Application For Divorce [ 离婚申请 ]

၅၁

Unicode

စိတ်ပျက်အားငယ်နေပါသော အကြင်သူ့ထံတွင်
ချဉ်စုပ်စုပ် အငွေ့အသက်များကလည်း တစ်စွန်းတစ်စ~

နောက်ဆုံး၌မူ ချန်းကျင်းသည် အိပ်ရာကုတင်ထက်၌ နှစ်ခြိုက်စွာ အိပ်ပျော်သွားရ၏။ မနေ့ညက သူ၏ကိုယ်ထည်လေးမှာ ခင်ပွန်းဖြစ်သူထံမှ နှစ်ကြိမ်တိတိဆက်တိုက် အရိုင်းဆန်စွာ အနိုင်ကျင့်ခံခဲ့ရသောကြောင့် ခြေချောင်းနှစ်ဖက်လုံးမှာလည်း ပျော့ခွေလျက်။ သို့ဖြစ်၍ သူသည် မိန်းမောကာ မည်ကဲ့သို့ အိပ်ပျော်သွားကြောင်းကိုလည်း ကောင်းစွာ မမှတ်မိနိုင်တော့ပါပေ။

၎င်းနောက် ခင်ပွန်းဖြစ်သူနှင့် အတူတကွ ပျော်ရွှင်နေသည်ဟူသော အကြောင်းအရာအား အိပ်မက်မက်နေစဉ်မှာပင် သူ၏နှုတ်ခမ်းလွှာမှာ ပြင်းပြစွာ နမ်းရှိုက်ခံနေရကြောင်း ခံစားမိလေတော့၏။ တဖြည်းဖြည်းနှင့် ၎င်းအနမ်းမှာ သူ၏အဆုတ်အတွင်းမှ အောက်စီဂျင်အား ပြတ်လပ်စေသည်အထိ အကြမ်းဆန်လာရသည်။ ထို့ကြောင့် ချန်းကျင်းသည် နောက်ဆုံး၌ သည်းမခံနိုင်တော့ပါဘဲ နှစ်ကြိမ်မျှ ရုန်းကန်လျက် နိုးထလာရလေသည်။

မျက်လုံးများဖွင့်ဖွင့်ချင်း မြင်လိုက်ရသည်ကား လုထောင်၏ ခန့်ညားချောမောသော မျက်နှာပြင်ပင်။ သို့သော် ခင်ပွန်းဖြစ်သူ၏ မျက်နှာမှာ အနည်းငယ် မကျေမနပ်ဖြစ်နေဟန် ပေါက်နေ၍ တစ်နည်းတစ်ဖုံအားဖြင့်လည်း ရှက်ရွံ့ဟန် ပေါက်နေသေးပြန်၏။

ချန်းကျင်းက သူ၏မျက်နှာအမူအရာအား နားမလည်နိုင်စွာဖြင့် မေးလာမိသည်။

"ဒါလင် ဘာဖြစ်နေတာလဲ"

ထိုကဲ့သို့ အသံပြုလိုက်သောအခါမှသာ ချန်းကျင်းသည် မိမိ၏အသံက အနည်းငယ် ခြောက်ကပ်နေကြောင်း သတိထားမိသွားရ၏။

တစ်ဖက်မှ လုထောင်ကမူ ပို၍ မကျေမနပ်ဖြစ်လာရပြီပင်။ သူသည် ဘာစကားမျှမဆိုပါဘဲ မျက်မှောင်ကြုတ်ကာ ချန်းကျင်း၏ကိုယ်ထည်လေးအား ခပ်ဖွဖွ ပွေ့ဖက်လာခဲ့၏။ သူ၏လက်ချောင်းများကမူ အနောက်ဘက်မှ တင်ပါးအဝထံသို့ တဖြည်းဖြည်း တိုးဝင်လျက်။