ကော်ဖီစားပွဲပေါ်က စာအုပ်တွေ၊ စာရွက်စာတမ်းတွေက ပြန့်ကျဲနေသလို ကွမ်းရှီးစိတ်ဟာလည်း ရှုပ်ထွေးနေတော့လေ၏။
သူမဟာ သူ့ကို အချိန်အတော်ကြာစိုက်ကြည့်နေပြီးကာမှ အတည်ပြုသလိုမျိုး နောက်တစ်ကြိမ် ထပ်ပြောလာခဲ့သည် ; "နင် ပိုက်ဆံမလိုဘူး? အဲ့ဒါတွေကလည်း အတုတွေ?
"အင်း။"
ကွမ်းရှီး ပထမဆုံးခံစားလိုက်ရတာက စိတ်သက်သာရာရသွားခြင်းပင်။ သူမ သူ့ကို တကယ်ကြီး ကျဉ်းထဲကြပ်ထဲ ရောက်နေတာမျိုး မဖြစ်စေချင်ဘူးလေ။ ဒါပေမဲ့ စိတ်သက်သာရာရပြီးနောက်မှာ လူတစ်ကိုယ်လုံးက ဒေါသတွေ တထောင်းထောင်းထွက်သွားကာ ; "ဘာကို ငါက ကိုယ့်ကိစ္စနဲ့ကိုယ် ရှုပ်နေလို့ ဒီလိုကိစ္စမျိုးကို စိတ်ပူစရာမလိုဘူးလဲ! ဒါက အသေးအဖွဲကိစ္စလေးမှ မဟုတ်တာကို၊ နင် ငါ့ကို ဘယ်လိုစိတ်နဲ့များ ပြောမပြဘဲ နေနိုင်ရတာလဲ!"
သူမ တကယ်စိတ်ဆိုးသွားတာကို မြင်တဲ့အခါ ကျန်းဆွေကျိုးက အလိုက်သင့်လေး ပြန်ပြောပေးလိုက်သည် ; "ဟုတ်ပါပြီ။ ကိုယ်သိပါပြီ။ နောက်တစ်ခါ ဒီလိုကိစ္စမျိုးရှိလာရင် မင်းကို ပြောပြပါ့မယ်။"
"တော်ပါ နင်...... နောက်တစ်ခါဆိုတာမျိုး ထပ်မရှိရင် အကောင်းဆုံးပဲ။"
ကျန်းဆွေကျိုး ပြုံးလိုက်မိကာ ; "ဘယ်လိုပဲဖြစ်ဖြစ် ဒီကိစ္စက အဆုံးသတ်နေပြီ။ စိတ်ပူမနေနဲ့တော့။"
ကွမ်းရှီးက သင်္ကာမကင်းဖြစ်စွာနဲ့ ; "အဲ့ဒီတော့ ဒါက ဘာအတွက် ဒီလိုလုပ်ရတာလဲ။"
ကျန်းဆွေကျိုးက လျှို့ဝှက်မထားဘဲ တန်းပြီး ရှင်းပြလိုက်သည် ; "ကိုယ့်အဖေက ကုမ္ပဏီမှာရှိသမျှ ကျန်းကျားမောက်နဲ့ ကျန်းကျားရုန်တို့ရဲ့ နောက်ခံတွေကို ဆွဲထုတ်စေချင်တာ။ ကိုယ် အဲ့ဒီရာထူးကို ရပြီးတဲ့နောက်ပိုင်း ကိုယ့်ကို သစ္စာဖောက်မဲ့သူတွေ မရှိတော့အောင် ကြိုတင်ကာကွယ်တဲ့သဘောပေါ့။ အဲ့ဒါကြောင့် ကိုယ်က ရိုးရိုးရှင်းရှင်းနည်းလေးကို သုံးပြီး အရမ်းအရေးကြီးနေတဲ့အချိန်မှာ အမှားအကြီးကြီး ထုတ်ပြလိုက်တာ။ အဲ့ဒီတော့ အကြံရှိပြီးသားလူတွေက ကိုယ့်ကို ဆန့်ကျင်လာကြရောပေါ့။"
![](https://img.wattpad.com/cover/345310272-288-k911338.jpg)
YOU ARE READING
Come To My Side (Myanmar Translation)
RomanceChinese Name - 到我身边来 English Name - Come To My Side Author - 六盲星 (Liu Mang Xing) အသက်၂၆နှစ်အရွယ် ကွမ်းရှီးတစ်ယောက် သူမဟာ သမီးအရင်းမဟုတ်ကြောင်း အသိပေးခံလိုက်ရသည်။ တကယ့်ကွမ်းသခင်မလေးအစစ်ကို မြို့ငယ်လေးတစ်မြို့ရဲ့ အစွန်ကျကျနေရာကနေ သွားခေါ်လာတော့မည်။ မျ...