[Unicode]
{ကြက်တစ်ကောင်ကိုလက်ထပ်၊ ကြက်နောက်လိုက်}
"ကျွန်မမှာရှိတဲ့ငွေတွေအားလုံး ရှင့်ကိုပေးပါ့မယ်။"
နဉ်ရှုက ပြောသည်။
ဟယ့်တာ့ဟွားက လက်ယမ်းကာ နဉ်ရှုကို အဓိပ္ပာယ်ပါသည့်အကြည့်တစ်ချက်ပေးသည်။
"ကိုယ်တို့ရဲ့ဆက်ဆံရေးမျိုးနဲ့ဆို ငွေအကြောင်းပြောစရာဘာလိုလို့လဲ?"
"အစ်ကို ဘာလိုချင်တာလဲ? သခင်လေးဝမ်က ထပ်မစောင့်နိုင်တော့ဘူး။"
ဟယ့်ရှောင်ဟွားက စိတ်မရှည်စွာဆိုသည်။
"အမှန်ဆို ဒီလိုပစ္စည်းကောင်းမျိုးက ငါတို့မိသားစုဝင်အပေါ်မှာပဲ သုံးရမှာ။ ဝမ်ရူဟွားသာ ရှောင်ဟွားကိုလက်ထပ်ပြီး ဟယ့်မိသားစုထဲဝင်ဖို့ သဘောတူရင်..."
ဟယ့်တာ့ဟွားရဲ့အမူအရာက လွန်စွာမှပင်အေးစက်နေ၏။
"ဒါပေါ့၊ မင်း ငြင်းလို့ရပါတယ်။"
ဟယ့်ရှောင်ဟွားရဲ့ပါးပြင်တွေက ချက်ချင်းပင်နီရဲသွားကာ သူမက ရှက်ရွံ့စွာဖြင့် ခေါင်းကိုငုံ့၏။
"မဖြစ်..."
ဝမ်ရူဟွားရဲ့မျက်လုံးတွေက ပြူးကျယ်လာကာ သူက သေဘေးကိုကြုံတွေ့နေရသည့်အလား 'မဖြစ်ဘူး-'ဆိုသည်ကို ကြုံးအော်၏။
"မဆိုးပါဘူး!"
နဉ်ရှုက ဝမ်ရူဟွားရဲ့စကားအဆုံးသတ်ကိုယူကာဆိုသည်။
[T/N : ဒီမှာ ဝမ်ရူဟွားက 'no'လို့ပြောလိုက်ပေမယ့် စကားမဆုံးလိုက်တာမို့ နဉ်ရှုက 'not bad'ဆိုပြီး ယူပြောလိုက်တာပါ။ တရုတ်လိုဆိုရင်တော့ ဝမ်ရူဟွားက 'bu(ပု)'လို့ပြောလိုက်တာကိုမှ နဉ်ရှုက သူပြောလိုက်တဲ့ buနောက်မှာ သူ့ဘာသာစကားထပ်ထည့်လိုက်တာမျိုးဖြစ်မယ်။ မြန်မာလိုပြန်တော့ နည်းနည်းမတူတော့တာမို့။]
"အသက်ကယ်တဲ့ကျေးဇူးကို ခန္ဓာကိုယ်နဲ့ပြန်ဆပ်တာ၊ နည်းပါးတဲ့ကျေးဇူးတရားကို အများကြီးကျေးဇူးပြန်သိတတ်တာ- ဒါက ဖြစ်သင့်ပါတယ်! ဝမ်းကွဲအစ်ကိုရဲ့ကိုယ်စား ကျွန်မ လက်ခံပေးထားတာမို့ ဝမ်းကွဲအစ်ကိုကို ဆေးသာမြန်မြန်တိုက်ပါတော့။"
YOU ARE READING
The Poor Female Lead Can't Take Anymore!(Realm-5)[Myanmar Translation]
VéletlenName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)