မှန်ရှေ့မှာထိုင်ပြီး နာရီဝက်ကျော်ကြာပြင်ဆင်ခြယ်သနေသူကို လင်းလက်ကြယ်ကကုတင်ပေါ်မှာထိုင်ပြီးသာကြည့်နေမိသည်။
ဒီအမျိုးသမီးဟာလေ ဘာမှလိမ်းမထားတဲ့မျက်နှာရှင်းရှင်းလေးနဲ့လှနေတာတောင်မှ အချိန်အကြာကြီးယူပြီး ပြင်ထားသေးတယ်။ နဂိုရှိနေတဲ့အလှအပေါ်မှာမှ ထပ်ပြီးအလှတရားတွေပေါင်းထည့်ထားတယ်။ 21 ရာစုနှစ်ရဲ့ မိုနာလီဇာပါလို့ တင်စားရလောက်အောင် တကယ်လှတယ်။
ဟင်း....။
သဘောကျခြင်းတွေကိုမှ ဝင်ရောက်စွက်ဖက်လာတဲ့ သဝန်တိုစိတ်ကိုသက်ပြင်းရှည်တစ်ချက်ချပြီးတော့သာ မြိုသိပ်လိုက်သည်။ မိုနာလီဇာကို သဘောကျပါတယ်ဆိုပြီး ဗီဒိုထဲထည့်ဖွက်ထားလို့မှမရဘဲဟာ။
'ဒီနေ့တော့ နေ့တာရှည်တော့မယ်ထင်ပါရဲ့ဟင်း..'
ဒုတိယတစ်ကြိမ်ချလိုက်တဲ့သက်ပြင်းကိုတော့ သတိထားမိသွားတယ်ထင်ပါရဲ့။ မှန်ကိုတစ်ဆင့်ခံပြီး လင်းဆီ အကြည့်တွေရောက်လာလေသည်။ထင်ထားတဲ့အတိုင်းပဲရိုးရိုးတန်းတန်းမဟုတ်ဘူး။
မှန်ကိုကြားခံထားပြီး အချင်းချင်းစိုက်ကြည့်နေကြတဲ့ မျက်ဝန်းနှစ်စုံမှာ တစ်ယောက်ယောက်ကတော့အရှုံးပေးရမည်ဆိုတာ သိထားသည်။ ဒီအကြည့်တွေမှာမရှုံးချင်ဘူး။ ဒါပေမယ့်လည်း ရှုံးသွားခဲ့ပါတယ်။ ပထမဆုံးအကြိမ်မဟုတ်တော့တဲ့ နေသားတကျပြိုလဲခြင်းတွေပါပဲပေါ့။
ဟင်း...။
တတိယအကြိမ်။ တောင်းဆိုခွင့်သာရမယ်ဆိုရင် အဲ့ဒီမျက်ဝန်းတွေကိုအပိုင်လိုချင်သည်။'ကြယ် အစ်မတို့အဲ့ကိစ္စပြောပြီးပြီနော်'
'အင်း ပြောပြီးပြီ'
ကွဲထွက်သွားတဲ့လမ်းကြောင်းတွေအကြောင်း ဆွေးနွေးကြည့်တော့ စာချုပ်ကိုအစ်မတို့ချိုးဖောက်လို့မရဘူးတဲ့။ စာရွက်သက်သက်ပဲလေလို့ ချေပတော့ လင်းလက်ကြယ်ဟာ ကပ်သီးကပ်ဖဲ့ပြောတတ်တဲ့လူပဲဟု အမည်တပ်ခံရရော။
လွန်ခဲ့တဲ့ရက်ပိုင်းလောက်ကမှ ပြည့်သွားခဲ့တဲ့ တစ်နှစ်ခွဲ စာချုပ်ကြောင့်ပဲ နှစ်ယောက်ကရှေ့ဆက်ပြီးအတူရှိနေနိုင်တော့မှာမဟုတ်ဘူး။ စိတ်အဆင်မပြေတိုင်း ချောကလက်တွေစားပြီးဖုံးကွယ်တတ်တဲ့ အမျိုးသမီးကိုအရိပ်တကြည့်ကြည့်နဲ့ ဘေးနားကနေလိုက်မဖြည့်ဆည်းပေးနိုင်တော့ဘူး။ ဘယ်လောက်တောင် တုန်လှုပ်စရာကောင်းလိုက်လေခြင်းလဲ။
![](https://img.wattpad.com/cover/264142260-288-k972284.jpg)
YOU ARE READING
Soul
Romanceချစ်ခြင်းမေတ္တာဟာ ဘယ်လောက်ကျယ်ပြန့်တယ်ဆိုတာ ကျွန်မမသိဘူး။ ဒါပေမယ့် ကျွန်မအတွက်ကတော့ ချစ်ခြင်းမေတ္တာဟာ အမျိုးသမီးတစ်ဦးနဲ့စတင်ခဲ့ပြီးတော့ အဲ့ဒီအမျိုးသမီးဆီမှာပဲ အဆုံးသတ်တယ်။ ခ်စ္ျခင္းေမတၲာဟာ ဘယ္ေလာက္က်ယ္ျပန႔္တယ္ဆိုတာ ကြၽန္မမသိဘူး။ ဒါေပမယ့္ ကြၽန္မအတြက္...