شاعر لعيون القصيد

البارت 15

بعد قعدة استمرت لساعات وسواليف وضحك بين صقر وشوق وعهد ورغد والبزران جنبهم يلعبون ،قررو يقومو عشان تأخر الوقت قامت شوق تشيل الفناجيل ورغد قامت تلم في اغراض بزارينها،عهد قربت من دلال وهي تحركها بشويش لاجل تصحيها:دليين قومي نامي غرفتس ،ياا دليين
صقر وقفها بسرعة وهو ينطق :لا لا خليها باخذها انا غرفتها
عهد :وشلون هي نايمة؟
ضحكت شوق:معليتس ترا صقر متعود يا ما رحنا مشاوير ورجعنا ودلين نايمة اوقات نومها حييل غلط وصقر المسكين ينكسر ظهره وهو يشيلها من هنا لهناك
صقر:وين ينكسر ظهري الله يصلحتس ما تشوفيها ريشة اقدر اشيلها باصبعي الصغير
شوق:ايه ما شاء الله ريشة
عهد الي بعدت وهي منقهرة:ايه زين
صقر شال دلال بكل سهولة لانها مرة نحيفة وصقر طويل وضخم شوي فعادي يقدر يشيلها بكل سهولة
وعهد قعدت تلم الفرشة وهي تقول ب قهر وغيره حتى يشيلها زي الوراعيين وش باقي يسوي لهاا
وقامت شالت الفرشة وشوق اخذت الفناجيل للمطبخ ولحقتها عهد بعد ما حطت الفرشة بمكانها وغسلت الفناجيل ورغد راحت تنوم بزارينها
وشوق بعد ما ساعدت عهد مشيت غرفتها وعهد كملت وطلعت متوجهة غرفتها ويوم دخلت كان صقر قاعد وبحضنه يوسف قاعد يراضيه لانه عصب عليه
عهد توجهت عند الدولاب وهي تسمع كلامه مع يوسف واشلون يراضيه وهي بداخلها مبتسمة
وبعد الحاح طويل رضي يوسف يوم قاله باخذك البقالة بكرة
صقر :يالله حبيبي الحين رح عند امك لا تدورك الحين وتخاف
يوسف:طيب
وقام من حضنه وطلع برا الغرفة
وعهد رطبت يدينها بالمرطب وطاح عينها على ملابس صقر المطبقة وتذكرت كلام شوق عن القصايد وابتسمت وقفلت باب الدولاب وراحت قعدت بالطرف الثاني من السرير وهي مترددة :صقر !
صقر الي كان مسوي نفسه مشغول بالجوال بس هو كل اهتمامه في تحركات عهد نزل الجوال وقال:هلا
عهد :صدق الي قالته شوقو ، انت تكتب قصايد؟
صقر ضحك بخفة:وانتي صدقتي المهبولة شوقو لو تسألينها بكره تلقينها ناسية
عهد:لا واضح كانت تقول الصدق
صقر رجع يناظر بالجوال :هاذي وحدة مهبولة محد يصدقها
عهد :يالله صقر تكفى
صقر شلع قلبه كلمة "تكفى" من مقره بس سوا نفسه مو مهتم
عهد تقوم:بكييفك بدوره لين القااه
صقر قام بسرعة و وقفها تروح تشوف
عهد:يعني الكتاب صدق بالدولاب موو؟؟
صقر :لاا مهو بالدولاب
عهد :طييب ابعد عشان اشوف
صقر:مابي
عهد بعدته وفتحت باب الدولاب وصقر تذكر الورقة حق عهد ومشي عند الدرج وطلع الورقة ورفعها وهو يقول :تمام برااحتس وانا بقرا ورقة الي كاتبة فيها امنياتس !؟
فزت بعيون متوسعة من شافت الورقة بيده:انت ويين لقييتها ؟؟هااات يا صقر يا ويلك لو تقراها فيها اشياء خااصة
صقر رفع الورقة بحيث ما توصله عهد :الحين صار اسمها خصوصية هااه!؟ وانا ما ابيتس تقريين الي اكتبه لانه خصوصية همن
عهد استسلمت:طيب خلاص ما بدور على كتابك ولا بقرب حده بس هاات الورقة تكفى
صقر بتشكك:صدقق؟؟
عهد :اييه
صقر مد الورقة لها بعد ما تأكد بس قبل تاخذه عهد رجع سحبها وهو يضحك
وعهد قالت:صقرر خلااص هاات
صقر يضحك:خلاص خلاص والله اخر مرة خذي
اخذته عهد بسرعة قبل يعيد الحركة
وصقر قال وهو يضحك:وش كاتبه فيه عشان ما تبيني اقراه هااه!؟؟
عهد :كاتبة فيه امنيااتي من وانا صغيرة
صقر راح قعد :ايه و وشفيها امنيات ليه خايفة اقراهم
عهد :اقولك كاتبة امنياتي من وانا صغيرة يعني امنيات مستحيلة
صقر:انا اجيب لتس العجايب واسوي لتس المستحيل
عهد خبت الورقة :يوم اقولك مستحيلة يعني خارقة للطبيعة بعدين هاذي كتبتها وانا صغيرة بزرة وانا من الاشخاص الي يحب يحتفظ بالذكريات
صقر الي جذبه كلمه مستحيلة ودار باله وقال بداخله وشذا الامنيات الي مستحيلة لعهد ،لعيون العهد امحي كلمة مستحيل من السطور ،ورجعت عهد بعد ما خبت الورقة زين ولاحظت زر الاول حق دشداشة صقر مفكوك وقالت :صقر زر دشداشتك مفكوكة سكرها
صقر قعد يشوف اي واحد منهم وعشانه كانت اول وحدة ما قدر يشوفها قربت عهد وهي سكرته له بابتسامة
صقر ابتسم لها وسكت وهو بداخله حيران من تصرفات عهد تتصرف تصرفات يخليه يشك ويقول بداخله انها تحبه بس من يتذكر الليلة الي قالتله انها ما تحبه وتكرهه يتلاشى كل شيء يظنه ويشك فيه ويرجع لشعوره القديم
اندق الباب واستغربت عهد مين يجي الحين :مين يدق بذا الوقت؟
صقر عدل جلسته :هاذي دلين اكيد "وقال بصوت عالي" تفضلي يا دلالي
وعهد صدت وجهها عنه
دخلت دلال ببتسامة وهي تقول :ما نمت للحين!؟
صقر:وانا يجيني نوم ودلالي ما همزت لي!؟
دلال دخلت :ادري وعشان كذا انا صحيت من عز نومها عشانك انت
صقر :فديتس يا دلين، تعالي والله اني نعساان وفيني نووم و وراي شغل واخوتس حيدر ناشب لي يبغاني اعلمه ركوب الخيل وهو مو فالح فيه
عهد التفتت له :انت تركب الخيل؟
صقر: وش اركب الخيل قدامتس واحد خياال محدن يناافسه
عهد :ذكرتني بعمي عبدالله اذكره كان خيال ومحد يقدر ينافسه
صقر ضحك:حتى ابوي قدني فزت عليه
عهد بصدمة :احلفف
صقر:ايه والله
دلال:اييه توك تدريين
عهد:ايه والله توي ادري انو شايبي خياال
دلال وسعت عيونها بذهول :هيه هيه خير وش شايبتس اخوي حبيبي بأول عمره وسويتيه شايب
عهد ناظرت لها:انتيي شعليتس رجلي انا واناديه مثل ما ابي وعنااد فيتس بنااديه شايبيي موتي حر وقهر هااه
دلال :اويلي اويلي ذي شايلة بقلبها عليي شكلو ،،هااتس ناديه زي ما تبين بالطقاق
صقر:خلاص دلين وعهد وشهو انتم بزارين تتهاوشون
دلال :ما تشوفها اشلون تهجم علي بالكلاام من الحين اقولك يا اخوي حرمتك حااقدة علي وتغار منيي
فزت عهد :اغاار من ميين؟ منتس انتيي؟ ماالت عليتس على وشهوو اغاار بس
صقر:ياهوه خلاص انتي وياهاا بتخلوني انام ولا بترجعو تسهروني زي ذاك اليوم
عهد :بسكت بس عشاانك انت يا شايبي لكن دلين هاذي حسابها عندي بكرة
دلال :مالت بس
وكملت تهمز رجول صقر وهي وعهد يتبادلون بنظرات الكره بينهم