شاعر لعيون القصيد

البارت 42

وصل حيدر البيت و الارض مو واسعته من فرحته
ويحس ان انردت روحه بشوفتهاا ويبتسم كل ما يتذكر حضنها له
وصل وكانو امجد وصقر برا
وامجد اول ما شافه جاي وهو ابتسامته من اذن لاذن قال:شف شف اخوك شوي وفمه بينشق من ابتسامته الوسيعة
صقر ناظر وراه واول ما طاح عينه على ابتسامته عرف انها قابلها وقال:عساها دايمة
حيدر اول ما وصل حضنه بحماس وباسه بخدينه الثنتين وصقر يضحك عليه على فرحته
وامجد قال بضحكة:بدون لا يتكلم عرفنا وشسبب الابتسامة العريضة
حيدر :والله احس غصب عني مبتسمم واحس قلبي من فرحته قاعد يرقص ومو اي رقصص قاعد يرقص رقص شرقي يويل حااله
امجد:ادخل ادخل انحرفت عن طريق الصحيح
حيدر حط يده فوق كتف امجد وهو يقول:تعالو تعالو اعلمكم بالسالفة والله اخووكم اليوم كان واحد ثاااني
دخلو وصقر يضحك عليه وبنفس الوقت مستانس لاجله
وقعدو بالحوش وحيدر قعد يعلمهم بالسالفة وكل شيء حصل معه

امجد :الحين متأكدة الي قلته مو فلم! ؟
حيدر :لا والله ماهوب فلم اقوولك والله صرت روميو
صقر:اقول ترا ذا ادمي الرومانسية يمشي بعروقك عشان كذا ولا انت ما تعرف تقول كلمتين حلوة مع بعضها
حيدر : والله؟اقول شكلك ما شفتني وانا حيدر الثاني كنت رومانسية لكن انتم ما تدرون عني
امجد:الحين انت صدق تذكرتها ولا كذا تهرج! ؟
حيدر:وش تذكرتها انا متذكر حتى يوم ولادتي
صقر صد نظره وهو يضحك
وامجد قال:طيب يعني متى بتخطبها ،يخي تكفى اخطبها باقرب وقت وفكني قصتكم هاذي شكلها مطولة اخطبها قبل يصير شيء
حيدر:اييه بخطبها معليك بخطبهاا لكن بيني وبينكم والله مدري اشلون اروح اكلم ابوي
صقر:الي يسمعه ما يصدق ان حيدر مكلم ابوي قبل يومين بالسالفة
حيدر صد نظره:يخي ذاك يوم كنت امزح وابوي اصلا ما صدق الحين الموضوع جديي"وحك راسه"مدري اشلون بكلمه احس بستحي
امجد ناظر صقر:تكفى شيله من راسي قبل اصفقه قال يستحي قاال
صقر قام وهو يقوم حيدر معه:قم قدامي بس قمم كلم ابوي قدامي قبل اصفقك
حيدر :طيب خلني استعد نفسيآ وجسديآ
امجد دفه بخفة:امش بس استعد نفسيآ قال
توجهو المجلس مكان ما كان جالس ابو جاسم ومعه الجد الي وجاسم الي كانو يتقهوون ويسولفون ويضحكون
قلطو معهم وصقر قال :يبه
ابو جاسم ناظره :هلا يبه
صقر نوظر حيدر :حيدر جاي يبي يكلمك يا يبه
ابو جاسم ناظر حيدر الي مو داري اشلون يكلمه وقال:سم وش عندك! ؟
حيدر عدل بجلسته وهو يناظر جده وتنحنح والكل يناظر فيه ينتظرونه يتكلم واخذ نفس وهو يقول قال:يبه،.. اناا ابي اتزوج
ابو جاسم ناظره لوهلة وقعد يضحك
وحيدر ناظر جده مستغرب وابو جاسم قال:سم يبه من بكرة رايح اخطب لك انت بس قول من الي تبيها! ؟
حيدر الي توسعت ابتسامته وقال بفرحة :بنت عمي ابو ثامر
ابو جاسم عقد حواجبه :بنت ابو ثامر
حيدر وهو اخذ نفس بفرحة:ايه يبه بنت ابو ثامر
ابو جاسم صد نظره وهو يفكر
وحيدر استغرب وناظر صقر بستغراب ورجع ناظر ب ابوه بقلق وهو يقول:وشبلاك يبه عسى ما شر! ؟
ابو جاسم ناظر فيه وقال بإستفسار:بنت ابو ثامر الي هي نفسها حفيدة الياسر ؟؟؟
حيدر الي قرصه قلبه وهو يقول بقلق:اييه يبه هو ما عنده بنت غيرها
جاسم:وشبلاك يبه وشفيها بنت ابو ثامر ونعم النسب والله
ابو جاسم:ونعم النسب يا ولدي لكن قالوها زمان اذا بغيت البنت ف أنشد عن الام وزمن امها ما يسر يا حيدر
حيدر ناظر ابوه بتحطيم : و وشهو زمن امها يا يبه! ؟
ابو جاسم :يا ولدي امها الله يستر عليها قبل سنين طويلة سوت سواة ما ينساها اهل الديرة لو بعد سنين وانا نسب ابو ثامر يشرفني لكن دام امها بنت ياسر أعرف ان ما بتخطي على ذا البيت
الجد :يا ولديي ياا عبدالله وين المشكلة اذا حيدر يبيها وشاريها وهي ماهي امها وانت وقلتها قبل سنين طويلة
حيدر قرب من ابوه بترجي :تكفى يبه والله اني ابيهاا
ابو جاسم:كلمتي وهي نفسها يا حيدر بنات الديرة يا كثرهم واولاهم بنت عمك رهف
حيدر مسح جبينه بأنزعاج وهو ياخذ نفس لاجل ما يعصب :يبه ..اناا مابيهم وانت ذاك يوم وقلت لي أشر على البيت الي تبي منها البنية وانا اروح واخطبها لك وهاا انا اشرت لك على بيت ابو ثامر ليه تعارض دام هي سالفة قديمة واصلآ البنية مالها دخل في الي صاار
ابو جاسم ناظره بحدة:تبي تاخذها رح خذها مانيب بمانعك لكن انا مانيب راضي عليك اذا اخذتها
حيدر انصدم وناظر جده بقلة حيلة لكن جده برضو ما كان له كلمة بذا اللحظة
وحيدر نزل راسه وهو يقول :طيب
وقام من مكانه والجد صد نظره وهو يقول لا إله الا الله
وجاسم تنهد من ابوه الي للحينه مهتم بامور المفروض خلاص يناساها وما يدقق فيها
وصقر تنهد وهو  ما  كان متوقع الامور بتجري لين هنا وقال بداخله"يا حظك القليل يا حيدر"