Unicode
"သော်...တစ်ခုခုဝင်စားမလား"
ကားမောင်းရင်း...သော့်လက်ကို တခြားလက်နဲ့ဆွဲကိုင်ကာ သူ့ပေါင်ပေါ်တင်ထားရင်း မိုးဦး မေးသည်။
ဟင်....သော့်လက်က... အေးစက်စက်နဲ့...
လှည့်ကြည့်တော့ မိုးဦးကိုပြန်ကြည့်နေသည်။ မျက်လုံးလေးတွေ ရီဝေနေတာပဲ။
"ဟင်....သော်..."
"ကို ဘာပြောလိုက်တာလဲ"
ဒီတစ်ခါ စကားပြန်မလာတော့သည်က မိုးဦး....
သော် မျက်နှာမကောင်း....ဘာဖြစ်တာလဲ မေးကြည့်ချင်ပေမဲ့.....မိုးဦးကို သော်က ထိန်ချန်ထားတဲ့စကားမျိုးမရှိ။ တစ်ခုပဲ...မိုးဦးစိတ်ပူရမည်ဆိုရင် ထိုစကားကို သော်မပြောတော့ပါ။
ခုလဲ မျက်နှာမကောင်းတာကို မိုးဦး သိလိုက်ပါပြီ။
တစ်ခုခုပဲ....စာမေးပွဲအတွက်စိတ်ပူနေလို့ပဲလား။ ဒါမှမဟုတ် ပြသနာတစ်ခုခုရှိနေတာလား။
"သော်....နေမကောင်းလို့လား...ကို့ကို ပြောပါကွာ..."
"အင်းးးးနဲနဲပါ....နားလိုက်ရင်ရပါပြီ"
.
.
"အပြင်ရောက်လက်စနဲ့ တစ်ခုခုစားချင်သေးလားလို့ ကိုမေးနေတာ..."
"မစားတော့ဘူး....အိမ်ရောက်မှစားတော့မယ်"
မိုးဦး အိမ်ကိုသာရောက်အောင်မောင်းခဲ့တော့သည်။
.
.
.
သော်...အိမ်ရောက်တာနှင့်...ကို ကားပါကင်ဝင်နေတာစောင့်နေရင်း...ကားတစ်စီးဖြတ်မောင်းသွားတာတွေ့လိုက်သည်။ သော် သိသည်။ ဟိုကောင့်ကို ကားပေါ်မှာတွေ့လိုက်ရသည်။ သက်ပြင်းမောကို မသိမသာခိုးချမိရသည်။
ကို သိလို့မဖြစ်။ စိတ်ပူမည်။ ဒီလိုလူစားတွေနဲ့ရှင်းရမဲ့ကိစ္စမျိုးတွေကိုလဲ မလုပ်စေချင်။ ကို သိခဲ့ရင် ဒီတိုင်းထားမှာလဲမဟုတ်။ သော့်ကို စိတ်ပူလွန်းလို့ ရံုးထိခေါ်သွားမလားတောင် မသိ။
သော် စဥ်းစားလို့မရတာက...ရဲရင့်တို့ ကိစ္စပြီးတော့ သော်က ဒီကောင်တွေကို ရှောင်နေခဲ့ပြီးသား။ အလုပ်ပါ ထွက်ပစ်ခဲ့တာပင်။ ဘာမဟုတ်တဲ့ကိစ္စသေးသေးလို့ပဲ သော်ထင်သည်။
သူတို့လောကတွင်....ဒီထက်ရှုပ်ထွေးတာတွေအမြဲရှိနေတာပဲ။
သော်လုပ်ခဲ့တာ ရဲရင့်နဲ့နန္ဒတို့ကို ဆွဲခေါ်လာရုံပါပဲ။
သူတို့ အငြိုးတကြီး တုံ့ပြန်ရလောက်အောင် သော် မလုပ်ခဲ့။ ရဲရင့်တို့လဲ လုပ်ခဲ့မှာမဟုတ်။ ပြီးတော့ သော်တို့ ဖြစ်ခဲ့သည့်ကိစ္စတွေက သာမာန်အသေးအဖွဲပြသနာမျှသာ။ ထိုးကြ သတ်ကြ ချိန်းပွဲတွေဖြစ်ကြသည်အထိတောင် မဖြစ်ခဲ့တာကို။ ပြသနာကအခုမှ လာတက်ရတာကို သော် နားမလည်နိုင်ပါ။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
