Unicode
Return to the University (7)
အချိန်တွေကုန်ဆုံးလာပြီးဆောင်းရာသီသို့ရောက်လာသည်။အေးမြပြီးဆိတ်ငြိမ်သည့်လေပြေတစ်ဝှေ့ကကျောင်းဝင်းတစ်ခုလုံးကိုတိုက်ခိုက်သွားခဲ့၏။တစ်ခြားအချိန်တွေနဲ့မတူစွာကျောင်းသားများသည်လည်းအပြင်ဘက်တွင်လျှောက်ပြေးမနေချင်ကြပေ။
အနားယူချိန်မှာတောင်အများစုကသူတို့အိပ်ယာထဲဝင်ကွေးနေပြီးသူတို့ကိုယ်သူတို့နွေးထွေးတဲ့စောင်နဲ့ပတ်ထွေးထားဖို့ကိုသာရွေးချယ်ကြကာအထိန်းအကွပ်မရှိအပြင်ထွက်မနေကြတော့....
လီလျိုသည်အပူရောအအေးရောကြောက်တဲ့လူစားထဲမှာပါသည်။နွေရာသီမှာဆိုရင်သူ့ကိုယ်ပေါ်ကအဝတ်တွေနည်းလေလေကောင်းလေလေ...ဆောင်းရာသီမှာဆိုရင်တော့သူ့ကိုယ်သူစောင်နဲ့အမြဲတမ်းပတ်ထွေးထားဖို့ဆန္ဒရှိသည်။
အခုဆိုရင်သူတို့ရဲ့နောက်ဆုံးစာမေးပွဲနီးလာပြီဖြစ်တာကြောင့်သင်ခန်းစာများအားလုံးပြီးဆုံးခါနီးနေပြီ....ရလဒ်အရတော့ကျောင်းသားများမှာနေ့တိုင်းအားချိန်များလာကြတော့သည်။
လီလျိုသည်လည်းအတန်းမရှိတဲ့အချိန်ဆိုရင်သူ့အခန်းထဲမှာသာအသိုက်လုပ်နေတတ်သည်။အခုလိုပင်,သူ့အိပ်ယာဘေးမှာစားပွဲခုံလေးတစ်ခုထားထားပြီးသူ့လက်တွေကိုအားသွင်းရေအိတ်နဲ့အုပ်ထားကာသူ့ကွန်ပျူတာပေါ်ကစာလုံးအပုံကြီးကိုမျက်နှာမူထားသည်။
ဘယ်လိုပဲဖြစ်ဖြစ်ဒါကသူအရင်တုန်းကရေးခဲ့တဲ့ဝတ္ထုပဲလေ...အသေးစိတ်အကြောင်းအရာတွေကိုသူမေ့ခါနီးနေပြီဖြစ်ပြီးသူ့တကယ့်ကမ္ဘာကိုတစ်ခြားကမ္ဘာဆီအရင်ဖြတ်ပြီးမှပြန်လာရတယ်ဆိုပေမယ့်လည်းယေဘုယျဦးတည်ချက်တွေနဲ့အဓိကအချက်တွေကိုတော့မှတ်မိနေဆဲပင်။ဒါ့အပြင်ထိုနှစ်တွေအတွင်းသူ့ရဲ့အရေးစွမ်းရည်ကိုပါထပ်ပေါင်းထည့်လိုက်တော့သူ့အရေးအသားပုံစံကယခင်အတွေ့အကြုံမရှိတဲ့သူထက်ပိုပြီးတော့ကောင်းနေသည်။
သို့သော်လည်းအနာဂတ်တိုးတက်မှုများကိုမထိခိုက်နိုင်စေရန်ရှောင်းချီကလီလျိုရဲ့လက်ရှိကွန်ပျူတာကိုအနည်းငယ်ပြောင်းလဲထားသည်။ထို့ကြောင့်လီလျိုဇာတ်လမ်းရေးတဲ့အခါတိုင်းသူဇာတ်ကြောင်းကိုဘယ်လိုပဲရေးနေပါစေသူ့ကွန်ပျူတာကသူအရင်တုန်းကရေးထားခဲ့တဲ့ပုံစံအတိုင်းအလိုအလျောက်ကူးပြောင်းပေးလိမ့်မည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
