Unicode
“ဒါဘယ်နေရာကြီးလဲ..?”
ဟွမ်ထျန်က ပြောပြီးတာနဲ့ သူ့စကားအတိုင်း ချက်ချင်း အကောင်အထည်ဖော်လိမ့်မည်လို့ ရွှယ်ယို့ရှန်းလည်း ထင်မထားခဲ့ဘူး။ ခုပဲကြည့်လေ၊ သွားမယ်ပြောပြီးတာနဲ့ ချက်ချင်း ထွက်ခွာလာခဲ့ပြီးပြီ။
'မိစ္ဆာနယ်မြေပြန်မယ်' ပြောပြီးတာနဲ့ စက္ကန့်ပိုင်းအတွင်း နေအလင်းနဲ့လအလင်း ဓားနှစ်လက်ကိုသုံးပြီး စင်မြင့်ပေါ်က နေရာကူးပြောင်းခြင်းအစီအရင်ကို အသက်သွင်းသွားလိမ့်မယ်လို့ ဘယ်သူထင်ထားခဲ့မှာလဲ..? နည်းလမ်းက ရိုးရှင်းလိုက်တာ..!
ဗြုန်းစားကြီး ဒီလိုလုပ်သွားတာက လူကို သတိလက်လွတ် ဖြစ်စေတယ်..! ဒါနဲ့ တားမြစ်နယ်မြေထဲမှာ နေရာပြောင်းအစီအရင်ရှိနေတာ ယုတ္တိရှိလို့လား..?
ယုတ္တိရှိတာ မရှိတာ၊ အသာထားတော့၊ လောလောဆယ် သူရောက်နေတဲ့နေရာက တော်ဝင်မြို့တော်ထဲမှာ မဟုတ်သလို၊ လူသားမျိုးနွယ်တွေနဲ့ နယ်မြေထဲမှာတောင် မဟုတ်တော့ဘူးဆိုတာ ရွှယ်ယို့ရှန်း အတပ်သိလိုက်တယ်။ ထိုအခိုက် ရွှယ်ယို့ရှန်းလည်း စိတ်မတည်ငြိမ်နိုင်တော့ဘူး။ သူပျောက်ကွယ်သွားတဲ့အချိန် ရင်းဆုယဲ့ရဲ့ အမူအရာက အတော်လေး ကယောင်ခြောက်ခြားဖြစ်နေပြီး လဲပြိုကျတော့မယောင်။ သူပျောက်ကွယ်သွားတာက ရင်းဆုယဲ့အတွက် ထိုးနှက်ချက်ကြီးတစ်ခု ဖြစ်ဟန်တူတယ်။ ရွှယ်ယို့ရှန်းခမျာ ထိုမြင်ကွင်းကို လုံးဝမေ့မရနိုင်ခဲ့ဘူး။ ပြီးတော့ သူတို့ထွက်မသွားခင် ဟွမ်ထျန်က ရွှယ်ယို့ရှန်းရဲ့ အဓိကလျှို့ဝှက်ချက်ကြီးကို ဖော်ထုတ်ခဲ့တာကြောင့် ထိုအခြင်းအရာက ရင်းဆုယဲ့အတွက် အဆိုးဝါးဆုံးရိုက်ချက်ဖြစ်နေမှာ အသေအချာပဲ။
ရွှယ်ယို့ရှန်းခမျာ တွေးရင်းတွေးရင်း စိတ်ပူပန်လာရတာကြောင့် ရင်းဆုယဲ့ကို ထပ်မတွေးဝံ့တော့ဘူး။ သူ့ရဲ့ထိမ်ချန်ထားမှုကြောင့် ရင်းဆုယဲ့ အပြစ်တင်နေမှာကို သူကြောက်တယ်။ ဆိုးရွားကြမ်းတမ်းလွန်းတဲ့ ကံကြမ္မာမျိုး ဖန်တီးခဲ့တာကြောင့် ရင်းဆုယဲ့ အပြစ်တင်နေမှာကို သူကြောက်တယ်။ သူ့အပေါ် မကောင်းခဲ့တာကြောင့် ရင်းဆုယဲ့ အပြစ်တင်နေမှာကို သူကြောက်တယ်………
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
