Unicode
ဒီလိုဆို သူမ ဘယ်လိုလုပ် ထွက်ပြေးရတော့မှာလဲ!?
__________
"မင်းက ငါ့ကို အေးအေးဆေးဆေးအဖမ်းခံစေချင်တယ်ပေါ့လေ? ရန်နန်ကျူး၊ မင်းခေါင်း တစ်ခုခုများဖြစ်နေလား? ဖြောင့်မတ်ဟန်ဆောင်နေတာ တော်လိုက်စမ်းပါ၊ မင်းတို့တွေက ငါ့အဆုံးမဲ့နန်းတော်က ရတနာတွေကို လုချင်နေရုံပဲ။ မင်းတို့မျက်လုံးတွေထဲက လောဘတွေက နေ့ခင်းအချိန်လို ရှင်းလင်းနေတာပဲ၊ ရွံစရာကောင်းတဲ့ 'သမာသမတ်ဂိုဏ်းတွေ'။"
"ကုန်းဝူမေ့၊ မင်းက မင်းရဲ့စည်းစိမ်တွေကို လုယက်တိုက်ခိုက်ပြီးရလာတာ။"
ရန်နန်ကျူးက မျက်မှောင်ကုတ်၏။
ကုန်းဝူမေ့က အေးစက်စွာရယ်သည်။
"ငါက လုယက်ပြီးရလာတာ၊ ဒါပေမယ့် မင်းတို့ကရော? အခု မင်းတို့လည်း အတူတူပဲလုပ်ဖို့ကြိုးစားနေတာမဟုတ်ဘူးလား?"
"မတူဘူး။"
ရန်နန်ကျူးက ခေါင်းခါသည်။
"ကွာခြားတာ ဘာများရှိလို့လဲ? မင်းတို့တွေက တရားမျှတမှုဆိုတဲ့ခေါင်းစဉ်အောက်ကနေ ချီတက်လာကြပေမယ့် မင်းတို့အပြုအမူတွေက ငါနဲ့တူတူပါပဲ။"
ကုန်းဝူမေ့က အေးစက်စက်အပြုံးတစ်ခုနှင့်ဆိုလေ၏။
နဉ်ရှု : ...
ဘယ်လိုတောင်လား? နင်တို့တွေ တိုက်မှာဖြင့်လည်း တိုက်ကြလေဟယ်! ဘာလို့ သောက်ရမ်းစကားများနေရတာလဲ? စကားပြောတာ ဘာအဓိပ္ပာယ်ရှိလို့လဲ?
"ခေါင်းဆောင်ရန်၊ ကျုပ်တို့တွေ ကျုပ်တို့တိုင်းပြည်ကို ပြန်ထိန်းသိမ်းနိုင်ဖို့ ဒီမကောင်းဆိုးရွားတွေရဲ့အသိုက်ကို ဖျက်ဆီးပစ်လိုက်သင့်တယ်။"
"မှန်တယ်! နတ်ဆိုးဂိုဏ်းကလူတွေက လူသတ်နေချိန်မှာတောင် ဘာမှခံစားရတာမဟုတ်ဘူး။ သူတို့ကို စကားနဲ့ပြောနေလို့ အသုံးမဝင်ဘူး၊ သူတို့က ကယ်တင်လို့မရတော့ဘူး။"
သမာသမတ်ဂိုဏ်းကလူတွေလည်း ဒီနှစ်ယောက် မပြီးနိုင်မစီးနိုင်စကားပြောနေကြတာကို စိတ်ကုန်လာပုံရကာ တိုက်သာတိုက်ချင်နေတော့လေ၏။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)