتضايق
وفزت هي وقالت:الو صقرر،. صقر وشصاار على حيدر هو طييب ماافي شيء؟؟!
صقر:مدري يا عهد والله مدري
عهد ناظرت لهم وهي تقول بصوت واطي:وشلون ما تدري يا صقر وش قال الدكتور؟؟!
صقر قعد يتنفس بصعوبة :قالو نشوف لين بكرة هو الحين بالعناية المشددة مندري شيء
عهد حطت يدها بقلبها بخوف:وشهو تقوله يا صقر،. وش اقول لخالتي الحين؟!
وسارة ودلال بسرعة قامو  من شافوها خايفة كذا
شوق:وش يقول صقر يا عهد وش يقوول؟؟!
دلال منهارة تبكي :قولي عهد حيدرر فييه شيء
صقر سمعها وقال بسرعة:لا تروعينهم ولا تقولين لهم انه بالعناية قولي انه طيب و الدكتور قال  ان شاء الله بيصحي قريب
عهد بلعت ريقها وهي تقول:الحمدلله طيب لـ لاا تخافون علييه
ام عادل قعدت تبكي وهي تحمد ربها والبنات الي فرحو وكل وحدة رفعت يدها تحمد ربها
وسارة حضنت امها وهي تطمنها انه بخيير
وعهد مشيت مسافة وهي ترجفف ونطقت :صقرر تكفى قول انه بيصير طييب خاالتي تعباانه مقدر اشوفها كذاا
صقر يتنفس بصعوبة :تكفين عهد لـ لاا "وقعد يتنفس  بصعوبة ولا قادر ياخذ النفس"
وعهد حست عليه ونطقت بخوف:صقر؟! صقر وشفييك؟؟!
صقر ما قدر يجاوب وقعدت تسمعه وهو يحاول يتنفس
عهد :صقرر كلمنيي وشفيك صقررر
سمعت صوت قويي مثل الطيحة
وصرخت عهد وهي تناديه:صقرر الوو صقررر
الكل  لاحظو لها قربو منها وهم متروعين
وعهد تناظر الجوال الخط ما انقطع لكن صقر مو راضي يرد عليها وقعدت تصرخ وهي تناديه
وام جاسم اخذت منها الجوال بخووف وهي تنادي:الو صقرر ولديي صقرر
وعهد ما قدرت تصمد من خوفها وناظرت ام جاسم وهي تقول:صقرر
و طاحت على سارة الي مسكتها وبسرعة تجمعو عليها وهم يحاولن يصحونها

قاعدين كلهم بالفطور وشموخ بالها وعقلها مو معهم ابدد
روان ناظرت جويريا بستغراب وهي تأشر لها وشفيها شموخ
جويريا اشرت لها بمعنى مدري
روان :وشبلاتس يا شموخ وش ماخذ بالتس؟!
شموخ ناظرت لها بتنهيدة :مافيني شي بس احسني متضايقة
جويريا :بسم الله عليتس من الضيق
روان :كلي يا عيون خالتس كلي ما تشوفين وشلون صايرة نحيفة من ترجعين بيتس وش بيقول ابوتس ما وكلناتس
شموخ سكتت وما جاوبتها
وجويريا ناظرت روان وهي ودها تعلمها انها هي تبي ترجع لابوها لكن ما تدري كيف :شموخ
شموخ رفعت نظرها لها:هلا
جويريا :انا،.. انا بغيت اقولتس شيء
شموخ استغربت :وشهو؟!
جويريا نزلت نظرها :انا كلمت عمي
شموخ :كلمتي جدي ابو فيصل؟!! ب وشهو
جويريا بلعت ريقها:ابرجع لابوتس
شموخ رفعت حاجبها بعدم التصديق
وجويريا ناظرتها لوهلة وشموخ تنتظرها تحكي وجويريا تناظرها
جويريا :اييه وشبلااتس  تخزيني كذا؟!
شموخ :انتيي جوير بنت يااسر؟؟! تبين ترجعين لابوي؟!! قصيها على غيري
روان :ما تمزح ترا وكلمت عمي بعد سمعتهاا باذوني
جويريا :وانا صادقة يا شموخ ليه ذا المواضييع فيها كذب ومزوح؟!
شموخ :وليه تبين ترجعين له؟!!
جويريا ضلت تناظر فيها وبعدها صدت نظرها:بس كذا
شموخ ناظرت فيها لوهلة :زين براحتس
جويريا صدت نظرها بتنهيدة وشموخ اكلت لقمتها وقامت وهي تقول:يالله بالعافية
وجويريا ناظرت روان:شفتيها،. ما كن هاذي الي وراي من سنين تبيني ارجع له
روان:معلييتس هي اكيد بداخلها مستاانسة لكن ما تبي تعلمتس بفرحتها
جويريا :بتجلطني بيوم ذي البنت
روان:زين والحين بترجعين وهذيك السوسة موجودة يعني ما بتشرطين انه يسكنها لوحدها؟؟!
جويريا ابتسمت بتوعد:انا الي ابيهاا  موجوودة، بتظن الي سوته ماشي لها والله مهو بماشي والويل لها قدام بس صبرها علي ان ما جلطتها هي وبنتها المنقوزة ما يكون اسمي جوير بنت ياسر
روان :كفو كذا اعرفتسس
جويريا ناظرتها:وانتي علامتس صايرة حنينة معي وش وراتس؟؟!
روان كشت عليها :الحق على الي يحن عليتس قومي نشيل السفرة بسس