'Bio တွေသေချာပြန်ကျက်ထားနော် မယ်ချို။ မနေ့ညကငါစစ်ကြည့်တာ မှားနေတာတွေရှိတယ်။ နောက်နှစ်ပတ်လောက်ဆိုပဲ စာမေးပွဲဖြေရတော့မယ်'
ဧည့်ခန်းထဲက ခုံမှာငြိမ်ငြိမ်လေးထိုင်မနေဘဲ ဟိုလျှောက် ဒီလျှောက်နှင့်ဂဏာမငြိမ်ဖြစ်နေသည့် အမျိုးသမီးငယ်က နောက်ဖေးမီးဖိုချောင်ဘက်မှထွက်လာသည့် ဆယ်တန်းကျောင်းသူမိချိုကိုတွေ့တော့ သတိတရနဲ့ စာမေးပွဲအကြောင်းကိုလှမ်းသတိပေးနေသည်။
'ဟင် မှားနေတာလား။ သေသေချာချာပြန်စစ်ထားရက်နဲ့ ဘယ်နားက မှားသွားတာပါလိမ့်'
ခေါင်းကုတ်လိုက် ဖင်ကုတ်လိုက်နှင့် ကိုယ့်အမှားကိုယ်သေချာမသိသေးဘဲ မရေမရာဖြစ်နေသောသူကြောင့် အနားကိုသွားကာ သတိဝင်အောင်ခေါင်းကိုခပ်ဆတ်ဆတ်လေးတစ်ချက်ခေါက်ပစ်လိုက်သည်။
'တယ် ဒီကောင်မလေးကတော့လေ..။ စာကိုသေချာလုပ်မယ်မရှိဘူး။ လျှမ်းချက်ကတော့ သောက်သောက်လဲပဲ။ အဖြေစာရွက်က ငါ့အခန်းထဲမှာရှိတယ်...သွားယူထားလိုက်။ မှားတာတွေ သေချာပြန်ကြည့်ထား။ မှားတဲ့အပုဒ်တွေ ပြန်ဖြေရမယ်။ ငါပြောတာ ကြားလား'
'ဟုတ်ကဲ့ပါ မမလေးရဲ့'
ထိုအချိန်မှာပဲ ခြံထဲကကားသံကြားလိုက်ရတာကြောင့် မယ်ချိုက ချက်ချင်းပဲပြေးထွက်ပြီးကြိုမလို့လုပ်နေတော့ လှမ်းတားလိုက်ကာ
'မသွားနဲ့..သူ့ဟာသူဖွင့်ဝင်တတ်တယ်။ နင်သာ စာသွားကျက်'
အစောပိုင်းကတည်းက စိတ်ကနှောက်သွားတာကြောင့် အထုပ်တွေအများကြီးနှင့် အိမ်ထဲဝင်လာသည့်ယုကိုတွေ့တော့လည်း စိတ်ကကြည်မနေ။ တစ်ယောက်တည်းရှိတဲ့ သူငယ်ချင်းကိုဘာနေနေပစ်ထားခဲ့ပြီး ပြခန်းအတွက်ပဲ အာရုံစိုက်နေသည့်သူကို စိတ်ထဲကနေသာ မေတ္တာတွေအသီသီပို့ပေးနေသည်။
'မယ်ချိုရေ..မမကိုလာကူညီပါဉီးကွယ်။ နဂါးမျက်စောင်းနဲ့ အထိုးခံနေရတော့ တစ်ယောက်တည်းရှိဖို့မနေသာတော့ဘူး'
'ဟီး..လာပြီ လာပြီမမရေ'
အကူညီတောင်းသည့်သူကတောင်းနေသလို ဟိုတစ်ယောက်ကလဲသိပ်မသွားချင်ရှာပါဘူး။ တားချိန်တောင်မရလိုက်ခင်မှာဘဲ လက်ထဲအထုပ်တွေရောက်နှင့််နေပြီးဖြစ်သည်။ပြီးတော့ လင်းဆီကိုမလာသေးဘဲနှစ်ယောက်သားတီးတိုးပြီးဘာတွေပြောနေကြသည်မသိ။ ဂရုမစိုက်ဟန်ပြုကာ ထိုင်ခုံတွင်သာ သွားထိုင်နေလိုက်သည်။
![](https://img.wattpad.com/cover/264142260-288-k972284.jpg)
YOU ARE READING
Soul
Romanceချစ်ခြင်းမေတ္တာဟာ ဘယ်လောက်ကျယ်ပြန့်တယ်ဆိုတာ ကျွန်မမသိဘူး။ ဒါပေမယ့် ကျွန်မအတွက်ကတော့ ချစ်ခြင်းမေတ္တာဟာ အမျိုးသမီးတစ်ဦးနဲ့စတင်ခဲ့ပြီးတော့ အဲ့ဒီအမျိုးသမီးဆီမှာပဲ အဆုံးသတ်တယ်။ ခ်စ္ျခင္းေမတၲာဟာ ဘယ္ေလာက္က်ယ္ျပန႔္တယ္ဆိုတာ ကြၽန္မမသိဘူး။ ဒါေပမယ့္ ကြၽန္မအတြက္...