"ညနေစာ.... ဘာစားမလဲ"
Laptopနှင့်အလုပ်လုပ်နေသော မိုးဦးကိုလာမေးသည်။
"အပြင်မှာမှောင်နေပြီပဲ. . .အလုပ်လေးရှိနေလို့... အချိန်လွန်နေတာ မသိလိုက်ဘူး.... ဗိုက်ဆာနေပြီလား"
". . . . . . ."
"ပိုက်ဆံက အခန်းထဲစားပွဲပေါ်က ကိုယ့်ပိုက်ဆံအိတ်ထဲမှာ. . .ပိုယူသွားပြီး. . .အဝတ်အစားဝယ်ခဲ့ပါလား. . .ညစာကို... မင်းကြိုက်တာဝယ်ခဲ့လေ"
"အဝတ်အစားမလိုဘူး"
အခန်းထဲဝင်ကာ ပိုက်ဆံယူပြီးထွက်သွားသည်။ ကိုယ်ကသာ စကားတွေပြောနေတာ... သော်က... အခုထိ ခပ်ပြတ်ပြတ်စကားများသာပြောသည်။
မိုးဦး. . .ရှေ့ရေးကိုကြိုတွေးထားမှရမည်။
တွေးထားတဲ့အတိုင်းကို ဖြေးဖြေးချင်းတိတိကျကျလုပ်ဆောင်ဖို့လဲလိုသည်။
မလွယ်ကြောလေး. . .ဖြစ်နေတာ။
အတော်ကြမ်းတမ်းတဲ့လမ်းကို လျှောက်ခဲ့ရပုံပေါ်သည်။
ခုထိမေမေ့အကြောင်း ထပ်မမေးတော့။ကိုယ်ပြောသလောက်သာ သူသိသေးသည်။
မေမေများသူ့ကို. . .တစ်ခုခု. . .မဖြစ်နိုင်ပါဘူးလေ. . .
မေမေက မိုးဦးအတွက်ပဲကြည့်တာတော့ဟုတ်ပေမဲ့ အဲ့လောက်တော့ မလုပ်တန်ရာ။ မေမေကိုယ်တိုင် သော့်ကိုပြုစုစောင့်ရှောက်ပေးခဲ့တာပဲလေ။.
.
.
.
အေးချမ်းသော်. . .ညနေစာဝယ်တာ. . .အိမ်ပြန်ရောက်လို့ပန်းကန်ထဲထည့်မယ်ကြည့်တော့မှပဲ မိုးဦး ကြိုက်တာတွေကိုသာရွေးဝယ်လာမိမှန်းသိတော့သည်။
ရှိပါစေတော့။ ငါအမှတ်တမဲ့လုပ်မိတာ။
သူလဲသတိထားမိမှာမဟုတ်ပါဘူး။.
.
.
"ခုထိမှတ်မိသေးတာလား. . .ကိုယ့်အကြိုက်ကို"ဟင်းတွေကိုမြင်တာနဲ့ တန်းပြောတော့တာပါပဲ။
"မစားချင်တော့တာလား. . .အကုန်သွန်ပစ်လိုက်ရမလား"
စိတ်ကပေါက်ပေါက်နဲ့ဘုတောပစ်လိုက်တော့သည်။
"အဟား. . .ဒါလေးဝမ်းသာလို့ပြောမိတာကို. . .လာ. . .တူတူစားမယ်"
ဆောင့်ကြီးအောင့်ကြီးနှင့်ထိုင်ကာစားသည်။
စားနေရင်းထထွက်သွားပြန်သည်။
ပြန်လာတော့. . .ရေဖန်ခွက်လေးနဲ့. . .
မိုးဦး ထမင်းစားရင် အရည်သောက်ပါသည်ဖြစ်စေ မပါသည်ဖြစ်စေ ရေ လိုတတ်သည်လေ။
ကြိတ်ပြုံးရသည်။
သော်လေးဟာ အခုထိ မိုးဦးရဲ့ သော် ဖြစ်နေဆဲပါပဲ။
သူပြောင်းလဲသွားတာ အပြင်ပန်းမြင်ရတဲ့ပုံစံလေးတွေပဲရှိတာ။ ဒီကလေးရဲ့ စိတ်နှလုံးဟာ ပြောင်းလဲခြင်းမရှိ။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥