Unicode
မင်းကိုအဆိပ်ခတ်သတ်မယ်
_____________
"ငါက နတ်ဆေးသမားတော်ဆိုတာ မင်း ဘယ်လိုလုပ်သိတာလဲ?"
နတ်ဆေးသမားတော်က လှည့်ကြည့်လာကာ သူမကို အေးစက်စွာမေးခွန်းထုတ်သည်။
"မင်းကို ဘယ်သူလွှတ်လိုက်တာလဲ?"
နဉ်ရှုက ကြို့ထိုးလိုက်ပြီးမှဆို၏။
"ရှင့်ကိုယ်ပေါ်က ဆေးပင်နံ့တွေရတယ်လေ၊ ဒါကြောင့်မို့ ယဉ်ကျေးအောင်လို့ နတ်ဆေးသမားတော်လို့ခေါ်လိုက်တာ။ ပြီးတော့ လူတစ်ယောက်က အဆင့်သုံးရှိတဲ့ သိုင်းလောကဓားပညာရှင်တစ်ယောက်ကိုတွေ့ရင် ယဉ်ကျေးအောင်လို့ ညှာတာတတ်တဲ့သူရဲကောင်းကြီးလို့ခေါ်တာပဲမဟုတ်ဘူးလား? ဒါက ယဉ်ယဉ်ကျေးကျေးခေါ်တဲ့နည်းလမ်းတစ်ခုလေ၊ ဒါပါပဲ။"
နတ်ဆေးသမားတော်က လွန်စွာကြည့်ကောင်းလှသော်လည်း အေးစက်လွန်းနေကာ လှုပ်ရှားနေတဲ့ရေခဲစိုင်ကြီးနှင့်ပင်တူနေတော့၏။
နတ်ဆေးသမားတော်က သူမကို သည်အတိုင်းသာကြည့်လိုက်ပြီးနောက် မြန်မြန်လမ်းလျှောက်ကာ သူမကို ပစ်ထားခဲ့ဖို့ကြိုးစားလေသည်။
နဉ်ရှုက ဝတ်ရုံစကိုမကာ သူ့နောက်ကိုပြေးလိုက်သွားသည်။ သူမက အသက်ပြင်းပြင်းရှူနေရတာတောင်မှ အော်လိုက်သေး၏။
"နတ်ဆေးသမားတော်၊ မိတ်ဆွေတွေလုပ်ကြရအောင်!"
"မင်း နေမကောင်းဘူးလား?"
နတ်ဆေးသမားတော်က မျက်မှောင်ကုတ်သည်။
"ရှင့်မှာ ဆေးရှိလား?"
နဉ်ရှုက သက်ပြင်းချသည်။
"ကျွန်မက ကာမဆေးသောက်မိသွားတဲ့လူတစ်ယောက်ကို လူးလှိမ့်တာကလွဲပြီး ကယ်တင်ဖို့တစ်ခြားနည်းလမ်းရှိလားဆိုတာ သိချင်ရုံပါ။"
နဉ်ရှုက နတ်ဆေးသမားတော်နောက်ကလိုက်ကာ သူ့အိမ်ကိုရောက်လာသည်။ သူ့အိမ်က ဝမ်ရူဟွားရဲ့အိမ်ထက်အများကြီးပိုကောင်းသည်။ အနည်းဆုံးတော့ သူ့အိမ်က ဝါးတွေနဲ့ဆောက်ထားပြီး အရမ်းသန့်ရှင်းသည်။ အိမ်ရှေ့တွင်တော့ သေသပ်ကြည့်ကောင်းလှသည့် ဆေးပင်စိုက်ခင်းရှိသည်။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)