Unicode
မြင့်မိုရ် မျက်ရည်ကျသည်။
သူ့မောင်လေးဟာ တကယ်တော့ မပျက်စီးသင့်ဘဲ ပျက်စီးရတော့မလို့။ မြင့်မိုရ် စိတ်မကောင်းခြင်းကြီးစွာဖြစ်ရသည်။ ငယ်ငယ်ကတည်းက မြင့်မိုရ်က တော်လဲတော် သွက်လဲသွက်ဆိုတော့ အရေးပေးခံရသည်။ ရဲရင့်က သူကြီးပြင်းတဲ့အချိန်အဖေက မရှိတော့. . .အမေက ကုမ္ပဏီဦးစီးနေရ. . .မြင့်မိုရ်က စာမှစာ. .. သူ့ခမျာလွတ်နေရှာတာ။ မြင့်မိုရ် မောင်ငယ်အတွက်စိတ်မကောင်းဖြစ်လို့ ငိုတာ။
ရဲရင့်က ဿဿဒါကြောင့်အေးချမ်းသော်ကို အရေးပေးတာ။ အေးချမ်းသော်ကိုထိရင်မရတာ။ မေမေပြောလို့တောင်မရ။
မြင့်မိုရ်အကြောင်းစုံသိရမှ အေးချမ်းသော်ကို ကျေးဇူးအထပ်ထပ်တင်မိသည်။ တကယ်ဆို သူကအနေသာကြီး. . .သူ့အန္တရာယ်တောင်မမှုဘဲ ရဲရင့်ကို ကယ်တင်ပေးခဲ့တာ။
မိုးဦး သဲသဲလှုပ်တာလဲ မပြောနှင့်။
ရဲရင့်ကလဲ သဲသဲလှုပ်တာပင်။
မြင့်မိုရ်လဲ ခုတော့ အေးချမ်းသော်ကို အလွန်ကျေးဇူးတင်မိရသည်။
"မမ"
"အင်း"
"ပြောစရာရှိသေးတယ်"
"ဘာလဲ"
"ကျွန်တော် မမကို ကျွန်တော့်ကောင်မလေးအကြောင်းပြောပြချင်လို့"
"ဟုတ်လား. . .အတည်ပေါ့"
"အတည်ပေါ့ဗျ. . .ကျွန်တော် လက်ထပ်မဲ့သူပဲ"
"သေချာတယ်ဆိုပြော. . .မိတ်ဆက်ပေးလေ"
"အင်း. . .မြတ်နိုးပဲမမ"
မြင့်မိုရ် ရဲရင့်ကိုကြည့်ပြီး. . .
"မြတ်နိုး. . .လား. . .ဘယ်တုန်းက ဘယ်လို. . .မြန်လိုက်တာဟယ်"
"မမြန်ပါဘူး မမရယ်. . .တစ်နှစ်ကျော်ပါတယ်. .ဘယ်လိုလဲ မမ. . ."
"မြတ်နိုးက တော်ပါတယ်. . .မမသဘောကျပါတယ်. .နင့်ဘက်က သေချာပါတယ်နော်. . .နောက်မှ ပေါက်ကရလုပ်ရင်တော့ မျက်နှာပျက်ရလိမ့်မယ်. .အဲ့လိုတော့ မမ မဖြစ်ချင်ဘူး. . .တော်ကြာ မြင့်မိုရ်မောင် က ဝန်ထမ်းတွေကို ဘာ. . .ညာ.. မကြားချင်ဘူး"
"မမတို့ကလဲနော်. . .ကျွန်တော့်ကိုမယုံဘူးဆိုတာချည်းပဲ.. မြတ်နိုးလဲ ဒီစကားပဲပြောတယ်. . .ကျွန်တော် မိန်းမရှုပ်တာမြင်ဖူးလို့လား"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
