Unicode
ဆိုင်မှဝန်ထမ်းကလေးများအကူအညီနှင့်. . .ကေသရီရှိမည့်နေရာကိုရှာကြရသည်။
မိုးဦးရင်ပူလွန်း၍ သေတော့မတတ်ပင်။
ဒီကလေးမကိုတွေ့ကတည်းက မသင်္ကာ. . . အပြောအဆို ရဲတင်းလွန်းသည်သာမက သော့်အပေါ် မရိုးသားတာ မြင်ရုံနဲ့သိသည်။
သော်နဲ့ကလဲ ခုရက်ပိုင်း တွေ့ဖြစ်ကြသည်ဆိုရုံသာ။
စကားက. . .မပြောဖြစ်ကြ။
ကိုယ်တိုင်ကလဲအလုပ်ကများများ...သော်ကလဲ စာတစ်ဖက် အလုပ်တစ်ဖက်နှင့်ဆိုတော့ တစ်အိမ်ထဲနေပေမဲ့ စကားဖြောင့်ဖြောင့်မပြောဖြစ်ကြ။
မိုးဦး နောင်တရမိသည်။
သော့်အပေါ်တာဝန်မကျေပြန်။
မကာကွယ်နိုင်ပြန်။ ဒီလိုသာ ကိုယ့်လက်ထဲရောက်မှ သော်တစ်ခုခုဖြစ်လို့ကတော့. .. မိုးဦးအသက်ဆက်ရှင်နိုင်တော့မည် မထင်ပါ။
ဘုရား. . .သိကြားမလို့ သော် ဒုက္ခမရောက်ပါစေနဲ့လို့သာ ဆုတောင်းနေရသည်။
.
.
.
အချိန်မှီရုံလေးတွေ့တယ်ဆိုပါတော့. . .
သော့်ကိုတွေ့တော့. . .ခုံတန်းရှည်တစ်ခုပေါ်တွင် လဲနေသည်။ အိပ်ပျော်နေသလိုပဲ. . အိပ်ပျော်တာမဖြစ်နိုင်ပါ။ သော့်ကိုတစ်ခုခု လုပ်ထားကြပြီထင်သည်။
.
.
တဝုန်းဝုန်းနှင့်တံခါးထုသံကြောင့် တံခါးလာဖွင့်တဲ့ကောင်လေးတစ်ယောက်ကို မိုးဦး ထိုးချလိုက်သည်။
နောက်မှာပြေးလာသောသူများ... ကေသရီလဲပါသည်။
သူဌေးကိုယ်တိုင်ပါလာကြောင့် ကေသရီလန့်သွားသည်။
"ကေသရီ. . .နင်ဘာလုပ်တာလဲ. . အေးချမ်းလိုလူကို နင်ဘာယုတ်မာတာလဲ"
ငိုပြီးထွက်ပြေးဖို့လုပ်သည်။ဝိုင်းဆွဲထားကြသည်။
ဖြစ်ချင်ရာဖြစ်ကြပါစေ။ သူတို့နှင့်နောက်မှရှင်းမည်။
မိုးဦး သော့်ကိုပြေးပွေ့ချီလိုက်သည်။
သော်ရေ. . .သော်ရေ. . .
"နင်. . .သော့်ကိုဘာလုပ်ထားတာလဲ. . ."
မိုးဦး ဒေါသတကြီးမေးသည်။
" မ. .မလုပ်ပါဘူး. . ဘာမှမလုပ်ပါဘူး. . သူသတိမေ့နေတာပါ. .ဟို. . သူ့ကိုခြောက်ရုံလေး အကျပ်ကိုင်ချင်ရုံလေးပါ. .အေးချမ်းက လမ်းမှာပဲသိသွားပြီး. ကေသရီ့အဖော်တွေကိုအရင်ချတာပါ. . အဲ့တာ နောက်ကနေဇက်ပိုးကိုရိုက်လိုက်လို့... သတိခဏမေ့နေတာပါ"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
