شاعر لعيون القصيد

البارت 27

فتحت الباب بالمفتاح ودخلت وهي تطالع البيت سااكن وهاادئ بدون اي اصوات عرفت سلطانة وبنتها معزومين عند حد وز ماهم بالبيت،. قفلت الباب ودخلت
الا بهاللحظة صدمت بخروج رعد من المجلس
شموخ لفت جسمها له وهي تقول بروعة:بسم الله انت من وين طلعت لي الحين
رعد مسك ذراعها بعصبية وهو يصر بسنونه :لييش رفضتي هااه ليييش؟؟!
شموخ تناظره بدهشة وهي ترفع حاجبها:والله؟؟
رعد يهزها بعصبية :والله ياا شمووخ حلفتت هااه!! والله ان رفضتي هاذا المررة ما يحصل خيير فهمتيي؟!
شموخ نزلت يده عن ذراعها بهدوء وهي تنطق :زين؟!
رعد قعد يناظرها وهو يتنفس من العصبية :الظاهر انتي ما تعرفييني زيين يا شموخ اناا لو صممت على شيء اسويه لو نص البلاد وقفت بوجهي وان حلفت اني باخذتس اعرفي اني بااخذتس وغصبب عن الي يبووونتس وغصبب عنتس بعدد و بكسر راسهم ورااستس انتي كماان تفهمين ولا
قاطعته شموخ بصوت عالي وهي خلاص صبرها خلص مع رعد : ولاا وشهو بتسوي؟؟!هااه وش بتسوي علمني؟تتحدااني انك بتااخذني؟ وغصب عني كمااان؟؟؟ لااا حبيبيي انت هنا صرت تحلمم شكلك انت الي ما تعرفنيي زيين تبي تكسر رااسيي؟ "وضحكت باستهزاء"حبيبييي انت قاعد تلعب مع الشخص الغلطط لا تحسبني من بنات الغزلاان الي بتقدر تكسر راسهاا وتتزوجها وهي تبكيي بنات الروايات ذي مهيب اناا صدقنيي ما بتقدر تكسر راس وحدة عدوينها حاولو يذبحونها وهي ببطن امهاا لأنهم خاايفين منهاا زيين ؟؟!
رعد ضل يناظر فيها بعضب
شموخ اخذت نفس :لا تمشي في درب منتى بقدهاا
ومشيت من عنده بعد ما رمت عليه نظرة
ورعد ضل واقف بمكانه وهو راكبه الشيطان الا ويبيها

ويوم ورا يوم ومرت الاسبوع وجا اليوم الي حيدر منتظرها وبفارغ الصبر
وفي صباح اليوم الموعود لحيدر الي بيتسابق فيه مع شمووخ ويعرف عيون القصيد وكان الاسبوع ذا كلها يتدرب وما صدق متى يجي اليوم الي يتسابقون ويعرف حبيبته ونظر عينه صحي حيدر ملهووف ونشييط غير عن عواايده والكل ملاحظ عليه وداريين ليه نشيط ومستانس زي كذا
ومن شغل لشغل يبي يخلص بسرعة ويفضي وقته
جت دلال وهي بيدها المسجل :صقر شف ذا مدري وشبلاه ما يشتغل
صقر :هاتي اشوف وشبلاه ذا
حيدر اخذه من يد دلال : هاتي انا اشوفه لتس
صقر يناظره :يا رجال هدي اشفيك نشيط اليوم كذا بسم الله عليك ترا سباق ماهو عرسك
حيدر : ليته عرسي والله
صقر:منتى بصاحي والله اقولتس دلال وش بتسوون بالمسجل مو من عوايدتس تسمعينه
دلال :لا ما بسمع الاذاعه من زين سوالفهم بس بنرقص انا والبنات في ليل ادري ابوي اليوم عنده عزيمة وماهو راجع الا متأخر
صقر :ما شاء الله تعرفين بالعلوم؟!
دلال :ايه قلي فهود
صقر:ذا فهود يبغاله شدة اذن صاير يوصل الحكاوي
الجدة جت وهي وراها شوق الي شايلة صينية اعشاب واللخخ حق الحريم عشان بتسويهم وهي تقول:مين الي يتكلم على فهودي هااه منن؟
صقر ضحك:محد محد سلامتس يا جدة تعالي اقعدي
الجدة جت وجلست وشوق حطت الصينية قدامها
صقر:وشذا؟!!
الجدة :هاذا دوا يمك بسويهم ليقين ان شاء الله بتولد قريب وفي حرمة ضاحي بعد
صقر :ما شاء الله
الجدة ناظرت حيدر بستغراب :وهاذا وشبلاه من الصبح اشوفه مهوب عاجبني رجعوه لامه
صقر فطس ضحك :مدري وشبلاه يا جدة من صحي وهو مهوب ولدنا
الجدة لفت عنه وهي تقول:وانت صادق مهوب ولدنا،. اقول شوقو جيبي الطحانة الله يسعدتس
شوق بتحلطم:يا جدة والله اني تعبت اليووم كنست الحوش ورتبت ونزلت لتس الدوا بعد والحين اروح ادور لتس الطحانة والله حراام حسو فيني
الجدة :خلااص صرعتيناا "ولفت لدلال" دليين قومي جيبيه بسرعة من الصبح متربعة ما وراتس حاجة
دلال :وانا وشدخلني الحين بينكم؟!
الجدة :تقوومين ولا وشلون؟؟!
دلال قامت وهي تناظر بشوق الي تقهرها لان الجدة قومت دلال وما قومتها هي
صقر بنظرة لشوق:اهجدي
حيدر رفع المسجل :هاتس صلحته لتس
صقر :هات اشوف
حيدر: ترا حنا بعد نعرف نصلح مهوب انت بس
صقر:طيب بس بشوفه وشبلاك اخاف خربته زيادة من نشاطك
حيدر مده له وقال بنشاط:اييه وش باقي كمان
الجدة :هاذا وش شارب؟!
حيدر:شارب نسكافيه يا جدة
الجدة فزت :يويلي
حيدر فز من فزتها وهو يقول:وشهوو؟!
الجدة:تسبنيي
حيدر نطق بسرعة:لا استغفرالله وش اسبتس
الجدة :اجل وش ذا
حيدر:قهوة قهوة يا جدة
صقر فاطس ضحك :ترا يسبتس بالانجليزي يا جدة
شوق:يكذب عليتس شايب عهد يا جدة ترا ذا قهوة
الجدة :اشوا احسبه يسبني
حيدر :اسبتس يا جدة هو انا قد سبيتس عشانتس متوقعته مني والله انتي امي الثانية وتاج راسي بعد
الجدة ابتسمت ورفعت يدها له :تعال يا وليدي والله انك الاعز لقلبي
صقر يناظرها بصدمة:ما كن انتي الي قلتي عنه مهوب ولدنا؟؟!
حيدر بعد عن حضنها وقال بدهشة وهو ياشر على نفسه:انا مهوب ولدكم
الجدة ترجعه لحضنها:معليك يكذب يكذب غيران منك
وقرصت صقر الي قعد يضحك عليها