Love Between Serpent Beastman & Cuttie Hamster

🦁🐹ငါနဲ့အတူလာအိပ်လို့ရတယ်နော်🐹🦁/🦁🐹ငါနဲ႕အတူလာအိပ္လို႔ရတယ္ေနာ္🐹🦁

🦁🐹ငါနဲ့အတူလာအိပ်လို့ရတယ်နော်🐹🦁

(Unicode)

ချစ်စဖွယ်ကောင်းပြီး အဖိုးတန်လှသည့် သားရဲတစ်ပိုင်းလူသားလေးက မည်းမှောင်နေသည့်ရွှံ့ဂူကြီးတွင်နေသည်ကို တွေ့လိုက်ကြရ၏။ ထို့အပြင် ထိုအကောင်ငယ်လေးက သူ၏ကိုယ်ကိုတိရိစ္ဆာန်သားရေများ၊မြက်များဖြင့် နွေးထွေးအောင်လုပ်ရပြီး ကျောက်တုံးခွက်များဖြင့် ချက်ပြုတ်စားသောက်နေရ၏။

 ဂူထဲဝင်ကြည့်နေသော ဂျေရက်နှင့်အခြားလူများက အလွန်ဝမ်းနည်းနေကြ၏။

သူတို့က မကြာခနတောထဲတွင် အမဲလိုက်တတ်သော်လည်း သူတို့၏အခြေအနေက ဤမျှမဆိုးရွားချေ။ သူတို့၏သိုလှောင်နေရာတွင် လိုအပ်သော ပစ္စည်းပစ္စယပေါင်းစုံရှိ၏။

သားရဲလူသားများက ရှုရှု့အတွက် ဝမ်းနည်းနေသော်လည်း ရှုရှုက သူ၏ဂူနှင့်ပတ်သက်၍ မှားယွင်းသည်ဟုမခံစားရပေ။

သူက လူသားကိုယ်အဖြစ်ပြောင်းလဲသွားပြီဖြစ်၍ သူ၏ဂူအားသန့်ရှင်းသပ်ယပ်နေအောင် လုပ်နိုင်ပြီး မြွေကြီးကလည်း သူ့အားကူညီပေး၏။ သူ၏အခြေအနေက ဟမ်းစတားလေးအဖြစ်တောထဲတွင်နေခဲ့ရသည်ထက် သာလွန်၏။ ရှုရှုက တီဗွီမရှိသည်မှလွဲ၍ ကျန်တာအားလုံးပြည့်စုံသည်ဟုထင်နေ၏။

သူက ဟမ်းစတားဘဝကတည်းက တီဗွီကြည့်ရခြင်းကို အလွန်နှစ်သက်၏။ သူ၏ပိုင်ရှင် တီဗွီကြည့်တိုင်း သူကလည်း မျက်တောင်မခတ်တမ်းလိုက်ကြည့်တတ်၏။

ဂူထဲသို့ဝင်လိုက်ပြီး ရှုရှုက မီးဖိုနားသွားကာ ထင်းအချို့ထပ်ဖြည့်၍ မီးပုံအကြီးကြီးဖြစ်အောင်ဖိုလိုက်၏။ မီးဖိုအကြီးကြီးဖိုထားသော်လည်း သူ၏ဂူလေးမှာ ​မှောင်နေဆဲဖြစ်လေသည်။ ရှုရှုနှင့်အက်ဂါက ညအမှောင်ထဲတွင် ကောင်းမွန်စွာမြင်နိုင်ကြ၍ အမှောင်ကိုကြိုက်၏။ ထိုသားရဲလူသားများက အကျင့်မရှိကြသည်ဖြစ်ရာ အမှောင်ထဲမနေတတ်ကြပေ။

 ဤကဲ့သို့အေးခဲလှသော ဆောင်းရာသီတွင် အနွေးဓာတ်ကိုမီးပုံဆီမှသာ ရရှိနေ၍ သားရဲလူသားများမှာ အံ့သြနေကြတော့၏။ သားရဲတစ်ပိုင်းလူသားလေးက တကယ်ကိုသနားစရာကလေးပဲ။