شاعر لعيون القصيد

البارت 62

قام الجميع من بدري رغم انهم جلسو لوقت  متاأخر وافطرو والحريم شالو وغسلو وشموخ استأذنت منهم عشانها بتروح امها مواعدتها بتروح عندها وعذروها وراحت تجهز نفسها ولبست فستان رمادي ضيق من الخصر لحد الارداف وكانت نوع القماش مطاط فكان ماسك عليها وبارز مفاتن جسمها كامل وجدلت شعرها لانو مستعجلة ومو فاضية تسرحه واساسآ رايحة لامها ودقت على حيدر تبلغه انها جاهزة وقالها البسي لاني طالع للسيارة وفعلآ لبست عبايتها وخرجت له وهي تقول:يالله
حيدر حرك السيارة وهو يقول:الله تدرين والله وحشني الاسطنبل
شموخ توسعت ابتسامتها وقالت:شرايك بكرة نروح له
حيدر: والله ما اقول لا ،وحشني ايامنا هناك لا نجحدها
شموخ ضحكت وهي تحس نفسها متحمسة ما تدري ليه
ودقايق طويلة و وصلو بيت ابو عنان وقال حيدر :متى اجي اخذتس
شموخ: تعال قبل المغرب بشوي
حيدر :لحد المغرب يا ظالمة ،بتوحشيني
شموخ:اعتبر اني جاية العصر لان الساعة ٢ الحين
حيدر ابتسم ب حب :طيب سلمي على خالتي ما شفتها امس زين
شموخ:يوصل ،وانت انتبه لنفسك
حيدر ابتسم ونزلت شموخ ودقت الباب وفتحت لها  جويريا ورحبت فيها وكنه اول مرة تجيها ودخلتها داخل وما كان في احد وشموخ الي كانت متحمسة ومستانسة على غير عادتها وجويريا حطت صينية الشاي وهي تقول :وشعندتس مستانسة
شموخ اخذت نفس بفرحة:مافي شيء بس يعني كذا مستانسة لاني جيتكم
جويريا توسعت ابتسامتها :زين دامتس عندنا بخبرتس خبر يخليتس تستانسي زود اليوم
شموخ قالت بضحكة :لا تقولي انتس حامل
جويريا سكتت وهي تعض شفتها وشموخ لمن شافتها سكتت عدلت جلستها بسرعة وهي تقول بحماس :احلفيي؟ يعني حتى انتيي؟؟
جويريا عقدت حواجبها بصدمة وهي تحط البريق عن يدها :لحظة ليه منهو الي حامل بعد؟
شموخ بتدارك:لاا مو يعني حامل بسس اشك  ،بس انتي يعني صدقق حامل حللتي وطلعتي صدق حامل يا يمه؟
جويريا جاها لحظة ادراك وشموخ ضحكت بفرحة وحضنت امها بفرحة:صدق يمه انتي حامل؟ احس ما اصدقق
جويريا ابتسمت لفرحتها وقالت :وانتي بعد تشكين انتس حامل
شموخ :ما حللت للحين كنت ابي احلل بس بدون لا يدري حيدر مابيه يتحمس وتاليه يطلع سلبي قلت بحلل وبعدي اخبره بس انتي وش بلاتس مب مستانسة انتي حاامل يممه
جويريا:والله مدري ،شوية مستانسة وشوية ماخذة هم نجيب ورع وعلى شيب
شموخ :الحيين  صارت على شيب ويين الي تقول ابوتس كبر وشِيب وانا للحين مثل ما اناا
جويريا:هو الصدق ما عندي شيب اكذب يعني بس يعني انتي وانا سوا ، الناس وش تقول ما صدقت ترجع لرجلها عشان تحمل
شموخ:ايه و وشعليهم الناس اهمشي بيجيني اخ يا يمه
ورجعت حضنتها بفرحة وجويريا الي كانت فرحتها شوية ناقصة كملتها شموخ بفرحتها بحملها وبادلتها الحضن وبعدت عنها وهي تقول :طيب شرايتس ادق على مراد واقوله ياخذنا الصيدلية وتجي تحللي
شموخ بدهشة:الحين؟
جويريا: اييه الحين
شموخ:مدري يمه احس مابي احلل اخاف انصدم
جويريا ضحكت عليها خفة وقالت :يعني بتجلسي كذا بحيرة  ،هاتي جوالي من عندتس بدق عليه
شموخ عطت جويريا جوالها وجويريا دقت على مراد تخبره يجي وهو فاضي معنده شيء ومن الله يبي احد يطلب منه مشوار عشان ياخذه بسيارته وبعد دقايق جا ونزلو ثنينهم وركبو معه وتوجهو الصيدلية