Love Between Serpent Beastman & Cuttie Hamster

🦁အရိုက်ခံရတော့မည်ကိုတွေးပူနေသည့် ဂျေရက်🦁/🦁အရိုက္ခံရေတာ့မည္ကိုေတြးပူေနသည့္ ေဂ်

🦁အရိုက်ခံရတော့မည်ကိုတွေးပူနေသည့် ဂျေရက်🦁

(Unicode)

အက်ဂါ၏နောက်ကျောအား ပျောက်ကွယ်သွားသည်အထိ စောင့်ကြည့်ပြီးမှ ဂျက်စတင်က ဂျွန်းဘက်သို့လှည့်ကာ ချက်ချင်းတွယ်ကပ်နေတော့၏။ "ဒေါက်တာဂျွန်းရေ...အရှင့်သားက ဘာလို့ဂတ်စ်ဂြိုဟ်ဆီရောက်လာရတာလဲဟင်။ ဒီလောက်အရေးကြီးတဲ့သတင်းကို ဘာလို့ကျုပ်ကိုမပြောရတာတုံး"

အက်ဂါက မိုးကြိုးတရစပ်အပစ်ခံခဲ့ရ၏။ ဂျက်စတင်က ထိုကိစ္စအားသိပ်ပြီးဂရုမစိုက်ခဲ့ပေ။ သို့သော်ယခုတော့ အက်ဂါမှာ အိမ်ရှေ့စံဖြစ်ကြောင်း သိသွားခဲ့ပြီဖြစ်၏။

အိမ်ရှေ့စံမင်းသား သူ့ဂြိုဟ်ပေါ်ရောက်နေတာကို တကယ်ကိုမသိခဲ့ဘူး။ အမလေးလေးးး။

 ထိုနေရာတွင် လူများစွာရှိနေခဲ့ပြီး ဂျွန်းကတော့ အံ့အားအသင့်ဆုံးဖြစ်နေလေသည်။ အရင်ရက်တွေတုန်းကမှ အက်ဂါအားစစ်ဆေးပေးထားပြီး စစ်ဆေးစဥ် သူ၏သားရဲအမြုတေမှာ အမှန်ပင်ကွဲကြေသွားခဲ့ကြောင်းအတည်ပြုခဲ့၏။ သို့သော် မိုးကြိုးသုံးဆယ့်ခြောက်ချက်အပစ်ခံရပြီးနောက် အက်ဂါ၏အကြေးခွံများအစ ပြောင်းလဲသွားပြီး အဆင့်ကျသားရဲဘဝဖြင့် မျိုးဆက်သွေးနိုးထခဲ့ကာ လူသားအသွင်ပြန်ပြောင်းနိုင်ခဲ့လေသည်။
 
ဒါဘယ်လိုဖြစ်နိုင်မှာလဲ။

 ဂျွန်းက မဖြစ်နိုင်ဟုတွေးမိသော်လည်း ထုတ်မပြောပေ။ ဂျက်စတင်အား လှည့်မကြည့်မှီ သူ၏မျက်တောင်ကို တဖျတ်ဖျတ်ခတ်ကာ အံ့အားသင့်​နေမှုအားဖုံးကွယ်လိုက်၏။ "အရှင့်သား ဒီကိုရောက်ခါစက ကျွန်တော်လဲမသိခဲ့ဘူး။ လွန်ခဲ့တဲ့ နှစ်ရက်၊သုံးရက်လောက်ကမှ အရှင့်သားက ကျွန်တော့်ဆီလာတွေ့ခဲ့တာ"

 "ဒါဆိုလွန်ခဲ့တဲ့ရက်တွေတုန်းက ဘာလို့များကျုပ်သိခွင့်မရခဲ့တာလဲ" ဂျက်စတင်ကထပ်မေးပြန်၏။ အက်ဂါ၏ မျက်နှာအားမှတ်မိရန်လွယ်ကူ၏။ ထို့ကြောင့် အရှင့်သားက တိတ်တိတ်ကလေးရောက်လာနိုင်မည်မဟုတ်ပေ။

ပြီး​တော့ အိမ်ရှေ့စံမင်းသားက ချစ်သူမရှိသည့်အပြင် အလွန်လည်းအစွမ်းထက်သေး၏။ သူ၏ သားရဲတစ်ပိုင်းလူသား သားငယ်လေးဆိုလျှင် အိမ်ရှေ့စံ၏ပိုစတာအား ပိုင်ဆိုင်လိုစိတ်ပြင်းပြစွာဖြင့် အမြဲတမ်းကြည့်နေတတ်သလို သူ၏သားရဲလူသား သားငယ်ကလည်း အက်ဂါ၏တိုက်ခိုက်သည့် ဗီဒီယိုများကိုကြည့်ကာ တိုက်ခိုက်နည်းသင်ယူတတ်၏။ ဂျက်စတင်က အင်ပါယာဘုရင်အား မှတ်မိချင်မှမှတ်မိမည်။ သို့သော် အိမ်ရှေ့စံမင်းသားကိုတော့ ကောင်းကောင်းမှတ်မိ၏။