Unicode
ညနေရုံးဆင်းတော့....ရဲရင့် မိုးဦးကို စကားပြောဖို့ပြင်ရသည်။
မြတ်နိုးရော အပြင်မှာစောင့်နေသည်။
သူလဲ လိုအပ်ရင်တောင်းပန်ဖို့ပေါ့။
"အကို....အကိုမိုးဦး..."
ရဲရင့်အသံတုန်တုန်နှင့်ခေါ်သည်။
"ဟင်.....အော ... ရဲရင့်...ပြောစရာရှိလို့လား"
"ကျွန်တော့်ကြောင့်အလုပ်ထွက်တာလား အကို....ဒါဆိုရင်တော့....ကိုမိုးဦးရယ်.....ကျွန်တော် အနူးအညွတ်တောင်းပန်ပါတယ်....အေးချမ်း ကျွန်တော့်ကြောင့် ပြသနာဖြစ်ရတာပါ...."
"ဟာ....ရဲရင့်....မဟုတ်ပါဘူးကွာ.....အေး...အေး..sorry ငါ့ညီရာ....ကိုယ်တစ်ကယ်မတွေးမိခဲ့တာ....မင်းကြောင့်လို့ထင်သွားတာလား.... sorry ကွာ"
မိုးဦး ရဲရင့်ဘက်ကို မတွေးမိခဲ့ဘူးလေ။ ရဲရင့်ခမျာ သူ့ကြောင့်လို့တွေးနေမှာပေါ့။တကယ်က သော့်အတွက်ပဲတွေးခဲ့မိတာ....ရဲရင့်ဘက်ကို တွေးကိုမတွေးမိ။
"တကယ်လား..အကိုရာ...ကျွန်တော်စိတ်မကောင်းလွန်းလို့ဘယ်လိုလုပ်ရပါ့မလဲ"
"တကယ်ပါကွာ....တကယ်...မင်းကြောင့်မဟုတ်ပါဘူးကွာ"
ရဲရင့်ကို မိုးဦး အကျိုးအကြောင်းရှင်းပြထားလိုက်သည်။
သော် ရန်ကုန်မှာ အိမ်တွင်းပုန်းလုပ်နေလို့မဖြစ်ကြောင်း...အပြင်ထွက်ရင်လဲ မိုးဦးက စိတ်မချတော့။ ဒါကြောင့် ၂၄နာရီတူတူရှိရဖို့ ရန်ကုန်ကိုစွန့်ခွာချင်သည်ဖြစ်ကြောင်းပေါ့။
"အလုပ်က ရဲရင့်တို့ မြင့်မိုရ်တို့ မြတ်နိုးတို့ရှိနေလို့ ကိုယ်စိတ်ချပါတယ်....မသိတာ မရှင်းတာရှိရင် အချိန်မရွေးဖုန်းဆက်ပေါ့....ပြီးတော့....သော့်ကို ရန်ကုန်မှာမထားချင်တာကြောင့်ပါပဲ ကျန်တာဘာမှစိတ်ထဲမထားနဲ့..ရဲရင့်က ကိုယ့်ညီပဲလေ"
ရဲရင့်....ခေါင်းလေးညိမ့်ကာသာ။
.
.
.
"သော်....သည်းသော်လေး"
သော် စာလုပ်နေတာ....ကိုက ကုတင်ကနေလှမ်းခေါ်နေတာပါ။
"ဗျာ...ကို...အိပ်နှင့်ပါလား"
"သော် စာပြီးတော့မှာလား.....ကို ပြောစရာရှိလို့"
"ဒါဆို ခဏပဲနော်.....ကို"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
