Unicode
ရှင့်ဆီက ဘာလို့သေးနံ့နံနေတာလဲ?
____________
အရင်ကတော့ သူမက ယုံကြည်မှုရှိနေသလိုလုပ်ကာ သူ့ဒဏ်ရာကို သူမ သေချာပေါက်ကိုကုနိုင်တယ်လို့ ပြောခဲ့သည်။ အခုနေသာ တစ်ခုတည်းသောနည်းလမ်းက သူ့သိုင်းပညာကို ဖျက်ဆီးပစ်ဖို့လို့ပြောလိုက်ပါက သူက သူမကို သေချာပေါက် အကြိမ်ပေါင်းမရေမတွက်နိုင်အောင်သတ်ပေလိမ့်မည်။ နတ်ဆိုးဂိုဏ်းရဲ့ဂိုဏ်းချုပ်တစ်ယောက်အနေနဲ့ သူ့သိုင်းပညာကိုသာဖျက်ဆီးလိုက်ပါက သေကြောင်းကြံစည်သည်နှင့် အတူတူပင်။ ကုန်းဝူမေ့က သိုင်းပညာဖျက်ဆီးပစ်ဖို့ထက် အတွင်းဒဏ်ရာတွေရဲ့နာကျင်မှုကို သည်းခံဖို့သာ ရွေးချယ်မည်မှာသေချာ၏။
ထို့အတွက် နဉ်ရှုမှာ သမာသမတ်ဂိုဏ်းတွေက အဆုံးမဲ့နန်းတော်ကို တိုက်ခိုက်လာမည်ကိုသာစောင့်နေတော့၏။ သို့ဆိုလျှင် အခြေအနေတွေရှုပ်ထွေးနေတုန်း သူမ ထွက်ပြေးလွတ်မြောက်နိုင်ပေသည်။
"မိန်းမလှလေး၊ ဒီကိုလာပါဦး။"
ကုန်းဝူမေ့က နဉ်ရှုကိုလက်ယပ်ခေါ်သည်။ သူမက သူ့ဆီကို ဖြည်းညင်းသွာလျှောက်သွား၏။ သူနဲ့နီးလာချိန်၌ ထူးဆန်းတဲ့အနံ့တစ်ခုကို သူမ ချက်ချင်းသတိထားလိုက်မိသည်။ အနံ့က သေးပေါက်ချထားတဲ့အနံ့နဲ့ နည်းနည်းဆင်တယ်။
ကုန်းဝူမေ့က သူ့လက်ထဲရှိ မြစိမ်းရောင်ဆံထိုးကို ခပ်ဖြည်းဖြည်းလှည့်ပတ်နေရင်း ပျင်းရိနေဟန်ဖြင့် ထိတ်လန့်ဖွယ်ပြုံးသည်။ ထို့နောက် သူက လက်ဆန့်ထုတ်ကာ နဉ်ရှုဆံပင်တွေထဲမှာ ဆံထိုးကိုထိုးစိုက်လိုက်ပြီး နူးညံ့စွာဆိုသည်။
"ဒီဆံထိုးက မင်းနဲ့လုံးဝလိုက်ဖက်တာပဲ။"
နဉ်ရှုရဲ့ဆံပင်တွေမှာ အဆုံးထိထောင်ထသွားရသည်။ ဖြစ်လာတော့မယ့်ဟာက သေချာပေါက်ကောင်းတာမဟုတ်ဘူး! ဆံထိုးကိုဆွဲထုတ်ပြီး သူမလွှင့်နိုင်သမျှ ဝေးဝေးရောက်အောင်လွှင့်ပစ်ချင်တဲ့စိတ်ကို သူမ ထိန်းချုပ်ရမယ်။
ကုန်းဝူမေ့က ကျက်သရေရှိစွာပြန်လှဲချလိုက်ပြီးနောက် နဉ်ရှု စကားပြောလာချိန်အထိ သူမကို ဘာအမူအရာမှမရှိဘဲစိုက်ကြည့်နေ၏။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)