Unicode
"လာ. . .သော်"
မိုးဦးသော့်လက်ကိုဆွဲအထ. . .
ဆတ်ကနဲအားပြင်းပြင်းနှင့်ရုန်းထွက်သည်။
မိုးဦး သော့်ကိုငေးကြည့်ရင်း. . ."အေးချမ်း. . .ကိုမိုးဦးနဲ့သိတာလား"
ရဲရင့် မေးသံထွက်လာသည်။
"သိတယ်"
"မသိဘူး"ပြိုင်တူထွက်သွားသောအသံနှစ်သံ. . .
ပြောပြီးတာနှင့်အပြင်ထွက်သွားသောခြလှမ်းများ။
မိုးဦး. .. ရဲရင့်. . .နန္ဒတို့သုံးယောက်သားလိုက်ရသည်။
"ရဲရင့်. . .ငါသွားပြီ"
သော် ရဲရင့်ကိုလှမ်းပြောသည်။
မိုးဦးဘက်လှည့်တောင်မကြည့်။
"နေအုံး. . .နေပါအုံး. . .သော်. . ."
မိုးဦး ပတ်ဝန်းကျင်ကိုသတိမထားနိုင်လောက်အောင် သော့်ကိုအတင်းကာရော ခေါ်မိသည်။
"ကျွန်တော့်နာမည်. . .အေးချမ်းသော်. . .အပြည့်အစုံခေါ်ပါ"
ခပ်ပြတ်ပြတ်ပြောသံ။
"အင်း. . .အင်းပါ. . .ခုတော့. . .ခဏလိုက်ခဲ့ပါ. . .နော်. . .ခဏပါ"
တုန်ရီစွာအလောတကြီးပြောမိသည်။
ရဲရင့်အူကြောင်ကြောင်ဖြစ်နေသည်။
အေးချမ်းက ရန်ဖြစ်နေတုန်းသာကြမ်းတာပါ။
ဒီလိုဘလိုင်းကြီးမရိုင်းတတ်။
ကိုမိုးဦးဆိုတာကလဲ ကိုယ်လိုအရှုပ်ထုတ်တောင် လေးစားရတဲ့သူ။ သွားပြောင်လို့မရဘူး။ သူ့သိက္ခာ သူ့ပညာနှင့် . . .ကိုယ်တွေနဲ့ဆိုအသက်ကသုံးနှစ်. . .လေးနှစ်ပဲကွာတာ. . .အရည်အချင်းက. . ယှဥ်လို့မရ။
လူကြီးတွေရဲ့အရေးပေးမှုရော လူငယ်တွေလေးစားမှုရော ရနေတဲ့သူ။ခုတော့ အေးချမ်းကြောင့်အသံတွေပါ တုန်လို့။တစ်ခါမှမတွေ့ဘူးတဲ့ပုံစံနဲ့ ကိုမိုးဦးကိုကြည့်လိုက်.... ဘာအကြောင်းမှမရှိဘဲ တင်းမာနေသည့် အေးချမ်းကိုကြည့်လိုက်နဲ့ ဖြစ်နေကြရသည်။"မလိုက်နိုင်ဘူး"
အေးစက်မာကြောသောအသံနဲ့ သော်ပြောတယ်။
"ဒါဆို. . .ဘယ်သွားမလဲ. . .ကိုကိုကြီးလိုက်ခဲ့မယ်"
မိုးဦးလဲမလျှော့ပါ။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥