شاعر لعيون القصيد

البارت 40

حيدر ضل مصدوم من كلامها
وشموخ صدت نظرها عنه وهي تنزل يدها عن خده وتقول لنفسها انا قاعدة اكلم مين ؟
اكلم حيدر الي ما يذكرني أصلا
وبلعت ريقها وهي تلم كسرها وشتاتها وقامت من مكانها بهدوء
وحيدر رفع يده عشان يوقفها لكن خانته لسانه انه يناديها ويقولها انتظري
بهاللحظة بذات كان وده جدآ انه يتذكرر وش الي عاشه قبل وبذات وش الي عاشه مع شموخ بضبط
يدري ان في كثيير ذكريات تجمعه معها لكن ذاكرته قاعدة تخونه بكلل لحظةة
وكنه اشتااق ولهف لأيام وذكريات هو ما يتذكرها بالاصل
وقام من مكانه بعد دوامةة من الهواجيس الي اهلكته واهلكت عقله فيه
ورجع الاسطنبل وما شاف ولا احد منهم عرف انهم مشيو
وغمض عينه وهو يحاول للمرة المليون انه يتذكر لكن مثل كل مرة
استسلم لذاكرته في انه يتحكم فيه وبحبه لاحبابه
ومشي لسيارته متوجه البيت بعد ما كان متلهف انه يجي لاسطنبل وما طول وبيرجع مرة ثانية

بدر دخل  المجلس وكان ابوه قاعد ومعه ساهر وسارة الي اول ما دخل ابتسمت من كل قلبها
وام ساهر الي كانت تقهوي ابو بدر ورهف الي كانت قاعدة مع سارة
بدر تقدمت وهو واضح عليه الفرحة واول شيء تقدم من ابوه وباس راسه وهو يقول:جاييك بالبشارة يا يبه
ابو بدر:بشر الله يبشرك بالخير! ؟
بدر ناظر لمها الي توه دخلت وهي مبتسمة ابتسامة حيا وهي دايم كذا وقال:ابشرك يا يبه مها حامل
ابو بدر بفرحة:الله يبشرك بالخير يا ولدي الله يبشرك بالخيير
وقام له بسرعة
بدر :لا لا خلك يبه
ابو بدر حضنه بفرحة:بشرتني بشارة ينقام لهاا يا بدر الله يبشرك بالخير يا رب
بدر ضحك وبادله بالحضن
وسار الي تسمرت بمكانها وهي تنزل نظرها للارض وهي ماسكة نفسها
وبعد ابو بدر تقدم ساهر وهو يضحن اخوه ب حب :مبرووك يا اخوي عشاه يولد سالم وغانم يا رب
بدر ضحك:الله يبارك فيك وعقبالك
ساهر بفرحة:امين امين
وابو بدر نادا مها وبارك لها بفرحة وطلع من جيبه فلوس ومده لها وبعد اصرار منه اخذتهم مها منحرجة وام ساهر باركت لهم وهي يالله يالله مبتسمة
ورهف الي كانت هاجدة شوي قدام ابوها لكن ماقدرت تمسك نفسها لفرحة بدر ونطت بحضن بدر بفرحة:مبرووك يا بدر والله اني مستاانسة ومتفااجئة مررة
بدر :اييه مررة متفاجئة ماشاء الله علييك يالكذوبة
ضحكت رهف بحراج :خلاص ايه كنت ادري لكن من فرحتك حسيت نفسي توني سمعت بالخبر
بدر ضحك ومسح عليها بشعرها بحنية وحب
وبهاللحظة رفع نظره وطاح عينه على سارة الي كانت عينها تلمع و واضح ان ماسكة الدمعة غصب
وقالت بصوت يا دوب ينسمع:مبروك لكم وان شاءالله تقومين بالسلامة يا مها
مها اختفت ابتسامتها وبدر ابتسم ابتسامة خفيفة وقال:الله يبارك فيتس ،وعقبالتس
سارة سكتت
وابو بدر قال بفرحة :ساهر
ساهر:سم يبه
ابو بدر:امش المزرعة ناخذ من الغنم ونسلمهم المطعم ابي اليوم اسوي ذبيحة واوزعه على الجيران وبلغهم قبل ان عشاهم اليوم علينا
ساهر ضحك:ابشر يبه ،يالله بدر مشينا
بدر :يالله