Unicode
ထမင်းစားဖို့လဲ...သော် ရှိတာလေးနဲ့သင့်တော်အောင်သာ ချက်လိုက်တော့သည်။
ညနေက အပြင်သွားမှုကြောင့်ရော...ကိုက ထမင်းမစားချင်တော့ဘူး ပြောတာကြောင့်ရော လူကပျာနေပြီ။
တစ်ယောက်ထဲစားဖို့လဲ မျိုမကျ။ရေချိုးနေသံတော့ကြားရသည်။ကိုက စိတ်ဆိုး နေသည့်ပုံတော့မဟုတ်ပေမဲ့ သော့်ကို မကြည်လင်တာကေတာ့အသေအချာ။ သော်လဲ အပြစ်ရှိသူလိုခံစားနေရသည်။
ကိုရယ်....သော် ဖြေရှင်းလို့ရတဲ့ကိစ္စကို သော်ပဲရှင်းပါရစေ။ ကို့မှာအလုပ်တစ်ဖက် သော့်ကိုစိတ်ပူတစ်ဖက်နဲ့။
ဒီလိုလူတွေက ကို ပတ်သက်ရမဲ့လူတန်းစားလဲ မဟုတ်ပါဘူး။
သော့်ကို စိတ်ပူတာ နားလည်ပါတယ်။ ဒါပေမဲ့ သော့် ဒုက္ခတွေ ကို သိပြန်ရင် ကိုက သော့်ကိုသနား.... သော်က ကို့ကိုပြန်စိတ်ပူရနဲ့....သော်နဲ့ကို ဘယ်တော့များမှ စိတ်ချမ်းသာရမှာလဲ။
သော်က ဒုက္ခတွေကိုအသားကျနေသူပါ။ ကို သော့်ကို အများကြီးချစ်ပေးနေရတာနဲ့တင် သော်အတွက်ပြည့်စုံနေပါပြီ။ စိတ်ပူရတဲ့ကိစ္စတွေ သော်က မသိစေချင်ပါဘူး။ဟော...ရေချိုးခန်းထဲကထွက်လာပြီ။
သော် ကို့ဆီ ပြေးသည်။
ရေသုတ်ပေးဖို့ တဘတ်လေးယူကာ ကို့ဆီပြေးသည်။
ကိုက ငေးငေးလေးကြည့်နေပြီး ဘာမှ မပြော။ သော် လုပ်ပေးတာ ငြိမ်နေသည်။ စကားလဲ အထွေအထူးမပြောပါ။"ကို...သော် တစ်ယောက်ထဲ ထမင်းမစားချင်ဘူး..ကိုလဲစားနော်"
"..............."
ဘာမှပြန်မပြော။
"ကိုရယ်....သော် တောင်းပန်ပါတယ်...သော့် ကိုစိတ်မပျက်လိုက်ပါနဲ့....ကို အဲ့လိုကြီးနေရင်လေ.... သော်...သော်..."
ပြောရင်း....မျက်ရည်တွေက ကျလာတော့သည်။
သော့်မျက်နှာကို ကိုက ဆွဲမော့်သည်။
ပြီးတော့ သော့်မျက်ရည်တွေကို လက်နဲ့ ဖြေးဖြေးလေးသုတ်ပေးသည်။
သော့် ခေါင်းကိုဆွဲယူကာ နမ်းရင်း....."ကိုက ဘာလို့စိတ်ပျက်ရမှာလဲ...ကို ရင်ပြည့်နေသလိုလိုနဲ့...ပြီးတော့ ကိုမှာ တွေးစရာများနေလို့ပါ...နဲနဲစားလိုက်မယ်လေ....ဘာလို့ငိုတာလဲ... တိတ်နော်"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥