Unicode
“အဲ့တော့ ရန်ယူရာက ဟွမ်ထျန်ရဲ့လူဖြစ်ပြီး ဟွမ်ထျန်က ခင်ဗျားကို သေစေချင်လို့ ရန်ယူရာက သတ်လိုက်တယ်ပေါ့..?”
ရွှယ်ယို့ရှန်းခမျာ အမျိုးသမီးဇာတ်လိုက်က အမျိုးသားဇာတ်လိုက်ကို သတ်ပစ်လိုက်သည်ဟူသော ကိစ္စရပ်အပေါ် မယုံကြည်နိုင်ဖြစ်နေခဲ့သည်။ ထို့ကြောင့် နောက်တစ်ကြိမ် ထပ်မံအတည်ပြုလိုက်၏။ သူနားကြားမှားတာလား၊ ဒါမှမဟုတ် ဟွမ်ပေ့ချန်ကပဲ မှားပြောမိတာလား..?
“အင်း..”
ဟွမ်ပေ့ချန်က ခေါင်းညိတ်ပြတယ်။ သူ့အတွက် မှတ်ဉာဏ်ကောင်းတစ်ခု ဖြစ်ပုံမပေါ်ဘူး။
“…………”
ဟွမ်ပေ့ချန်ရဲ့ အတည်ပြုမှုကိုရပြီးနောက် ရွှယ်ယို့ရှန်းမှာ သက်ပြင်းမောချလိုက်မိတယ်။
Plot ကတော့ လာနောက်နေပြီ..!
“နေပါဦး..! ခင်ဗျားက မိစ္ဆာဘုရင်၊ ကြီးမြတ်သော ဘုရင်အဆင့်လေ.. တော်ဝင်အဆင့် ၉ ပဲရှိသေးတဲ့ ရန်ယူရာကြောင့် သေခဲ့တယ်..?”
ရွှယ်ယို့ရှန်းက တစ်ခုခုလွဲမှားနေသည်ကို သတိပြုမိလိုက်တယ်။ ဟွမ်ပေ့ချန်က ရန်ယူရာအပေါ် သံသယမဝင်ခဲ့ရင်တောင် သူတို့နှစ်ဦးရဲ့ စွမ်းအင်ကွာခြားချက်က ကြီးမားနေတုန်းပဲ။ တော်ဝင်ရွှေရောင်အဆင့် ကျင့်ကြံသူတစ်ယောက်က ကြီးမြတ်သောဘုရင်အဆင့်ကို အလစ်ချောင်းတိုက်ဖို့ဆိုတာ ဘယ်လိုမှမဖြစ်နိုင်ဘူး။
ဒါက ကြီးမြတ်သောဘုရင်အဆင့်ကို ပြိုင်ဘက်ကင်းစေသတဲ့ အကြောင်းအရင်းတစ်ခုဖြစ်တယ်။ တခြားသော ဘုရင်အဆင့်မှလွဲ၍ ‘အချိန်’ကသာ ဘုရင်တစ်ပါးကို သတ်ဖြတ်နိုင်လိမ့်မယ်။ ထို့ကြောင့် အလစ်ချောင်းတိုက်သည်ဖြစ်စေ၊ လုပ်ကြံသည်ဖြစ်စေ၊ ထောင်ချောက်ဆင်သည်ဖြစ်စေ၊ အသုံးမဝင်ဘူး။
“ရန်ယူရာနဲ့ ‘သေအတူရှင်မကွာ’ စာချုပ်ကြောင့် သေခဲ့ရတာ..”
ဟွမ်ပေ့ချန်လည်း ဘာမှဖုံးကွယ်မနေတော့ဘူး။ ‘သေအတူရှင်မကွာစာချုပ်’၊ နာမည်နဲ့လိုက်ဖက်လွန်းတယ်။ လူတစ်ယောက်ရဲ့ အသက်ကို ကယ်တင်နိုင်တဲ့ နည်းလမ်းကောင်းဖြစ်သလို သေစေနိုင်တဲ့ အဆိပ်ပြင်းပြင်းလည်း ဖြစ်နေပြန်တယ်။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
