Unicode
ယောက်ျားက မိန်းမကိုကာကွယ်ရမှာ
____________
ထိုအသံကိုကြားလိုက်ရချိန်၌ နဉ်ရှုက ဟိုဟိုသည်သည်ကြည့်လိုက်သော်လည်း တစ်ယောက်မှမတွေ့ချေ။ ချောင်းထဲမှာငါးဖမ်းနေသည့်ရွှီယွီက ကုန်းပေါ်ပြေးတက်လာကာ နဉ်ရှုနောက်ဝင်ပုန်း၏။ သူက စိတ်လှုပ်ရှားစွာမေးသည်။
"ဆရာတူအစ်မ၊ အဲ့ဒါ သရဲလားဟင်? ဆရာတူအစ်မ၊ ကျွန်တော် ကြောက်တယ်! အစ်မ ကျွန်တော့်ကိုကာကွယ်ရမယ်နော်၊ ဟုတ်ပြီလား?"
"နင့်လိုကလေးပေါက်စလေးက ဘာလို့အရမ်းအယူသီးနေရတာလဲ?"
နဉ်ရှုက သူ့ကို သူမနောက်မှဆွဲခေါ်၏။
"နင်က ယောက်ျားလေးလေ၊ မိန်းမတွေကို ကာကွယ်ပေးရမှာ၊ သိပြီလား? မိန်းမတစ်ယောက်နောက်မှာ နင်ပုန်းနေတာက လုံးဝယောက်ျားမပီသဘူး။"
"ဟားဟား၊ ရယ်ချင်စရာကောင်းလိုက်တာ။"
လူတစ်ယောက်က သစ်ပင်တစ်ပင်ပေါ်မှခုန်ဆင်းလာသည်။ သူ့ဆံပင်တွေက လျော့ရဲနေကာ အနက်ရောင်ဖဲကြိုးဖြင့် ဖြစ်သလိုစည်းနှောင်ထား၏။ သူက ရွှေချည်ထိုးထားသည့် အနက်ရောင်ဝတ်စုံကိုဝတ်ဆင်ထားသည်။ သို့သော်လည်း သူ့ရဲ့အထင်ရှားဆုံးလက္ခဏာက ယောက်ျားလိုလို မိန်းမလိုလိုဖြစ်နေသည့် သူ့ရုပ်ရည်ဖြစ်ကာ မယုံနိုင်လောက်အောင်လှရက်ပြီး နတ်ဆိုးဆန်ဆန်လေထုခပ်ပါးပါးဝန်းရံနေခြင်းဖြစ်၏။
အဲ့မှာရပ်နေတဲ့သူ့ပုံစံက စိတ်ကူးယဉ်နတ်သမီးတစ်ပါး၏ပုံစံနှင့်တူကာ လှပသော်လည်း သေစေနိုင်သည်။
နဉ်ရှုက သူ့ကိုကြည့်ကာဆိုသည်။
"ကျွန်မဆရာ အိမ်မှာမရှိဘူး။ ရှာလည်း အလကားပဲ။"
အမျိုးသားက အနည်းငယ်အံ့အားသင့်သွားသော်လည်း ခဏလေးအတွင်းမှာပင် ထပ်ပြုံးလိုက်သည်။ သူ့နှုတ်ခမ်းတွေက စွဲမက်ဖွယ်ရာလှောင်ပြုံးတစ်ခုအဖြစ် ကော့တက်သွားပြီး သူက ရေမျက်နှာပြင်ထက် ကိုယ်ဖော့နင်းကာ နဉ်ရှုရှေ့တည့်တည့်ဆီ ပျံသန်းရောက်ရှိလာ၏။ သူ့ကိုယ်ပေါ်က မွှေးရနံ့က လေနှင့်အတူ နဉ်ရှုဆီရောက်ရှိလာသည်။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)