The Poor Female Lead Can't Take Anymore!(Realm-5)[Myanmar Translation]
Tabla de contenidos

    ESTÁS LEYENDO

    The Poor Female Lead Can't Take Anymore!(Realm-5)[Myanmar Translation]

    De Todo

    Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

    #action-adventure #comedy-drama #historical #ningshu #romance #system #transmigration #wuxia

    Chapter - 85

    2.8K 453 3 
                                        
    
                                              
    [Unicode]
    
                          
    {တစ်ကိုယ်ရေကျန်းမာမှုနှင့် လုံခြုံဘေးကင်းမှု}
    
                          
    တစ်ရက်တွင်တော့ ဟယ့်ရှောင်ဟွားက နဉ်ရှုဆီလာကာ မေး၏။
    
                          
    "ဝမ်ရူဟွားက ငါ့ကို ဘာလို့သဘောမကျတာလဲ?"
    
                          
    နဉ်ရှုက လတ်လတ်ဆတ်ဆတ်အသီးတစ်လုံးကို တစ်ကိုက်ကိုက်ကာ မေးသည်။
    
                          
    "နင်ကရော ဘာလို့ နင့်ကို သူ သဘောကျစေချင်ရတာလဲ? ဝမ်ရူဟွားမှာရှိသမျှက ကြည့်ကောင်းတာလေးပဲဟာ။ သူ့မှာ တစ်ခြားဘာမှမရှိဘူး။ သူက နင့်ကို တည်ငြိမ်တဲ့ဘဝမပေးနိုင်ဘူး။ သူ့ကိုယ်သူတောင် မနည်းအသက်ရှင်အောင် နေနေရတာဆိုတော့ သူက နင်ကို ကလေးတွေ ပျိုးထောင်ဖို့ ဘယ်လိုလုပ်ကူညီမှာလဲ?"
    
                          
    ထပ်ပြောရမယ်ဆို သူ့အကျင့်ကလည်း ဆိုးသေးတယ်။ ဒီလိုလူမျိုးနဲ့နေရတာက တကယ်ကို စိတ်ပင်ပန်းရမှာပဲ။
    
                          
    ဟယ့်ရှောင်ဟွားက ရှက်ရွံ့စွာဆို၏။ 
    
                          
    "သူ ငါ့ကိုဂရုစိုက်ဖို့ တကယ်မလိုပါဘူး။ သူက တစ်ယောက်တည်းဖြစ်နေတာမို့ ငါက သူ့ကို ငါတို့မိသားစုထဲ ဝင်စေချင်တာ။ ငါ့အဖေကလည်း သဘောတူတယ်။"
    
                          
    "ဖွီးးး..."
    
                          
    နဉ်ရှုမှာ သူမ စောသောကတင်ကိုက်လိုက်သည့် အသီးတစ်ကိုက်ကို ထွေးထုတ်မိ၏။ ဟယ့်ရှောင်ဟွားက ဝမ်ရူဟွားကို သူမမိသားစုထဲဝင်စေချင်တယ်? သူသာသိလို့ကတော့ အကြီးအကျယ်စော်ကားခံရတယ်လို့ တွေးမှာ အသေအချာပဲ။
    
                          
    နဉ်ရှုက ဟယ့်ရှောင်ဟွားရဲ့ပခုံးကို ပုတ်သည်။
    
                          
    "ကံကောင်းပါစေ။"
    
                          
    ဒါကို ဝမ်ရူဟွားသဘောတူဖို့က ဘယ်လိုနည်းနဲ့မှမဖြစ်နိုင်ပေ။ အဲ့ကိစ္စဖြစ်လာအောင်လုပ်ဖို့ တစ်ခုတည်းသောနည်းလမ်းက သေသေချာချာအကွက်ဆင်ကာလှည့်စားဖို့ပင်။
    
                          
    သူမ လမ်းလျှောက်ရာမှပြန်လာချိန်၌ ဝမ်ရူဟွားတစ်ယောက် ခြံထဲမှာ မည်းမှောင်နေသာ့်အမူအရာဖြင့် ရပ်နေသည်ကို နဉ်ရှုတွေ့လိုက်ရသည်။ သူ့ခေါင်းထိပ်ကနေ အခိုးအငွေ့တွေပင် ထွက်နေလောက်၏။
    
                          
    "ပိုင်ချင်ရှန်း၊ မင်းက ငါ နန်းတွင်းစာမေးပွဲအတွက် စာလေ့လာနိုငခအောင်လို့ ဒီကိုလာပြီး ငါ့ကိုစောင့်ရှောက်တာလို့ အမြဲပြောနေပေမယ့် ငါ့အတွက်တော့ မင်းက ဒီကို ယောက်ျားတွေကိုမြူဆွယ်ဖို့လာနေသလိုပဲ။ အခု မင်းက ဟယ့်တာ့ဟွားနဲ့ တရားဝင်ချစ်သူတွေဖြစ်နေပြီမလား? မင်းက မင်းရဲ့ရှက်စရာအပြုအမူတွေကို ဖုံးကွယ်ထားဖို့တောင် ဂရုမစိုက်တော့ဘူးပဲ။ ပိုင်ချင်ရှန်း၊ အရင်က ငါတကယ်ကန်းနေခဲ့တာပဲ။ တကယ်တမ်းကျတော့ မင်းက ဒီလောက်တောင်အရှက်မဲ့တယ်။ မင်းက ယောက်ျားတစ်ယောက်ကို ဒီလောက်တောင်ငမ်းငမ်းတက်လိုချင်နေတာလား? မင်း အလေးအနက်မထားဘူးဆို ငါ မင်းကို ကျေနပ်အောင်လုပ်ပေးမယ်။"
    The Poor Female Lead Can't Take Anymore!(Realm-5)[Myanmar Translation]Donde viven las historias. Descúbrelo ahora