Unicode
မိန်းမတစ်ယောက်ကိုကာကွယ်ခြင်း
______________
ကုန်းဝူမေ့က နဉ်ရှုကိုကြည့်သည်၊ ပြီးနောက် ရွှီယွီ့ကိုကြည့်သည်။
"ငါ သူ့ကိုအရင်တစ်ခေါက်တွေ့တုန်းက သူ တပည့်နှစ်ယောက်လက်ခံလိုက်လိမ့်မယ်လို့ ဘယ်သူထင်မှာလဲ?"
ထို့နောက် သူက မျက်တောင်တစ်ခတ်အတွင်းမှာပင် နဉ်ရှုရှေ့ကိုရောက်လာသည်။ သူ့ရဲ့ကျောက်စိမ်းလိုလက်ကိုဆန့်ထုတ်ကာဖြင့် သူက နဉ်ရှုရဲ့မေးကို လက်ညှိုးတစ်ချောင်းနှင့်ပင့်မကာ သူမကို အချိန်ခဏကြာအောင်စစ်ဆေးကြည့်ရှုနေပြီးမှ မှတ်ချက်ချ၏။
"ပြီးတော့ အပျိုစင်လေးတောင်ဖြစ်နေသေးတယ်။ မင်းက အဲ့ရေခဲတုံးရဲ့မိန်းကလေးလို့ ငါထင်လိုက်တာပေမယ့် သူက မင်းကို လုံးဝမထိဘူးပဲ။ ဒီတော့ သူက မင်းကို တကယ်ကြီးသူ့တပည့်အဖြစ်ဆက်ဆံတာပေါ့လေ။"
ကြည့်စမ်း၊ ဒါက မရေမတွက်နိုင်တဲ့မိန်းမတွေအများကြီးယူထားပြီးတဲ့ ယောက်ျားတစ်ယောက်က ဘယ်လိုဆိုတာပဲ။ သူက အကြည့်လေးတစ်ချက်နဲ့တင် တစ်ဖက်လူက အပျိုစင်ဟုတ်မဟုတ်ပြောနိုင်တယ်။ နဉ်ရှုက နောက်ကို ခြေတစ်လှမ်းဆုတ်ကာ အေးစက်စွာဆို၏။
"ရှင်လာတာ အရမ်းနောက်ကျသွားပြီ။ နန်းတော်ကလူတွေက ဆရာ့ကို နန်းတော်ထဲကမျိုးရိုးမြင့်လူတစ်ယောက်ကိုကုသပေးဖို့ ဖိတ်ခေါ်သွားကြပြီ။"
"အဆင်ပြေပါတယ်။ မင်း ဒီမှာရှိနေမှတော့ ဒီခရီးက အလဟသမဖြစ်ပါဘူး။"
ကုန်းဝူမေ့က နဉ်ရှုကိုကြည့်သည်။
"မင်းက အဲ့ရေခဲတုံးရဲ့တပည့်ဆိုတော့ ဘယ်လောက်များသင်ယူပြီးပြီလဲ?"
"ကျွန်တော့်ဆရာတူအစ်မက ဘာမှမသင်ထားဘူး။ ဆရာက သူ့ဆေးပညာအသိတွေအားလုံးကို ကျွန်တော့်ဆီလွှဲပေးခဲ့တာ။ ကျွန်တော့်ဆရာတူအစ်မကို ခက်ခဲအောင်မလုပ်နဲ့။ တစ်ယောက်ယောက်က ခင်ဗျားကိုကြည့်ပေးစေချင်ရင် ကျွန်တော်ကြည့်ပေးမယ်။"
ရွှီယွီက နဉ်ရှုရှေ့မှာ သူရဲကောင်းဆန်စွာရပ်၏။
"ကျွန်တော့်ဆရာတူအစ်မက ငတုံးတစ်ယောက်ပဲ။ သူက ဘာမှမတတ်ဘူး။"
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)