Soul

Part-20

တစ်နေကုန်ပင်ပန်းထားသမျှကြောင့် ရေချိုးကန်ဘောင်ကို မှီရင်းမျက်လုံးများပိတ်ကာ မှေးစက်အနားယူနေသည်။ ထိုအချိန်တွေ ဘေးနားခုံပေါ်မှ တုန်ခါလာသော ဖုန်းကြောင့် ပိတ်ထားသောမျက်လုံးများပွင့်သွားကာ ထိုတုန်ခါနေသောဖုန်းကို စိတ်ပျက်ဖွယ် သတ္တဝါတစ်ကောင်လိုကြည့်လိုက်သည်။

Yue ရဲ့ကိုယ်ပိုင်အနားယူချိန်တွင်တော့ အလုပ်ကိစ္စများကိုခေါင်းထဲမထည့်ချင်။ အရေးမကြီးလျှင် နှစ်ခါထက်ပိုပြီးမခေါ်ရမည့် လူ့ကျင့်ဝတ်​ကိုတော့ တစ်ဖက်လူမှနားလည်နိုင်မည်ဟု Yue ယူဆသည်။ထို့ကြောင့် ချက်ချင်းမကိုင်သေးဘဲ နောက်ထပ်တုန်ခါလာမည့် အကြိမ်အရေအတွက်ကို စောင့်နေသည်။

တစ်ကြိမ်...နှစ်ကြိမ်....

ဒုတိယအကြိမ်မြောက်တုန်ခါပြီးသည့်အချိန်တွင် ရပ်တန့်သွားသောဖုန်းကြောင့် အရေးမကြီးဟုယူဆလိုက်ပြီး မျက်လုံးများပိတ်ကာ ပြန်မှေးနေစဉ် နောက်ထပ်တစ်ကြိမ် ထပ်မံတုန်ခါလာသောဖုန်းကြောင့် စိတ်ကိုလျော့ကာ ချက်ချင်းပဲကောက်ကိုင်လိုက်သည်။

'မိုရှီ မိုရှီ...'

အချိန်တွေဘယ်လောက်ကြာကြာ ​အကျင့်ပါဆဲဖြစ်သောစကား​​​ကို​ပါးစပ်ကထွက်သွားခါမှ မှားသွားကြောင်းသတိရကာ အလျှင်အမြန်ပဲ

'ဟယ်လို...'

'အစ်မ'

တစ်ဖက်မှပီပီသသပြန်ဖြေလာသော အသံပိုင်ရှင်လေး​​ကြောင့် စိတ်ပျက်နေရာမှ ချက်ချင်းပဲနှစ်နှစ်ကာကာပြုံးလိုက်မိသည်။ မင်းက ဒီလောက်တောင်စွမ်းတာလား ကလေးငယ်...။

'အင်း ကြယ်'

'အစ်မဘာလုပ်နေတာလဲ...အခုထိမအိပ်သေးဘူးလားဟင်'

'ဟင့်အင်း ဒီအတိုင်းရေစိမ်နေတာ'

'အယ်...ဖျားကုန်တော့မှာပဲ ညဥ့်နက်နေပြီဟာကို'

'ဟုတ်လား...ဘယ်အချိန်ရှိပြီလဲ'

' 12 နာရီထိုးပြီး စွန်းစွန်းရှိနေပြီအစ်မရဲ့...အအေးပတ်ကုန်တော့မှာပဲ'

ကြယ်ပြောတော့မှ ဖုန်းကနာရီကိုချက်ချင်းပြန်ကြည့်မိသည်။ ဟုတ်ပါရဲ့...Yue ရေစိမ်နေတာအတော်ကြာပြီပဲ...။