Unicode
“ဟော်ရူယန်ကို ဘာလို့သတ်ခဲ့လဲဆိုတာ မသိချင်ဘူးလား..?”
ကောင်လေးရဲ့ အမူအရာက ပြောင်းလဲသွားပြီး ဘာမှမပြောလာပြန်တော့ ရင်းဆုယဲ့လည်း ဝှက်ဖဲကို ထုတ်သုံးလိုက်တယ်။ တကယ်တော့ ဟော်ရူယန်ကိုသတ်တဲ့ကိစ္စနဲ့ ပတ်သက်ပြီး ကောင်လေးက ဘာအမူအယာမှမပြပေမယ့် စိတ်ထဲမှာ နက်နက်ရှိုင်းရှိုင်း သိချင်နေလိမ့်မယ်ဆိုတာ သူ,သိတယ်။
ဒီကိစ္စကို သေသေချာချာမရှင်းပြရင် သူတို့နှစ်ယောက်ကြားမှာ အကွာအဝေးတစ်ခု ရှိလာလိမ့်မယ်။ ကောင်လေးက သူ့ရဲ့ခံစားချက်တွေကို ဖုံးကွယ်မထားတတ်တော့ တစ်ချက်ကြည့်လိုက်ရုံနဲ့ အကုန်သိသာနေတယ်လေ။ အဲ့တာကြောင့် ထုတ်ပြောပြလိုက်တယ်။
“…………..”
ရင်းဆုယဲ့ ပြောလိုက်တဲ့စကားက သူ့အညှာကို ကိုင်မိသွားတယ်ဆိုတာကို ရွှယ်ယို့ရှန်း ဘယ်တော့မှဝန်ခံမှာမဟုတ်ဘူး။ အမှန်တရားထက် သူ့ရဲ့အသက်ကို ပိုပြီးဂရုစိုက်မှဖြစ်မယ်။ ဒီကမ္ဘာမှာသေသွားရင် တကယ့်ကမ္ဘာအစစ်မှာလည်း သေသွားနိုင်သလားဆိုတာ ဘယ်သူမှမသိနိုင်ဘူးလေ။
“ဟော်ရူယန်က ခင်ဗျားကို အနာဂတ်မှာ သစ္စာဖောက်မှာကြောင့်လား..?”
ရင်ဆုယဲ့ကို အညံ့မခံချင်တော့ ရွှယ်ယို့ရှန်းက သူ့ဘာသာ ခန့်မှန်းကြည့်လိုက်တယ်။ ဟော်ရူယန်ကိုသတ်ခဲ့တဲ့ကိစ္စနှင့် ပတ်သက်ပြီး သူ့အမြင်ကို ထုတ်ပြောလိုက်ပေမယ့် သူ့စိတ်ထဲမှာ ရှုပ်ထွေးနေတုန်းပဲ။ တစ်ဖက်မှာတော့ ‘ဟော်ရူယန်က ခင်ဗျားကို သစ္စာဖောက်လိမ့်မယ်’ ဆိုတဲ့ သူရဲ့စကားလေးတစ်ခွန်းတည်းနဲ့ ရင်ဆုယဲ့က ဟော်ရူယန်ကို သံယောဇဉ်ဖြတ်လိုက်တဲ့အတွက် အရမ်းပျော်နေမိပြန်တယ်။ သူ့ကို ယုံကြည်တဲ့သဘောပဲလေ။
ဒါပေမဲ့ ဟော်ရူယန်ကို မတုံ့မဆိုင်း သတ်ပစ်လိုက်တာကတော့ အကြင်နာတရားကင်းမဲ့လွန်းပါတယ်။
သူက စာရေးသူဖြစ်တဲ့အတွက် ရင်ဆုယဲ့အပေါ် ဟော်ရူယန် ဘယ်လောက်အထိ ဆိုးရွားခဲ့သလဲဆိုတာကို သိနေပေမယ့် ရင်ဆုယဲ့ကတော့ မသိဘူးလေ။ ပြီးတော့ ဟော်ရူယန်က ရင်းဆုယဲ့ကို ကလေးဘဝတုန်းက အရမ်းဂရုစိုက်ပေးခဲ့တယ်။ အခုမှ ကြိတ်ပြိုင်လာတာကတော့ ထားပါတော့။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
