Unicode
Arc(2.12) - Saint Magus
ရမှတ်အရဆိုရင်ထိပ်တန်းတပည့်ဆယ်ဦးကစိန့်ဟယ်လာမှော်အကယ်ဒမီရဲ့အကောင်းဆုံးအတန်းဖြစ်သည့်(Black Thorn)တန်းတွင်တက်ခွင့်ရသည်။ထိုအတန်းတွင်စုစုပေါင်းမှတပည့်ဆယ်ယောက်သာရှိသော်လည်းသူတို့ရဲ့ဆရာအကုန်လုံးကဒီမှော်အကယ်ဒမီတွင်အကောင်းဆုံးများဖြစ်ကြပြီးအကောင်းဆုံးသင်ကြားမှုနှင့်အမျိုးမျိုးသောမှော်အတတ်များကိုလေ့ကျင့်ခွင့်ရကြသည်။ဒီထက်ပိုတာကသူတို့ရဲ့ဆရာများအားလုံးဟာအရမ်းကိုသန်မာကြတာကြောင့်လူများအားဘာမှမတတ်နိုင်ပဲထိတ်လန့်စေမိ၏။
ထပ်ပေါင်းပြောရရင်ထိုတပည့်ဆယ်ယောက်နေထိုင်နိုင်ရန်ပေးထားသည့်အိမ်များသည်လည်းတစ်ယောက်တည်းသီးသန့်ခန်းများဖြစ်သည်။တစ်ခြားတပည့်များလိုတစ်ခန်းတည်းအတူတူစုပေါင်းနေရတာမဟုတ်သောကြောင့်ပုဂ္ဂိုလ်ရေးကိစ္စများကိုကာကွယ်ရန်အဆင်ပြေသည်။
အကယ်ဒမီရဲ့ပထမဆုံးနေ့မှာထိုကျောင်းသားသစ်များအားလုံးကချက်ချင်းလေ့လာမှုများကိုစကြရတာမဟုတ်ပဲသူတို့ရဲ့အခန်းများနှင့်အတန်းများတွင်သာတာဝန်ထမ်းဆောင်ကြရသည်။ဒီနေ့ကသူတို့အတွက်ကျန်နေသေးတဲ့အားလပ်ချိန်များဖြစ်ပြီးစိန့်ဟယ်လာမှော်အကယ်ဒမီရဲ့ပတ်ဝန်းကျင်အသစ်နှင့်ရင်းနှီးနိုင်ရန်လွတ်လပ်စွာသွားလာလှုပ်ရှားနိုင်ကြသည်။
အဲလ်ဗစ်ကသူ့အခန်းသော့ကိုရပြီးနောက်အခန်းထဲသို့ချက်ချင်းမဝင်ပေ။သူ့ရဲ့အရေးကြီးတဲ့အရာအားလုံးကသူ့သိုလှောင်အိတ်ထဲမှာရှိနေတာဖြစ်ပြီးသူ့လူကလည်းသူ့လက်ထဲမှာပဲလေ။ဒါ့အပြင်အခန်းထဲဝင်ပြီးပစ္စည်းတွေထားဖို့ကိုလည်းအလျင်မလိုတာကြောင့်လီလျိုအားရင်ခွင်ထဲမှာပွေ့ထားရင်းဖြင့်ပင်ကြီးမားသောကျောင်းဝန်းတစ်လျှောက်လမ်းပတ်လျှောက်နေလိုက်သည်။
စိန့်ဟယ်လာအကယ်ဒမီကဝိတ်အင်ပါယာထဲမှာရှိနေခဲ့တာနှစ်ပေါင်းထောင်ကျော်နေခဲ့ပြီဖြစ်ပြီးအဆောက်အဦးတိုင်းကသူ့ရဲ့ကိုယ်ပိုင်ရှည်လျားသည့်သမိုင်းများရှိနေပုံပေါ်ကာထိုအဆောက်အဦးများမှတစ်ဆင့်နှစ်ပေါင်းထောင်ချီနေသည့်၎င်း၏ဘုန်းကျက်သရေရှိလှသောသမိုင်းဝင်များကိုမြင်နိုင်သည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
