Love Between Serpent Beastman & Cuttie Hamster

🐤💩အချစ်လေးရဲ့အိမ်သာတွင်းကို အက်ဂါတွေ့သွားပြီ💩🐤/အခ်စ္ေလးရဲ႕အိမ္သာတြင္းကို အက္

🐤💩အချစ်လေးရဲ့အိမ်သာတွင်းကို အက်ဂါတွေ့သွားပြီ💩🐤

(Unicode)

ရှုရှုဝယ်ပေးထားသော စျေးအပေါဆုံးညအိပ်ဝတ်စုံနှင့် အက်ဂါက ဂုဏ်သရေရှိစွာ စကားများပြောဆိုနေသည်ကို ကြည့်ကာ ရှုရှုအလွန်ကြောင်အမ်းနေလေသည်။

သူ့တပည့်က ဘယ်လိုလူမျိုးမို့လို့လဲ။ သူ့တပည့်ကအရမ်းကို ရက်စက်ပြီး အေးတိအေးစက်ဖြစ်နေတဲ့ပုံ ဘာလို့ပေါ်နေရတာလဲ။ သူ့ပုံစံက အထက်စီးဆန်တဲ့ သမ္မတတစ်ယောက်လိုပဲ။
 
"ရှုရှုလေး" အက်ဂါက သားရဲတစ်ပိုင်းလူသားငယ်လေးနှင့် ရင်ဆိုင်ရစဥ် အနည်းငယ် စိတ်လှုပ်ရှားနေမိ၏။ သူ့အချစ်ကလေးအား သူ၏တကယ့်ဘဝအကြောင်း မပြောပြဖူးသေးပေ။ သူ့အချစ်လေး စိတ်ဆိုးသွားရင် ဘယ်လိုလုပ်မလဲ။ အက်ဂါက လှည့်စားနေတယ်လို့ ထင်သွားရင်ကော။ သူစိတ်ဆိုးပြီး အက်ရာကို ဂရုမစိုက်တော့ပဲ နေတော့လေမလား။

 အက်ဂါက သူကြည့်ခဲ့ဖူးသော ရုပ်ရှင်ကိုသတိရသွားလေသည်။

 ထိုနှစ်က သူ့ခမည်းတော်မှာ အလုပ်များနေပြီး တော်ဝင်ဖေဖေ၏မွေးနေ့တွင်ပင် နန်းတော်သို့ ပြန်မလာနိုင်ခဲ့ပေ။ ထို့​ကြောင့် တော်ဝင်ဖေဖေက သူ့ခမည်းတော်အစား အက်ဂါလေးကို အသည်းလေးဟုခေါ်ကာ မွေးနေ့အတွက် ရုပ်ရှင်အတူတူကြည့်စေခဲ့၏။

 ထိုရုပ်ရှင်ကို အက်ဂါ မှတ်မိနေဆဲဖြစ်လေသည်။

 ထိုရုပ်ရှင်က အင်ပါယာ၏အိမ်ရှေ့စံမင်းသားလေးက သူ၏မင်းသားဆိုသောဂုဏ်ပိုဒ်ကို ဖုံးကွယ်ကာ တာဝန်ထမ်းဆောင်နေခဲ့၏။ ထို့နောက် သာမန်မိသားစုလေးမှ လှပသည့်သားရဲတစ်ပိုင်းလူသားငယ်လေးနှင့် နှစ်ဦးသဘောတူချစ်ကြိုက်မိသွားကြ၏။ ထိုရုပ်ရှင်၏တစ်ဝက်လောက်က ချိုမြိန်ပြီး လူတိုင်းအားပြုံးရွှင်စေခဲ့သော်လည်း နောက်ပိုင်း အိမ်ရှေ့စံမင်းသား၏ ဘဝအမှန်အား သားရဲတစ်ပိုင်းလူသားလေးသိသွားချိန်တွင် သူတို့၏အချစ်ခရီးက ကြမ်းတမ်းသွားလေသည်။

သားရဲတစ်ပိုင်းလူသားလေးမှာ အိမ်ရှေ့စံမင်းသားက သူ့အားလှည့်စားနေသလို ခံစားရကာ မင်းသားနှင့်ဆက်မတွဲလိုတော့ပေ။ အိမ်ရှေ့စံမင်းသား၏ အမျိုးမျိုးအယူခံတောင်းဆိုမှုများကလည်း အလုပ်မဖြစ်ခဲ့ပေ။