ဇာလွှာလေးတွေ တလွင့်လွင့်နှင့်အတူ နေရာတိုင်းမှာ ပန်းရောင်နှင်းဆီပန်းများ အပြည့်ရှိနေသော ခန်းမအတွင်းတွင် မင်္ဂလာပွဲတစ်ပွဲကျင်းပလျက်ရှိသည်။
မင်္ဂလာမောင်နှံ ထွက်အလာကို စောင့်မျှော်လျက်ရှိကြသော ဧည့်သည်များကြောင့် ခန်းမကြီးမှာလည်း စည်စည်ကားကားရှိလှသည်။
ထိုအချိန် အဝတ်လဲခန်းတစ်ခန်းအတွင်းရှိ လူများမှာတော့ သတို့သားသတို့သမီးအထွက်အတွက် နောက်ဆုံးအနေနဲ့ ပြင်ကြဆင်ကြနှင့် အလုပ်ရှုပ်နေကြလေ၏။
"ကွမ်းရှီး၊ ကွမ်းရှီး? နင့်ကို မေးနေတာ၊ ဘာတွေတွေးနေတာလဲ။ ငါ ဘယ်လိုနေလဲ။" မင်္ဂလာဝတ်စုံဝတ်လျက် မှန်တင်ခုံရှေ့တွင် ထိုင်နေသော မိန်းကလေးဟာ နောက်ကို လှည့်ကြည့်ပြီး မေးလာခဲ့သည်။
ကွမ်းရှီး တွေးလက်စအတွေးတို့ ပျက်တောက်သွားကာ သူမရှေ့မှ မှန်ကို ကြည့်လာခဲ့သည်။ အချိန်အနည်းငယ်ကြာမှသာ သူမ၏ ပျံ့လွင့်နေသောစိတ်ကို စုစည်းနိုင်လိုက်ပြီး ပြန်ဖြေလိုက်သည်။
"လှတယ်။ ငါရွေးပေးထားတာလေ။ မလှစရာအကြောင်းကို မရှိဘူး။"
"ဟုတ်တယ်နော်။" လက်ထပ်ရတော့မှာဖြစ်တဲ့အတွက် ပျော်ရွှင်နေပုံပေါ်သော မိန်းကလေးသည် သူမလည်ပင်းရှိ တန်ဖိုးကြီးလည်ဆွဲကို ထိကြည့်လိုက်ကာ "အဲ့ဒီနေ့က နင့်ကိုပါ ခေါ်သွားလိုက်တာ တကယ်ကံကောင်းတာပဲ။ နင်က တကယ်ကို အမြင်စူးရှတာ။"
ကွမ်းရှီး၏ နှုတ်ခမ်းစွန်းလေးများ ပင့်တက်သွားကာ "ဒါကတော့ ပြောနေစရာကို မလိုဘူး။"
"သတို့သမီး အဆင်သင့်ဖြစ်ရင် ထွက်လို့ရပါပြီ။" ဝန်ထမ်းတစ်ယောက် အခန်းတံခါးကို တွန်းဖွင့်ပြီး ဝင်လာခဲ့သည်။
"အင်း၊ သိပြီ။"
တစ်ယောက်ပြီးတစ်ယောက် အခန်းထဲမှ ထွက်သွားကြသော်လည်း ကွမ်းရှီးကတော့ သတို့သမီး ကျုံးလန်ဖန်းထွက်ရန် ပြင်ဆင်ပေးနေကြသော လူအုပ်ကြီးကို ဘေးကနေသာ ကြည့်နေလိုက်တော့သည်။ ကျုံးလင်ဖန်းမှာ သူမ၏ ငယ်သူငယ်ချင်းဖြစ်ပြီး ကျုံးလင်ဖန်း၏ မင်္ဂလာပွဲတွင် သူမအပါအဝင် သတို့သမီးအရံခြောက်ယောက်ပါသည်။
![](https://img.wattpad.com/cover/345310272-288-k911338.jpg)
YOU ARE READING
Come To My Side (Myanmar Translation)
RomanceChinese Name - 到我身边来 English Name - Come To My Side Author - 六盲星 (Liu Mang Xing) အသက်၂၆နှစ်အရွယ် ကွမ်းရှီးတစ်ယောက် သူမဟာ သမီးအရင်းမဟုတ်ကြောင်း အသိပေးခံလိုက်ရသည်။ တကယ့်ကွမ်းသခင်မလေးအစစ်ကို မြို့ငယ်လေးတစ်မြို့ရဲ့ အစွန်ကျကျနေရာကနေ သွားခေါ်လာတော့မည်။ မျ...