Unicode
ရင်းနှီးမြုပ်နှံသူ
သူကိုယ်တိုင်ကပဲ နမော်နမဲ့နိုင်လွန်းနေသလား သို့မဟုတ် စိတ်နှင့်လူနှင့်ပဲ မကပ်လေသလားတော့ မပြောတတ်ပါချေ။ တောင်ကုန်းပေါ်မှ ပြန်ဆင်းသောအခါတွင် ချန်းရွှီသည် လမ်းတစ်လျှောက်လုံးနီးပါး ခြေလှမ်းများမှားခဲ့၍ နှင်းထူထူပေါ်တွင် လိမ့်ကျခဲ့ရသည်။
အကျိုးဆက်ကြောင့် နှာခေါင်းမှာ အနည်းငယ်မျှ နာကျင်သွားရ၍ ခြေကျင်းဝတ်လည်း ထိခိုက်မိသွားခဲ့သည်။ အဆုံးသတ်၌ ချန်းရွှီသည် အသက်ပြင်းပြင်းတစ်ချက်မျှ ရှူလိုက်မိ၏။ သူ၏မျက်နှာသည်ကား အေးစက်ထုံထိုင်းနေဆဲ။ ထို့နောက် သူသည် လဲကျရာမှ ဖြည်းဖြည်းချင်း ထလိုက်ကာ မျက်နှာပေါ်မှ နှင်းများကို သုတ်ပစ်လိုက်၏။ ၎င်းနောက်မှ သူ၏ခေါင်းကိုငုံ့ကာ ခန္ဓာကိုယ်ထက်ရှိ နှင်းမှုန်လွှာများကို ပုတ်ချလိုက်ပြီး စနိုးမိုဘိုင်းလ်ကိုမောင်းနှင်၍ အိမ်သို့ပြန်ခဲ့လေတော့သည်။
ချန်းရွှီအိမ်သို့ပြန်ရောက်သောအခါ အချိန်ကအတော်လေး လင့်နေပြီးလေပြီ။ ထို့ကြောင့် အိမ်အတွင်းမှာလည်း ဝါကျင့်ကျင့်အလင်းရောင်အချို့ဖြင့် ဖုံးလွှမ်းလျက်။ ချန်းရွှီသည် စနိုးမိုဘိုင်းလ်ကို တစ်နေရာ၌ရပ်ထားခဲ့၍ အိမ်တံခါးမကို ဆွဲဖွင့်လိုက်ရာ အတွင်းမှ ရယ်ရွှင်မြူးနေသော အသံများကို ကြားလိုက်ရသည်။ ထို့နောက် သူသည် သူ၏အပေါ်ဝတ်အကျႌကို ချွတ်ကာ အိမ်အတွင်းထဲသို့ ဆက်လျှောက်လာခဲ့၏။ သို့နှင့် ဧည့်ခန်းထဲသို့ ဝင်မိသောအခါ သတ်လတ်ပိုင်းလူအချို့နှင့် အသက် ၆၀ ၊ ၇၀ နီးပါးရှိသည့် လူကြီးများက ဖရဲစေ့အကြောင်းကို အတူဝိုင်းဖွဲ့ ဆွေးနွေးနေကြကြောင်း တွေ့လိုက်ရလေတော့သည်။
အဖေဖြစ်သူ ချန်းကျန်းသည်လည်း ၎င်းတို့အထဲမှ တစ်ယောက်အပါအဝင်ပင်။ ချန်းကျန်း၏ပုံစံမှာ ဝိုင်အနည်းငယ်မျှ သောက်ထားခြင်း၏ အကျိုးဆက်ကြောင့် မျက်နှာတစ်ပြင်လုံး နီမြန်းကာ မျက်ဝန်းများမှာလည်း ရွှန်းတောက်လျက်။ ချန်းရွှီသည် အိမ်နီးနားချင်းများကို နှုတ်ဆက်လိုက်၍ ချန်းကျန်းဆီသို့ အကြည့်လွှဲလာခဲ့လေသည်။
YOU ARE READING
Application For Divorce [ 离婚申请 ]
FantasyMyanmar translation of light novel "Application for Divorce" Original Author - 云间 [Yun Jian] Novel status - completed(104 chapters + 17 extras) Genre - romance, fantasy, smut This is just a fan translation!! I don't own this novel. I read this novel...