Unicode
ဒီလိုနဲ့...
သော်က အိမ်မှာပဲစာလုပ်ရင်း....
မိုးဦးကလဲ ရုံးသွား ပုံမှန်လို နေထိုင်တာသုံးရက်မြောက်နေ့။
ရုံးရောက်တာနဲ့ အလုပ်ကများများ သော့်ကိစ္စ ရဲရင့်နဲ့မေးဖို့ မလုပ်ရသေး။
ဒီနေ့တော့...မိုးဦး ရုံးရဲ့ကားပါကင်မှာ ရဲရင့်ကိုတွေ့တော့......
"ရဲရင့်ရေ...ဒီနေ့ ညနေ အချိန်ရရင်စကားပြောရအောင်ကွာ..."
"ဟုတ် အကို...ရတယ်လေ...အေးချမ်းရော... ok ပဲလား"
"အင်း....."
မိုးဦးကိုကြည့်ကာ ရဲရင့်စိတ်ထဲတစ်မျိုးတော့တစ်မျိုး...
အေးချမ်းနဲ့ပတ်သက်ရင် တက်ကြွနေတတ်သူက...ဖြေပုံက အဆန်း... အင်းတစ်လုံးထဲ။
အေးချမ်းနဲ့များ တစ်ခုခုဖြစ်ထားလို့လား။
အေးလေ... ညနေ စကားပြောပါမယ်ဆိုမှ...သိရမှာပဲပေါ့။
.
.
.
.
သော်က စျေးဆင်းမဝယ်ဘဲ ရှိတာလေးချက်နေတာ သုံးရက်ရှိပြီ။ဒီနေ့တော့ ဆင်းဝယ်မှရမည်။
အပြင်လဲမထွက်ချင်ပါ။ ဒီနားမှာနေတာသိနေမှတော့ ဒုက္ခပေးချင်သူတွေက လာချောင်းနေမှာ သိသည်။
ကို့ကိုစျေးဝယ်ပေးပါပြောပြန်ရင်လဲ...မေးအုံးတော့မည်။ အရင်ဝယ်ပေးနေတာကို သော်ပဲ ကိုယ်တိုင်ဝယ်ချင်ပါသည်ဟု တောင်းဆိုထားခဲ့တာ။
သော် ညနေပိုင်းလေး ဆရာစာသင်ပြီးလို့အပြန်မှာ စျေးဝယ်ဖို့ အောက်ဆင်းရန်ပြင်သည်။ အန်တီရော မှာစရာရှိမလားဝင်မေးတော့ အန်တီက တူတူလိုက်လာသည်။
သော်နဲ့အန်တီ စျေးထဲအရောက်...ဝယ် ခြမ်း ဖို့ ကြည့်နေတုန်း....သော့်ကို ဘေးမှဝင်တိုက်သွားသူ....
ဟန်ချက်ပျက်ကာ သော် ယိုင်ထွက်သွားသည်။
စျေးထဲ လူရှုပ်သည့်အချိန်မဟုတ်။
တမင်တိုက်ချသွားတာ။ နောက်ကနေလျှောက်လာပြီးမှ ပခုံးကိုတမင်နာအောင် တိုက်ချသွားတာ။ ရှောင်လို့မရခဲ့။
သော့်လက်ထဲဆွဲထားတဲ့ကျွတ်ကျွတ်အိတ်ထုတ် လမ်းပေါ် ကျသည်။ ဝယ်ထားတာတွေအကုန် ပြန့်ကျဲကုန်တော့သည်။
အန်တီက လန့်အော်သည်။ သော့်ကို ဝိုင်းကူကောက်ပေးနေရင်း....တိုက်တဲ့လူတွေကို ရန်ထောင်ဖို့ကြည့်
သည်။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
