شاعر لعيون القصيد

البارت 7

مرت الاسبوع بسرعةة وهم مو حاسين عليها بسبب انشغالهم ب عرس صقر الي الكل تجهز لها من القلب خاصة وانه من زماان ما صار في عرس بعائلتهم وصقر صارله مخطوب ثلاث سنوات تقريبا واخيرآ جا يوم عرسه واليوم بيجتمع مع حبيبة الطفولة
عهد الي من يوم وهي صغيرة وهو كان يقول والله محد غيري ياخذهاا وكان قد كلمته وخطبها من بدري بس عشان محد يخطبها والكل يدري انه عهد لصقر وما حب يتزوجها وهي صغيرة وهو يدري ابوها مستحيل ياخذ رأيها ما يبيها تكون مجبورة عليه
لاكن مع الاسف بكل الحالات كانت عهد هيا نفسها سواء قبل ثلاث سنين او الحين ما تغير رأيها ومشاعرها تجاه صقر الي يموت فيها مو بس يحبها

دخل عليها الغرفة وهو يحس مو قادر يرفع كفوفه من رجفته ،ويحس نفسه ماشي فوق قلبه مب فوق الارض ، واخيرآ اجتمع مع حبيبة القلب ما يصدق انه بيشوفها الحين بالفستان الابيض وهو الي ما قد شافها بعد ما كبرت يتذكر تفاصيل وجهها وهي صغيرة قبل تغطي عليه
قرب منها بخطوات ثقيلة ورفع راسها له وهو ماسك دقنهاا ويحس نفس الشكل الي تخيله بباله كانت نفسهاا كانت جميلة بشكل مفرط ،قعد لثواني يتأملها وقرب وطبع بوسة بجبينها وهو يقول :مبروك علينا يا عهد
عهد من قو ما هي مستحية ما قدرت تجاوب
وصقر ابتسم لخجلها الي يحس وتره زيادة ما هو متوتر بس هو حالف انه نصيبه من الشوق بياخذه لا صارت حلاله ما قدر يمسك نفسه وضمها لصدره وهو يحس اشتااق لها من يوم وهي طفلة كبرت وكبر شوقه معهاا

ما صحي الا على ركلة في فخذه من امجد الي كان بناظره بدهشة
وتدارك وضعه وكان حاضن رامي، وحيدر وامجد واقفين عنده ويناظروونه بإستغراب ودهشةة
صقر ناظر لرامي وتدارك وبعد عنه بسرعة وهو يقول :خ خيير وش تسوي عنديي
رامي :انا الي اسألك وش تسوي عندي،، حاضني استح على وجهك ،الليلة عرسك اصبر ولا تفضحناا
صقر ناظرهم :شتقول انت
حيدر :هدي هدي اخوي ما ينفع كذاا صدقني خلاص اصبر لين اليل وحاول ما تفكر واجد
صقر استوعب للي يقولونه وانحرافهم و ورمى المخدة عليه :يا قليلين الادب، ما تستحون على وجيهكم اذلفوو من وجهي بسس
امجد :تكفى تكفى وش كنت تحلم؟؟
صقر يقوم من عندهم ويلبس نعاله :شعلييك انت وش كنت احلم
حيدر:لحظة لحظة تعال ولا تستحي قل لنا وش كنت تحلم ؟
راح صقر وما سمعهم حتى وهم قعدو يضحكون عليه
والحريم بهاذي الوقت كانو محيوسين بالكوي وملابس عيالهم والمكياج والاكسسوارات
وصقر قام عشان يتوضى وبعد ما خلص صلى و طلع يدور دلال
صقر:يا دلاالي وينتس دلااال
دلال جت :هلا عضيدي
صقر :تكفين طلعي ملابسي بروح الحلاق
دلال :افاا مجهزتهم لك من بدريي
صقر قرب منها وحضنها:فديتس يا دلين ما تنسين اخوتس
دلال صدت نظرها عنه  :انا ما انساك وانت لا تنساني يوم تعرس وتجيب حرمتك
صقر :افا انا انساتس لاااا والله يا دليين  ما انسااتس انتي مو بس بعقلي بقلبيي بعد مسكنتس بعيني وقلبي وروحي
دلال قعدت تضحك على كلامه وبعدها ابتسمت:رح تجهز بسرعة لا تتأخر حده ابوي يسأل عليك من يوم صحي
صقر:يالله يالله يا كِلي
دخل يلبس ،والعيال قعدو يتهاشون من ياخذه الحلاق و رامي فاز واصر انه هو ياخذه
وطلع له صقر وتحركو ،وابو جاسم وعياله تحركو للمزرعة عشان ياخذون الدلالات و يرتبون المقاعد الي خذوه امس