شاعر لعيون القصيد

البارت 43

جا الليل وتجهز الكل لاجل الضيوف الي بدت تجي واحد ورا الثاني
وعهد قاعدة مع البنات الي كلهم كانو قاعدين بغرفة لوحدهم عشان ياخذن راحتهم بالكلام مع بعض
وحنين كانت جنب عهد وهي حاطة يدها فبطن اختها وتقول:مو مصدقة اني بصير خالة يا ولهتي لين ينورو
ضحكت عهد:خلاص كل شوية وحدة تجي تلمس بطني
حنين:انا غيير انا خالتهم الوحييدة
دلال ناظرتها:وشقصدتس يا حنينوو! ؟
حنين:ولا شيء بس عماتهم واجد بسم الله عليهم اما خالتهم وحدة شيء مميز
دلال :امحقق خاالة والله
عهد:انتي وياها بس لا تتهاوشن الحين
رهف ضحكت:معليتس يا دلال اهمشي لما يولدو ونشوف يحبون عماتهم ولا خالتهم
عهد :وانتي صادقة
سارة :من الحين نقولتس يا حنين البنية لنا والولد لكم زين كذا؟
حنين:خلاص تم انا ما احب البنات احب العيال
رهف ضحكت:زيي والله انا توني في صبح اكلم بدر واقوله ان لو جاك ولد انا  اسميه واذا جتك بنية انت سميها
عهد:لا والله انتي واخوتس تختارون بكييفكم ولا سألتو مها المسكينة! ؟
رهف:عاادي هي قالت اختارو بكيفكمم تراها طيبة حييل
ضحكت عهد وهي تقول: يا حليلها والله انها تنحب "ولفت وهي تدورها حولهم"الا وينها مها ما نشوفها
رهف ناظرت حولها وقالت:اكيد قاعدة مع الحريم هيا الحين بناديها
سارة صدت نظرها بقهر وهي مو متحملة ابد وجود مها معها بنفس المكان وما صدقت تروح لغرفة ماهي موجودة فيه
شوق قربت وتربعت بالوسط بطفش  :تعالو نلعب لعبة  يا بنات ترا مرةة طفشش
دلال:وش نلعب! ؟
شوق ناظرت جنبها وشافت علبة موية واخذتها وهي تقول:تعالو نلعب حكم وصراحة
حنين:يالله
عهد:صبر بس خلي يجو رهف ومها ونبتدي
ما كملت كلمتها ودخلو ثنينهم
ورهف قالت: وش الي نبتديه ؟
عهد: تعالو شوق تقول خل نلعب حكم وصراحة
رهف:يالله
وراحو وقعدو وقعدت مها بمسافة عنهم
وعهد ناظرتها وهي تقول :مهاا؟ تعاالي هنا وشبلاتس قعدتي هناك ادخلي معنا اللعبة
سارة ناظرت مها بطرف عين وقالت:خليها ما تعرف تلعب  ترا
مها كانت بتقوم وتقرب لكن من سمعتها ما قامت
ورهف ناظرت سارة الي من تزوجت ساهر وهي ماهي سارة الي كانت تعرفها وقالت بحدة :الا تعرف تلعب وبتلعب معنا بعد "وناظرت لمها'مها تعالي العبي معنا اللعبة سهلة وبتعرفين لها من اولها
مها سكتت شوي وبعدها قامت وتقدمت منهم وجلست جنب رهف وعهد وهي تناظر بعيون سارة الي صدت نظرتها عنها ب كره
وشوق لفت العلبة و وقفت على حنين ودلال
شوق:حنينو ودلين
حنين ناظرت دلال :حكم ولا صراحة
دلال:صراحة طبعآ
حنين قعدت تفكر لثواني وبعدها ابتسمت بخفة وقالت:امممم تظني يا دلين ان،.. ممكن في احد يحبتس بالخفا؟
دلال ابتسمت بثقة وهي تقول:طبعآ و واجد الي يحبوني ويتمنون نظرة  بسس من عيوني
حنين صدت نظرها عنها بتملل: ليتني ساكتةة بس
دلال :سألتيني وجاوبتس
شوق:يالله بنرجع نلفها لا تتهاوشن
ورجعت لفتها شوق وهالمرة جت على سارة ومها الي كانو قاعدين قبال بعض
وسارة كانت تناظر لمها وما لاحظت حتى ان جا الدور عليها وشوق قالت:ياهوه جا الدور عليتس
سار ناظرتها:وشهو! ؟
شوق :وشبلاتس انتي،.. اقول جت الدور عليتس
سارة ناظرت العلبة بإستيعاب وشوق قالت:يالله انتي ومها
سارة وجهت نظرها لمها وهي تحس جت من اللعبة عشان تسألها السؤال الي ودها تسأله لها ومن زمان وقالت :حكم ولا صراحة؟
مها سكتت لوهلة وبعدها اشرت لها الصراحة
وابتسمت سارة وهي تناظر لعيونها ونطقت بجرأءة:اناا سمعت،.. ان بدر كان يحب وحدة قبل يتزوجتس وما جاز له النصيب وتزوجهاا،.. فالسؤال هناا هل انتي تدرين ولا لا! ؟؟
الكل صدم من سؤالها الي ابد ما كان له داعي
وشوق همست لسارة:ساارة وشذا السؤال البايخ! ؟
سارة  ما سمعت منها وهي منتظرة الجواب من مها الي صدمت انها سألتها سؤال زي كذا
رهف ناظرت سارة بحدة وقالت:منتي مجبورة تجاوبين يا مها لان السؤال اكبر من لعبة نتسلى عليهاا
مها حطت يدها بكتف رهف بمعنى معليك وناظرت لسارة وهي تاخذ نفس وهزت راسها ب نعم انا ادري
صدمت الجميع ب انها تدري كانو يظنو انها ما تدري لكن طلع انها تدري بكل السالفة والظاهر بعد تدري انها سارة
وسارة ابتسمت لان لو كانت تدري او لا كانت بتدري الحين
والكل كان يناظرها وهم مصدومين منها ومن سؤالها
وشوق حست الجو صار مقلق فقالت بضحكة :وشذا حنا مالنا دور باللعبة نجرب حظنا الحين ونلفها
ولفتها وكان بهالوقت عيون رهف تناظر لسارة بقهر من حركتها الي ما كان لها اي داعي
و وقفت العلبة على رهف وسارة ورهف ابتسمت اول ما شافت وقفت عليهم ونطقت ببتسامة وسيعة :داامتس دخلتي بالعميق يا سارة،. بغيت اسألتس بسؤال ودني بجوابها من زمان
سارة ابتسمت :تفضلي
رهف ببتسامة نذلة :هو مااهوب سؤال بس تقدريي تقولين استفساار،.. من يوم تزوجتي ساهر ما قدني شفت لحاف ساهر ومخدته حدتس بالسرير يوم بالكنبة ويوم بالمجلس،.. معقوول ان انتي ما تعطينه حقه الشرعيي!! ؟ وتطردينه ؟؟
وشلون اختفت ابتسامة سارة تدريجيآ من سؤالها الي فعلآ كان قوي
وشوق  ناظرت رهف بحدة  :رهفف
رهف ناظرتها :وش الي سألته مو هي الي دخلت بالعميق! ؟،.خلها قد الجواب دام عطيناها الجواب الي تريده
مها مسكت يد رهف وهي تناظرها بترجي عشان لا تسوي مشكلة
وسارة ناظرت رهف وبعدها قامت من مكانها
ورهف صدت نظرها وبعدها مدت يدها و رمت علبة الموية بخفة وهي  تقول:امحق لعبة
وقامت من وسطهم
وكانو البنات مندهشين من موقف رهف مع سارة اول مرة يشوفونها كذا  تعودو عليها انها انسانة طيبة وحساسة ومالها بالمشاكل ابدد
وبنفس الوقت مصدومين من سارة الي واضح ان بقلبها الغل لمها وهي الي بدأتها ورهف ما سوت شيء غير ان ردته لها بالمثل
بهاللحظة دخلو بنات ابو فارس وقامو البنات لاجل يسلمو عليهم
ومها سلمت وانسحبت من بينهم وهي ماسكة الغصة من الموقف الي طاحت فيه قدام البنات