Unicode
“တကယ်တော့ ဒီကိစ္စတွေက အတော်ရိုးရှင်းပါတယ်..”
ရွှယ်ယို့ရှန်းက စကားလုံးရွေးကာ ဖြည်းဖြည်းချင်း ရှင်းပြလိုက်တယ်။
“ဒီကိုရောက်မလာခင်ကပေါ့.. ကျွန်တော်က အွန်လိုင်းစာရေးဆရာ.. <<ရာဇဝင်ထဲက အင်အားအကြီးဆုံးအရှင်သခင်>> ဆိုတဲ့နာမည်နဲ့ ဝတ္ထုရေးခဲ့တယ်.. ခင်ဗျားနဲ့ဟွမ်ပေ့ချန်တို့ ကတောက်ကဆဖြစ်တဲ့အပိုင်း ရေးနေတဲ့အချိန်မှာပဲ ကျွန်တော် ဒီနေရာကို ဝိဉာဉ်ကူးပြောင်းလာတယ်.. ပြီးတော့ ခင်ဗျားနဲ့တွေ့တယ်….”
မပြောခင်ကတော့ ရွှယ်ယို့ရှန်းက ရှင်းပြရခက်မယ်လို့ ထင်နေခဲ့တာ။ ထို့ကြောင့် အချိန်ဆွဲကာ ဈေးဆစ်ခဲ့တယ်။ ဒါပေမဲ့ ပါးစပ်ဖွင့်လိုက်တာနဲ့ ခက်မယ်ထင်ထားတဲ့ ကိစ္စအားလုံးက သိပ်မခက်ခဲတော့ဘူး။ ဒီလိုနဲ့ ရွှယ်ယို့ရှန်းလည်း သူဖုံးကွယ်ထားသမျှ လျှို့ဝှက်ချက်တွေကို ဖြည်းဖြည်းချင်း ရှင်းပြနေခဲ့မိတယ်။
ဒီလိုမှန်းသိရင် အစကတည်းက ရှင်းပြလိုက်ပါတယ်။ ဒါပေမဲ့ အကြောက်လွန်နေပြီး အချိန်ကြာသွားတာတောင် ဖွင့်မပြောရဲခဲ့ဘူး။ အခု ရင်းဆုယဲ့ အကျပ်ကိုင်တော့မှ ထုတ်ပြောပြဖို့ သတ္တိရှိလာတော့တယ်။ ရှင်းပြမယ်ဆိုမှတော့ ဘာတစ်ခုမှ ထိမ်ချန်ထားစရာ မလိုတော့ဘူး။ အဲ့တော့ ရွှယ်ယို့ရှန်းလည်း အချိန်ပေးပြီး အသေးစိတ်ပြောပြလိုက်တယ်။ သူတို့ လက်ရှိနေထိုင်နေတဲ့ ကမ္ဘာကြီးအကြောင်း၊ အွန်လိုင်းစာပေရဲ့ အဓိပ္ပါယ်၊ ပြီးတော့ <<ရာဇဝင်ထဲက အင်အားအကြီးဆုံးအရှင်သခင်>> ဝတ္ထုက ဘယ်လိုဇာတ်လမ်းမျိုးလဲဆိုတာ၊ စသည်ဖြင့်ပေါ့။
“ဒီကမ္ဘာကို ရောက်လာကတည်းက ခင်ဗျားနဲ့ပဲ အချိန်ကုန်နေခဲ့တာလေ.. အဲ့တာပဲ.. ရှင်းပြစရာမကျန်တော့ဘူး..”
အရာအားလုံး ရှင်းပြပြီးနောက် ရွှယ်ယို့ရှန်းက ရင်းဆုယဲ့ကို မော့ကြည့်လိုက်တယ်။ သူ့ပုံစံက ရင်းဆုယဲ့ရဲ့ အဆုံးအဖြတ်ကို စောင့်ဆိုင်းနေဟန်၊ ဂနာမငြိမ်ဖြစ်နေတဲ့ မျက်ဝန်းတွေက လက်ရှိအခြေအနေကြောင့် နေရခက်နေမှန်း သိသာနေတော့တယ်။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
