شاعر لعيون القصيد

البارت 67

كانت بغرفتها وقاعدة عند مكتبتها وهي مضوية النور على الاوراق وهي تجهز اسئلة الامتحان ومندمجة بعملها جدآ ،وبعد دقايق طويلة خلصت من الي بيدها وما صدقت ورخت ظهرها بتعب وهي تنزل نظارتها الطبية وتحطه على جنب
وقبل تقوم من مكانها سمعت صوت امها برا وهي ترحب بشخص
وعقدت حواجبها مين الي يجيهم الحين وبعدت الكرسي  من مكانه تبي تروح تشوف مين الي جاهم ،وقبل توصل الباب سمعت اسم الي فز قلبها فيه ،عضت شفتها بفرحة وسحبت طرحتها من مكانها وهي تحطه على راسها باهمال وخرجت وهي تجري على همس ما تبي يسمعون خطواتها  وتسمع امها وهي تاخذ احواله واخباره وهي تستمع لاحواله واخباره الي تجيها زي البشاير
امجد:لله الحمد والشكر يا خالتي طيبين كلنا ،وانتم وشلونكم وشلونه ماهر ،،واختي نجود
عضت شفتها من اختي نجود ،لانها تقدر تشوف الاحترام الي يكنه لها
ام ياسر :الحمدلله يا ولدي كلنا طيبين
ودار بينهم لحظة صمت وام ياسر مو دارية وشلون تساله وقال امجد :خير خالتي عسى ما شر طلبتيني وبهالوقت!؟
ام ياسر : ايه يا ولدي انا قاصدة اطلبك ذا الوقت عشان ياسر ماهو موجود
امجد :سم
ام ياسر :سم الله عدوك ، طلبتك يا امجد وعلمني الصدق
امجد :ابشري بشنبي
ام ياسر :ياسر فيه شيء !؟ من يومين وياسر حاله مب عاجبني وانا ادري ياسر يعلمك كل شيء ،علمني يا ولدي وشصاير مع ياسر
امجد صد نظره منها لوهلة وما قدر انه يخبي عليها الي صاير وعلمها بالسالفة كله وام ياسر صدمت من الي سمعته وعلمها بنفس الوقت عن الي حصل بمجلس ابو جاسم من يومين وقالت بهلع :والحين ردو خبر ولا للحين
امجد:لا ردو خبر يا خالتي ،لكن للحين ما علمت احد ان جزاع كلمني
ام ياسر الي خلص صبرها من السالفة: اييه و وش قالوو؟؟
امجد نزل نظره بأسف : علمني ان البنت ماهي موافقة ،حاولت معه ان يرجع يكلمها لكنه حلف لي انه هو حاول معها لكنها تعيي
ام ياسر صدمت :طيب ليه تعيي مو هي كاانت تبي ياسر بعد ليه تعذب ولدي اكثر ما ان خلته يتعذب ،حرقو  قلب ولدي والله حرقووه وش باقي زياادة
امجد :قولي لا إله الا الله يا خالتي ،ان شاء الله كل شيء يتصلح
قبل تحكي ام ياسر قاطعها صوت نجود الي دخلت وهي تقول بعصبية من الي سمعته :ماافي شيء يتصلح وامي صاادقة وش باقي زيادة  عشان يحرقو قلب اخوي اكثرر ،ذبحو ابوه وذبحوه هو بعدد حرقو قلب امي مرتين وما بيرتاحو الا لمن يذبحو اخوي وش باقي زياادة بعدد
امجد الي قام اول ما دخلت وقال :وانتي الثانية قولي لا إله الا الله يا اختي تبي تزودي النار حطاب
نجود اخذت نفس بعصبية :والله لازيده ولا اشوف منهو بنحرق فييه
ولفت وجهها وخرجت من الغرفة وام ياسر الي توعت اول ما قالت كلمتها وخرجت ،و لحقتها بسرعة وهي تشوفها تاخذ مفتاح سيارة ياسر وتلبس عبايتها على السريع وام ياسر انهبلت:ويين بتروحين ياا بنتيي ،هاتي المفتااح ما اخليتس تروحيين والله ما اخلييتس
نجود سحبت المفتاح قبل تاخذها امها منها وهي تقول:ما بسوي شيء يا امي والله ما بسوي شيء بس خليني ارووح والله مقدر اسكتت
ام ياسر ب ترجي : يمه تكفيين
لكن نجود ما استجابت لها ولفت وجهها وطلعت وعند باب السيارة كان واقف امجد واول ما شافها قال على طول :وين بتروحين
نجود تمشي عنه :بروح بيت ابو جزاع
امجد حط يده على باب السيارة قبل تفتحه :ما بخليتس تسوقي وانتي معصبة هاتي انا بسوق عنتس
نجود ناظرته:و وش يعرفني انك بتاخذني هناك ولا تلف فيني لفتين وترجعني
امجد صد نظره ياخذ نفس :والله باخذتس هناك وشبلاتس
نجود بعد ما حلف قدرت شافت انها تقدر توثق فيه وحطت المفتاح بيده الي رفعه عشان تعطيه المفتاح وركب امجد مكان السواق ونجود جنبه وحرك السيارة لبيت ابو جزاع وهو كل شوية يلتفت لها ويوصيها ان لا تسوي شيء غلط ونجود كانت ساكتة ما ترد عليه لحد ما وصلو
،و نزلت نجود قبل امجد وراحت تدق الباب وامجد وقف بمسافة عنها وثواني وجاهم صوت جزاع وهو يقول :جايي جااي
وفتح الباب ونجود ما انتظرت يقول اي كلمة ودخلت وجزاع مستغرب منهي ، وناظر لامجد الي متوهق وكانو يسمعونها وهي داخلة تنادي ب عربا وبصوت عاالي لحد ما خرجت من احد الغرف وهي مستغربة وكان جنبها ولدها ونجود سكتت لمن شافت ولدها جنبها وعربا ناظرت لولدها وهي تقول :حبيبي ادخل داخل كمل اكلك وانا الحين اجيك
ولدها صغير وطاعها ودخل داخل ونجود ناظرت لعربا الي اول مرة تشوفها ،كان قدامها الشخص الي كانت تشوف سهر اخوها باليالي بسببها وبكاء امها ليل ونهار خوفآ على اخوها بسببها وقالت بقهر منها : لييه رفضتييه؟هاه  علمييني لييه ، مو كاافي الي حصل فييه بسبتس مو كاافي انه حرق اجمل ايام عمره بسبتس مو كاافي تبين تعذبيينه زياادة ؟؟ انتي بس علميني يا عربا لييه هو وش سوا لتس عشان يستاهل كل ذا منتس هو بس حبتس من كل قلبه انتي بس ما تدريين  هو وشهو الي عاشه ماا تدريين ولا شيءء ،في كل وقتت ما الا بلسانه عربا عربا عرباا حتى وهو ناايم ، ، بسبتس انتيي صاار اسمه ياسر المسحور ما صار ينعرف الا بذا الاسم شووفي بعيونتس الي حصل فيه موو كاافي ؟؟ما بر قلبتس للحين تبين تحرقينه اكثرر ؟؟؟  ياسر ما يدري يلقاها منتس انتيي ولا يلقاهاا من صاحب عمره ولا يلقاها من ابوتس كلكم حرقتو اخوي والله العظيم حرقتووه ودمرتووه
عربا عضت شفتها وهي تكتم الغصة رغم انه دمعتها نزلت لخدها وافضحتها
نجود بلعت ريقها بغصة وهي ترجع خطوة ورا وتهز راسها :مافي اي كلمة تنطقينها؟؟ مافي ابدد؟ "ورفعت يدينها بصفقة لها" ،مثل العاادة الزمي الصمت وخلي الهوا تاخذتس مكان ما تاخذتس
عربا غمضت عينها بأسف وهي تقول  بصعوبة:ما اقدر والله ما اقدرر ،تكفيين
نجود اعتدلت بوقفتها وهي تهز راسها :ما تقدرين؟؟ ليه ما تقدريين  ؟ مب ابوتس مات واصيل همن ماات منهو الي واقف بوجهتس كماان ؟ محدد
عربا رمت الطرحة عنها وهي دموعها على خدها وتحس ما تقدر تتحمل تسمع كلامها اكثر  :لانيي مو عربا الي حبها يااسر ، ،ياسر حبني وانا صبية وماا معي عيال ما حبني وانا الشيب مالي راسي ومعي ولد وارملة بعدد ،ياسر يستاهل اكثر من كذا يا نجود يستااهل وحدة افضلل مني ،انا ما عادني عربا نفسها لا بحيلها ولا جمالها ، الشلل خذا كل شيء مني مقدر احرك جانبي اليمين  ولا اقدر امشي الا استند بحد ،تبين اخوتس ياخذ وحدة يا دوبها تمشي ؟؟علميني تبين تاخذين له وحدة دوبها تداري نفسها و ولدها ؟؟
نجود كانت تناظرها بدهشة من عذرها الي ادهشها فعلآ وضحكت وهي تصد نظرها عن عربا ،،ورجعت ناظرت لها وهي تقول بجدية : انتي شفتي ياسر يا عربا؟؟ انتي شفتي ياسر وش حصل فيه بعد كل ذا السنين ،الشيب ملى راسه وهو توه بالثلاثين ، حتى الشيب يوم جاتس ما جا لتس وحدس جاه هو بعد "وقالت بهدوء وهي تناظر لعيونها "ياسر يبغاتس ما همه شيبتس ولا انتس ارملة وعندتس ولد ولاا همه حتى مرضتس هو يحبتس والله العظيم يحبتس ،لا تحرقينه اكثرر ،خلااص كفاية الي حصل والله العظيم كفااية
عربا ما كان ينسمع منها الا صوت انين بكاءها الي تكتمها
ونجود استسلمت بعد ان حكت كل الي بخاطرها ولفت وجهها وهي تخرج من عندها وخلتها وراها وهي تبكي
وامجد الي كان واقف مع جزاع و ولا واحد منهم يقدر يدخل عليهم لين ما خرجت نجود الي راحت صوب السيارة على طول وامجد استاذن من جزاع  ولحقها بسرعة للسيارة وهو يقول بخوف :وش سويتي !؟
نجود صدت نظرها عنه وما تكلمت وامجد رجع تكلم لكن بعباطة منه :لا تقولي ضربتيها
نجود ناظرت له نظرة خلا امجد يكتم ضحكته وقالت:ما سويت لها شيء لكن سمعتها كلام الي المفروض تسمعه من زمان
امجد سكت لوهلة وناظر للطريق وهو يشغل السيارة وتنهد تنهيدة وهو يقول:عسى ما قسيتي عليها ؟
نجود نزلت نظرها ليدينها وهي تاخذ نفس : قسيت عليها ، لكن والله من قهري على اخوي
امجد :ما ننسى ان هي بعد تعذبت وكل ما حصل كان غصب عنها
نجود:بس الحين ماهو غصب عنها
امجد سكت ولا حب انه يتجادلو وسكت لحد ما وصلو البيت وام ياسر قبل يدقو الباب فتحته لانها سمعت صوت السيارة وهي متروعة وقالت بسرعة :وش سويتي يا نجود وين رحتيي يا يمه
نجود ب تعب :يمه ما سويت شيء لا تحاتين
ام ياسر : بس يا يمه
قاطعتها نجود :لا تحاتين يمه تكفين، انتي بس ارتاحي لا عاد تضيقي صدرتس وتتعبي نفستس لاني مقدر اشوفتس انتي بعد تعبانة فوق تعب ياسر ، والله مقدر
ام ياسر سكتت ونجود دخلت داخل وهي ضايق  صدرهاا وامجد تقدم عند ام ياسر وباس يدها واستاذن منها عشان يمشي وقبل يمشي عنها عطاها مفتاح سيارة ياسر وبعدها مشي