شاعر لعيون القصيد

البارت 57

فبيت ابو جاسم الكل قاعدين في صالة بقعدة العصر ودلال توها تدخل وهي منهد حيلها ورمت نفسها ب تعب وهي تقول : واخييرآ خلصتت
ام عادل التفتت لها :نظفتيه زيين
دلال :ايه يمه نظفته زيين
ام عادل :ايه حلو لا تقول عنا رفل وجت البيت وغرفتها مغبرة
دلال : شدعوة يمه تراها طيبة ما بتقول كذا بس انتو الحريم لازم توسوسو من الكنة الجديدة الي تجيكم لحد ما تشوفو طبايعها كيف وهي كيف وبعدين تطمنو
ام عادل :ايه لازم وشموخ ما شفنا منها الا كل خير بس يمكن فيها من تحت لتحت
دلال :بدت شغل العمات من الحين خلو البنية تسمي بالرحمن اول وتجي عندنا
شوق :وانتي صادقة والله ،هاتي هاتي بس شيبس من الي حدتس
دلال :ضفي وجهتس هاذا لو تموتين ما عطيتس منه روحي اشتري لتس من دكان الجدة ،هاذا جايبه لي نيوفي حبيبي نظر عييني
ام عادل رمت المخدة عليها :استحي على وجهتس انتي قالت نظر عيني قالت بنات اخر زمن ما يستحين على وجيههم
دلال: ايي ييمه وشقلت مو هو رجليي؟
شوق كشت عليها: مااالت عليتس وعلى رجلتس المصعقل كنه مكنسة
عهد تدخلت على طول :هيه هيه مين الي زي المكنسة
دلال بتحريض :قصدها نايف
عهد:لا والله؟اخويي اناا مصعقل زي المكنسة ماا شفتي التيس حقتس ابو وجه المربع جاية تقوول عن نيوف زي المكنسة
شوق :حبيبتيي قصي احلى من نايف بخمس مرات مافي مقارنات كلش كلش اش الي تشوفونه انتم وانا ما اشووفه فيه، مقربعع والله ويشبه الدجاج المنتوف
دلال عصبت:لو ما تسكتين بصفقتس بطراق يلف وجهتس مرتين
عهد ناظرت لام جاسم:خالتي سكتي بنتس ولا والله اذبحها هي ورجلها القصير
ام جاسم بضحكة:خلااص بسكم هواش انتو ما تقعدو بدون هواش ،بعدين خلاص قصي حلو بعينها ونايف حلو بعيونكم انتم
دلال :لاا خالتي هي الي بدت تسب مالنا دخل حنا
شوق :يمه وهم الثنتين علي اناا كلوني بقشوري
ام جاسم ضحكت على شوق :خلاص اجل لمن تجي شموخ انتي وياها عليهم
عهد تخصرت:لا والله يا خالتي يعني وقفتي مع بنتس وسحبتي عليي
ام جاسم :لاا الله يصلحتس وش اوقف معها بس يعنيي حراام عليكم بنيتي لوحدها وانتي ودلين عليها دايم
دلال:والله انها تجي دبلي ودبل عهد بعد ذي تيسة محد بقدها
شوق :تسكتين ولا ترا شحاطة الجدة متربعة حدي هااه
دلال : هه قلك تهدد يعني
سمعو صوت صقر عند الباب وهو يقول :طرييق يا ولدد
تحجبت يقين الي كانت جالسة بعد جنب الجدة وام جاسم قالت:ادخل يمه تغطت
دخل صقر وهو يسلم على امه ويبوس راسها
ام جاسم :هلا يمه ،بغيت شيء
صقر قعد جنب عهد ب تعب :لا ابد والله توني راجع مع ابوي من سوق الغنم واشترينا كم غنمة كذا مليانين شحم لحم وخلينا امجد ياخذهم المزرعة
ام عادل :ابوك الحين بالمجلس ولا راح مكان؟
صقر :لا لا رجع وقاعد بالمجلس يتقهوا
ام عادل وهي تقوم:زين انا بقوم اشوفه
ام جاسم بهتمام:ليه فيه شيء؟
ام عادل :ابد بس بكلمه بموضوع
ام جاسم سكتت وام عادل طلعت للمجلس وصقرر لف لعهد وهو يقول ببتسامة:وشلون صحتس
ابتسمت عهد :الحمدلله طيبة
صقر :ومنتي ناوية تولدي ترا ذبحني الشوق ابي اشوف بنيتي
عهد:وش اسوي ماهو بيدي المفروض هاذا شهري لكن تاخر واجد وانا خايفة يولدوني قيصري ان ما جاني الطلق
الجدة: لا تخافين ما بيولدونتس قيصري انتي بس امشي واجد وان شاء الله يجيتس الطلق وتولدين طبيعي
عهد ابتسمت: أن شاء الله
شوق:شوفي عهدوو من الحين اقولتس انتي لازم تولدين قبل عرسناا انتي ومها ثنتينكم تفهموون؟
عهد : وليه ان شاء الله لا يكون ما بتخلينا نحضر وحنا حوامل
شوق:اييه ،بنكتب بالكروت ممنوع اصطحاب الجوالات والاطفال والحوامل بعد
عهد:والله؟
شوق:اييه
عهد لفت لصقر :عاجبك كلام اختك ما تتكلم وتقول شيء
صقر يصب له شاي وهو ما يدري وشسالفة : ا وش
دلال :ترا صقر مسكين لا تدخلونه بينكم
صقر يرخي ظهره وبيده فنجان الشاي :ايه دلولي صادقة تكفون لا تدخلوني بينكم
شوق:ايه اشجعها تولد قبل العرس ترا جاني فوبيا من الحوامل اتخيل يجيها الطلق وتوسخ فستاني يممه رعبب
عهد:شكلك مكثرة من مسلسلات التركية انتي
شوق :اح والله صدق مين علمتس
عهد تشرب شاهي:بدون غش واضح هاذي قصصهم وسواليفهم حافظتها وعاجنتها ،بعدين بسم الله علي اولد بيوم عرسكم مو كافي اني سقطت بمل
وسكتت بعد ما استوعبت هي وش قاعدة تقول ،وصقر نزل فنجان الشاي من الي قالته عهد وشوق لمن شافت ان فجاءة صار هدوء قالت بضحكة:تخيلي عاد بس تولدين بيوم عرسنا ويصير يوم ميلادها وعيد زواجنا يوم واحد ونااسة
عهد ضحكت بخفة على شوق : عاد مافي احلى من ذا اليوم بس خلاص معليك نحاول نولد قبل عرسكم
دلال :ترا صادقة شوق كلمو دكتورتكم خلي تشوف لكم حل و ولدو قبل العرس
عهد اخذت نفس بقلة صبر:ترا ولادة يا بشر بعدين شدخلني هاذي بنت اخوكم الي عاجبها المكان داخل وما تبي تطلع ولا كل الامور تمام تراا
شوق:حسابها عندي لمن تولد
صقر عدل جلسته:هيه هيه بسم الله شبلاكم على بنيتي حتى وهي للحين فبطن امها ما سلمت منكم
دلال :من الحين اقولكم هاه الي يقرب صوب بنت اخوي ما تلوم الا نفسها ،اييه وراها عمتهاا
صقر قال بضحكة وفرحة: كفو هاذي اختيي