شاعر لعيون القصيد

البارت 16

في غرفة شموخ
كانت قاعدة وتحس في شي ناقص بيومها حيدر له يومين ماله حس وخبر وهي مقدرت تروح الاسطنبل تحس ما ودها تقابله عيونها اللهافة بتفضحها وبنفس الوقت تبي تعرف عنه شيء ودها تجدد شعورها بقصيدة بس المصيبة مختفي من يومين ومشتااقة له حييل
تنهدت وهي تناظر الاوراق المنثورة قدامها فوق الطاولة ومدت يدها و مسكت القلم لكن سرعان وقفت بتردد ورجعته بمكانه وهي تقول بداخلها اثقليي يا شموخ منتي انتي الي تكوني خفيفة زي الريشة وشذاا جاب راستس بكم قصيدة
وقامت من مكانها وهي ما تبي تفكر فيه لاكنه مسيطر على افكارها غصب عنها
توجهت غرفة امها بس لقتها نايمة واتطمنت عليها وطلعت بعدها
نزلت تحت وهي تتنفس براحة لانه رعد راح جهز بيته وراح قعد هناك وهي ارتاحت منه ومن غثاه وحركاته الي ماله داعي
اندق الباب وعقدت حواجبها بستغراب من يجيهم الحين
راحت عند الباب ونطقت :ميين؟
مناير :انااا مناير حرمة اخووتس
شموخ تأففت وهمست:هاذي وشجابها
فتحت الباب وهي تقول بدون نفس:اهلين بحرمة اخوي
مناير تقدمت منها وباستها  باستعجال:هلا فيتس،، امتس صاحية
شموخ تناظرها باستغراب ليه مستعجلة :لا نايمة
مناير تمشي عنها مستعجلة :معليه بصحيها بشوفها خمس دقايق وبمشي ، معندي وقت بروح بيت اهلي
شموخ تقدم عندها وهي ترفع يدها توقفها :هيه هيه تعالي وين رايحة اقولتس نايمة تقولي بتصحيها خليها نايمة
مناير وقفت ولفت لها وهي تناظرها وقالت : وشبلااتس يا شموخ تدورين مشاكل انتي!؟
شموخ استغربت منها :انتي الي جاية وتقولين صحيها معندي وقت دام معندتس وقت ،كان ما تجين احسن
مناير تقدمت عندها:اسمعيني شموخ انا ساكتة بس عشان اخوتس لاكن حركاتس هاذي لها كلاام
شموخ :كثر الله خيرتس اذا ساكتة عشان اخوي
قاطعتهم سلطانة  الي نزلت توه وهي تقول :هلا هلا والله بمنااير توه ما نور البييت
مناير لفت لها بفرحة:هلااا هلا والله بشيخة البيت هلاا
شموخ صدت وجهها بملل منهم ومن تصنعهم كل وحدة تتكلم ورا الثاني لاكن قدام بعض حبايب
قعدو يبوسو بعض ويسلمو على بعض بفرحة
سلطانة :الله يصلحتس تجين وتبين تروحين غير ما تسلمين علي؟؟
مناير:ويين اروح يا بعد قلبي قاعدة عشاانتس انتي ولا مو مستقبليني اهل البييت
سلطانة ناظرت لشموخ وقالت:معلييتس يا بعد قلبي تعالي ندخل المجلس
مناير :يالله
دخلو ثنينهم داخل وشموخ صدت بوجهها وهي تطلع فوق بقلة صبر

ام عادل وسارة ومعهم دلال وجازي تجهزو عشان يروحون السوق يقضون لسارة
عهد طلعت من المطبخ وهي تنزل اكمامها وقالت:وين رايحين يا خالتي!؟
ام عادل :رايحين السوق يا قلبي تجين معنا؟
عهد سكتت شوي وهي تشوف عددهم ونطقت بتردد:مين بياخذكم؟
ام عادل:حيدر مشي المزرعة وصقر الله يرضى عليه قال انا باخذكم
عهد :لحظة بشوف صقر
ام عادل:طيب يا قلبي " لفت ووهي تنادي البنات بصوت عالي" يالله ياا دلاال وساارة بسرعةة ما صاارت ترا
عهد طلعت الحوش وهي تلبس طرحتها وكانت سيارة صقر بالحوش وهو راكب فيها منتظر يجون الحريم
عهد ناديته من بعيد بصوت عالي :شاايبي
صقر التفت لعا لها وابتسم من شافها ونطق :هلاا
عهد :انت بتاخذهم السوق؟
صقر:ايه انتي بعد جاية؟
عهد قبل تتكلم طلعو البنات ومعهم ام عادل وهم لابسين عباياتهم ناظرتهم  بحيرة:مدري احس ما بنكفي بالسيارة!
صقر ضحك ونطق :البسي عبايتس وتعالي ان ما شالتس الربع بشيلتس بعيوني
دلال قعدت تضحك ونطقت بصوت عالي :الله على عصااافير الحبب
عهد استحت ونطقت تتهرب :طيب رايحة البس وجااية
وجازي ودلال قعدو يضحكون عليهم ودقايق وجت عهد
وام عادل ركبت قدام ودلال وسارة وعهد وجازي ورا
وحركو للسوق