شاعر لعيون القصيد

البارت 23

بعد المغرب كل الحريم اجتمعو في بيت الشعر الحريم قاعدين جلستهم الدايمة وسوالفهم المعتادة ام فلان تطلقت وام فلان جابت وام فلان فتنت ،.والبنات قاعدين مع بعض ،.عهد جالسة جنب اختها حنين :وحشتيني يا حنو وين الغيبة يا شيخةة ما كن انتي الي قايلة كل يومين طابة عندتس
حنين:لا وش شايفة وجهي مغسول بمرق تيس كل يومين بطب عندتس!؟
شوق:ايه ما قلنا كذاا لكن والله نسينا ملامح وجهتس  من الغيبة اخطي ودقي علينا الباب وش ما تخطيين انتي!؟؟
حنين:ادري مقصرين لكن هاذي الايام مشغولة
عهد :يويلي في وش مشغولين!؟؟
حنين:في وش بالعزايم والناس
عهد بارتياح:عبالي تبون تنظفون البيت بدووني
شوق ناظرت دلال الي قعدو يضحكون بصمت عليها
حنين:معليتس ان نظفنا قلنا لتس بعدين قبل تعرسين سويتي كل حاجة ما باقي شيء يقلبي
دلال تتربع بالوسط:الحين خلينا من التنظيف وساعته وقوليلي
حنين:يمه وش اقولتس!؟
دلال :قوليلي اذا خطبتس كذا عريس ولا كذا!؟؟
شوق ناظرتها بنص عين:خير تبين تخطبينها لاحد وانا مدريي!؟؟؟
دلال :لا وش اخطبها كذا اسأل من باب الفضول
حنين :والله ذكرتيني بعماتي كل ما شافوني سالوني اسئلة استحي اقولها
شوق :تكفين وش يسألونتس!؟؟
حنين :لا خليها مستورة لانتس انتي بتستحين لو قلت لتس
دلال :خلوهاا مستورة يا بنات تعرفوني خجولة واستحي اذا احد قال كلام عيب
عهد ناظرتها بنص عين :انتي خجوولةة انتي الخجل يستحي منتس
دلال :والله ظالمتني يا عهود بعدين انتي تعمقي فيني والله بتستكشفين اشياء حلووة فيني
عهد :لا لا كافي اللمحة الي لمحتك هيا من برا فاشلون لو تعمقت
حنين :يووه خلاص الحين بتتهاوشون انا كافييني هواش خالاتي وعماتي اذا تصادفو فبيتناا
شوق ربت بكتف حنين :والله حزنتيني يا حنو واضح ضيمتس واجد منهم وانا اقول يمكن خالاتس احسن من عماتس التس تس
حنين:لا لا خالاتي حبيبين لكن بينهم وبين عماتي عداوة
دلال :والله عااد تبيين الصدق!؟؟ انا اكتشفت ان خالااتي نفس عماتي لكن  خالاتي حيا الله من تحت لتحتت
ام عادل الي كانت توها جاية وبيدها سلة تمر وسمعت كلامها عن خواتها ودقتها برجلها ودلال تروعت ونطقت بصدمة وخوف :يييممه
ام عادل بحدة :قوومي جيبي دلة القهوة من المطبخ،. بسرعةةة
دلال قامت بسرعة:ححاضر يمه ابشريي
وقعدت تلبس حذيانها الي كل شوية تقلبهم من الخوف من امها
والبنات ميتين ضحك عليهاا لان المعروف عن ام عادل اذا عصبت مافي غير الخيزراانه الي يهديها لكن بعد ما تهدي تندم انها ضربت وتقعد تبكي ،.راحت دلين وهي تجري للمطبخ ،.وصلت المطبخ وقعدت تتحلطم على نفسها وغبائها وهي تدور الدلة بسرعة :اويلي اويلي من اميي والله لا تضربني بالخيزرانة هي كلل شيء عندها الا خواتها،. ياا ربييي وانتي وينتس يا الدلةة وقسم مانيب ناقصتس انتي بعددد،..يا رب تنسى امي لين تخلص العزيمة يا رب تنسى
واخيرآ لقت الدلة الي كان قدامها بس من توترها ما شافته راحت اخذته وكان في جنبه صحن تمر واخذته وهي تقول لعل امي تفرح مني لاني جبته لهاا
وجريت وهي تفحط وتدعي امها تنسى السالفة لين بعد العزيمة
وهي تجري ما حست على نفسها الا وهي تنصدم بواحد ومن الظلام ما شافته ولانه كان لابس ثوب اسود زيادة ما قدرت تشوفه وطاحت هي بالارض وفلت الدلة من يدها وطاحت بالارض وانكسرت
وهيوسعت عيونها بصدمة للدلة الي قدامها طاحت وانسكرت،.و ماا اهتمت مين الي صدمت فيه من صدمتها وخوفها على الدلة
وقامت بروعة وهي تشيل  الدلة بخووف وهي تقول :تككفيين لا تقوليين انكسرتيي لااا تكفييين ،..
لكن خلاص بعد وش القهوة كله انكبت لانها انسكرت خلاص
قعدت تضرب خدودها وهي تبكي  :يويلي والله يويلييي من اميي دلة زواجها كسرته والله لتكسر الخيزراانة بظهريي وش سوييتي يا دلين وش سوييتي والله لتذبحتس امتتس  "وضربت خدها بحسرة"   يا ربييي ليه المصاايب تحبنيي ليه بس اناا يجينيي المصاايب والله اني طيبةة وما قد اذييت احدد
ورجعت تناظر الدلة بحسرة:ياا ربي وش اسويي الحييين والله لتذبحني امي والله لتذبحنيي
ونايف الي واقف بصدمة من كلامها تكلم الدلة وتتكلم مع نفسها و تقريبا ماهي صاحية ابدد وكانت هي قاعدة بالارض عند الدلة وهو واقف وراها ما يشوف منها الا شعرها وظهرها
صحي نايف على نفسه بصوت صقر وهو ينادي :طرييق يا ولد وفز من مكاانه ونفس خوف وربكة دلين صار فيه وبسرعةة تخبي ورا خيمة الحريم قبل يشوفه ويركز عليه ولكن ان قرب ودقق ممكن يشوفه
دلال بحسرة وزعل :تعاال اخوي تعال تعااال وشف اختك قليلة الحظ وش سووت
جا صقر وهو ما دقق قاعدة بالارض ولا زعلانه وركز انها طالعة بدون طرحة ونطق بصدمة :دلييين؟؟؟ لييه طاالعة بدون لا يكون في شيء برااستس مهبولة انتي تخيلي في احد من العيال طلع ولمحتس؟؟،.. ياا ربيي صبرك تعبت وانااا اعلم فيتس انتي وعهد ما بغيتو تكبروون ؟؟
دلال :وانت الحيين ما ركزت الا اني طالعة بدون طرحةة؟؟ اختك ميتة اليوم يعني مييتة يا صقر
صقر تقدم منها وهو :بسم الله علييتس من المووت وش مسوية من مصايب؟
دلال تمسح دموعها واشرت للدلة :كسرته دلة زواج امي
صقر ناظر الدلة الي طايحة بالارض والتمر الي منثورة بالارض :لا تقولييها؟
دلال تبكي :اييه والله كسرتهاا يا صقر والله لا تذبحنيي امي تكفى سوي شيء صلحها ولا رح جيب واحد زيه والله اخاف من الخيزرانة
صقر نزل وشال الدلة الي ينقط قهوة :ولييته دلة ثانية  شايلة دلة زواج امتس ومدرعمةة ،.والحين وشلوون نصلح هااذي ؟
دلال للحين تبكي وترجف من الخوف