Unicode
ဒီနေ့တော့ ရဲရင့် အေးချမ်းဆီကို ဝင်သည်။
မတွေ့တာလဲကြာ. . .စွာစွာစိအကြောင်းလဲတိုင်ပင်ချင်လို့။
"အေးချမ်း. . .ဘယ်လိုလဲ. . .အဆင်ပြေလား"
"ပြေတယ်. . .မင်း. . .အလုပ်ရော"
"ပြေပါတယ်ကွာ. . .ကိုမိုးဦးရှိတာပဲ အကုန်သင်ပေးပါတယ်. .ငါ.. .မင်းနဲ့တိုင်ပင်စရာရှိလို့"
"ဘာလဲကွ"
"မြတ်နိုးလေ. . . ."
ရဲရင့် မြတ်နိုးအကြောင်း ပြောပြသည်။
အေးချမ်းကတော့ ကိုယ့်ဘက်ကသေချာရင် ဖွင့်ပြောဖို့သာပြောသည်။ မသေချာရင် မြတ်နိုးအတွက်ရော ရဲရင့်အတွက်ရော မကောင်းဘူးလေ။
ခုဆို. . .လုပ်ဖော်ကိုင်ဖက်တွေဖြစ်နေကြပြီ။
ရဲရင့်ကတော့သူ့ဘက်ကလုံးဝသေချာကြောင်းပြောသည်။
ရဲရင့်အတွက် သော် ဝမ်းသာသည်။
အလုပ်နှင့်အကိုင်နှင့်ဆိုတော့ ရဲရင့်က တကယ့်လူကြီးလေးလို။
ရဲရင့်က ဆိုးသည်ဟုနာမည်ကြီးသော်လည်း အနီးကပ်ပေါင်းသင်းနေသူတွေဆိုတော့ ရဲရင့်အကြောင်း သော်သိပါသည်။ ရဲရင့် စိတ်ရင်းကမဆိုးဘူး။
သော် အားကျမိပါသည်။ ကို့ ကိုလဲကျေးဇူးတင်သည်။
သော့်ကို ပညာတတ်ဖြစ်ဖို့ရည်ရွယ်ပြီးအားလုံးလုပ်ပေးရှာသည်။ သော့် စိတ်အတိုင်းပေတေနေခဲ့ရင် ရဲရင့်တို့ နန္ဒတို့နှင့်ကြာလေ ဝေးလေဖြစ်ပြီး. . .ကေသရီတို့နှင့်သာရှိနေရအုံးမဲ့အခြေအနေ။
ကို က သော့်ရဲ့ဘဝကို စီမံသူ။
သော်က ကို့ကိုယုံကြည်ပြီးလိုက်ခဲ့ရုံသာ။
ရဲရင့်သည်လဲ ကို့သင်ကြားပြသပေးမှုနှင့် အားကိုးထိုက်သော လူကောင်းလေးတစ်ယောက်ဖြစ်နေလေပြီ။
သော်. . .ရဲရင့်ကို မေးသည်။
"ရဲရင့်. . .မင်းတမျိုးမထင်နဲ့နော်. . .ငါမေးစရာရှိလို့"
"ထင်စရာလား. . မေး"
"ဟို. . .အစ်မမြင့်မိုရ်နဲ့ကိုမိုးဦးက. . ."
"အေးကွ. . .လူကြီးတွေကဖြစ်စေချင်ကြတာကွ. . .
တရားဝင်တော့မပြောခဲ့ရဘူးပေါ့ကွာ. . .ကိုမိုးဦး ဆယ်တန်းဖြေပြီး သူ့အဖေဆုံးတာလေ. . .စာမေးပွဲနဲ့ကပ်သီးလေးလွတ်တာကွ...မဟုတ်ရင် ကိုမိုးဦးဆက်ဖြေနိုင်ပါ့မလားပဲ"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
