شاعر لعيون القصيد

البارت 17

تعشو صقر وعهد وخلصو وكاانت اجمل ليلة تعيشها عهد بكل تفاصيلها صحيح الي سواه صقر كان بسيط جدآ لاكن كان بنسبة لها شيء كبيير وكل ماله صقر يخليها تحبه اكثر من قبل من تصرفاته الي يخلي الواحد يحبه غصب عنه
خلصو ولملمت فوق الطاولة
جا صقر:خلصتي؟
عهد :ايه خلصت
صقر:زين تعالي معي بوريتس خيلي
قامت معه عهد واخذها عند الاسطنبل واشر لخيله الي لونه بني وقال:هاذا خيلي
عهد:طيب والخيل الابيض حق مين؟
صقر :الخيل الابيض حق ابوي واسمه عود
عهد ابتسمت :طيب وخيل شايبي وشسمه
صقر ضحك:خيل شايبتس يا طوييلة العمر اسمه مسك
عهد :مسك! اسم فخم
صقر ضحك وفتح الباب حق خيله ودخل وراح عنده وهو يركب اللجام فيه: يالله باخذتس جولة
عهد :يمه لا اخاف
صقر:افا تخافين وانا معتس!؟
عهد :لا بس ما قد لي ركبت واحس اني بدوخ
صقر:ما يصير الا كل خير
عهد فكرت شوي وبعدها قالت :طييب
طلع الخيل برا ورفع ثوبه وعقده بخصره
وعهد كانت تناظر فيه وعضت شفتها من حركته والمعروف انه ذي الحركة تجيب راس اغلب البنات وصقر نزل عقاله وتلثم بشماغه وكانت عهد تراقبه ببتسامة
وركب على الخيل ومد يده لعهد مدت يدها وسحبها وركبها قدامه بالخيل وعهد زفرت براحة لانها ظنت بتطيح وبنفس الوقت توترت لأنها اول مرة تكون قريبة زي كذا من صقر وانطلق صقر بحماس وهو بيد ماسك اللجام وبيد ماسك عهد لا تطيح وعهد حابسة انفاسها بخوف من سرعته
واخذ جولتين حولين الاسطنبل ورجعو مرة ثانية
عهد مسكت قلبها:يمه بغيت اموت
صقر:بعيد الشر عليتس
عهد :والله مدري وشبلاه خيلك كل ماله يسرع شكله قاصد يجلطني
صقر ضحك:يمكن انا الي قاصد هو ماله ذنب
عهد سكتت من جملة "يمكن انا الي قاصد" وما تدري ليه بهاللحظة تذكرت كلام دلال يوم قالتلها عن قصة المسلسل وقالت بداخلها "وش عرفتس يا عهد يمكن كل ذا مقصود بس عشان احبه ويجرحني مثل ما جرحته يمكن كله كذبة وانا عايشة فيه واحلم!؟؟
صقر :ناخذ جولة ثانية؟
عهد صدت وجهها ونطقت بحدة:صقرر نزلني ماابي
صقر ضحك:وشبلاتك!؟
عهد نط٣ت بأنزعاج :صقرر نززلني بسرعةة
صقر الي استغرب منها ونطق :طيب بس وشبلاتس!؟
عهد:ماافي شيء بس نزلنيي
صقر نزل وبعدها نزلها وهي اول ما نزلت بعدت عنه ومشيت وصقر لحقها :عهد وشبلااتس ،عهدد
عهد مشيت من عنده وهي مصدية :ماابي ولا شيء بس رجعنيي البيت يا صقر تكفى
صقر :ابشري بس قولي وشصاار توه ما كان بتس شيء
عهد:صقر تكفى لا تسألني ولاا شيء ورجعنيي البيت
صقر ما حب يضغط عليها وقال:طيب بس ثواني وراجع
ضلت عهد بمكانها وهي تحس نفسها مخنووقة من الي فكرت فيه
وبعد دقايق رجع صقر بعد ما رجع مسك لمكانه وطفى النار والنور واخذ الاغراص على السريع وركبو السيارة وهو مستغرب وشصارلها فجأة وعهد ما ناظرت لصقر ابد

ياسر كان منهار ومو قادر يثبت ابدد ودموعه خانته من وجع قلبه ويردد والله مانيب مساامحك يا مفرق الاحبااب
وصلو البيت وفتح لهم ابو ياسر مفجوع وانصدم اول ما شاف ياسر وقال وهو يتقدم عنده بسرعة:يبه يااسر وشبلااك يا ولديي بسم الله علييك
ياسر بحرقة قلب ودمعته بخده:يببه زوجوو عرباا خذوو عربا منيي يا يبه خذووهااا العذاال خذوو روحي وهنااي وكسرو ظهرر ولدك يا يبه كسرووه
ابو ياسر انصدم وناظر لامجد الي كان ماسك ياسر لا يطيح وكانت نظرة امجد كلها اسف على ياسر
ابو ياسر سند ياسر فيه ودخله المجلس هو ومعه الشباب وام ياسر من سمعت صوت ولدها جت وهي تقول :وشصااير يا ابو ياسر
ومن شافت ياسر جت عنده بسرعة وهي متروعة وخايفة عليه :يممه ولدييي وشبلاااك بسم الله عليكك وشفييك يا ولديي
ياسر بقهر :يممه بلااا ولدتس انه راافق من يحفر لقبره بلاااي انيي ما حبيت الا البعييد منيي ياا يمه الي كنت ابااري فييه واحطه بيمناي هوو نفسه الي رمااني من ظهريي وكسرنيي
ابو ياسر مسك يد ياسر:خلاص يا يبه اذكر ربك
ام ياسر مرعوبة من وضعه :علموني ولدي وشصااير فييه وشبلااه ولديي
امجد :اصيل عرسه اليوم على عربا
ام ياسر صدمت :وشهوو اصييل؟؟؟
ابو ياسر :اذكر ربك يا ولدي اذكر ربك ما يصير الي تسويه
ياسر كان منهار ووسند نفسه بحضن امه وهو يقول بحرقة:يممه لييه صار كذاا تكفين قوليلي ليييه والله اني دعييت ربيي قلت ياا رب اعمي قلبي عن هواا غيرهاا ياا ربب ان كاان مالي خير فيهاا اصلحه واجعله خيير لنا دعييت يا يمه والله دعييت من كل قلبيي لييه صار كذاا
ام ياسر حضنته وهي تبكيي من وضع ولدها الي يبكي الحجر ما كان ياسر ابد صاحي كل شيء كان يحسه بجسمه يوجعه
ابو ياسر ما تحمل وقام من مكانه وهو دمعته بعينه
وياسر ضل يبكيي بحرقةة قلبب لين ضلوعه كله اوجعته