Unicode
သုံးချောင်းထောက်အိုးထဲရှိ အရည်ပမာဏလျော့နည်းလာသည်နှင့်အမျှ ကပ်ပါးပိုးကောင်သည် ပေါက်ကွဲထွက်သွားလေသည်။ ပြင်းထန်သော အနံ့ဆိုးဆိုးဝါးဝါးများက ပျံ့နှံ့သွားလေသည်။
"ဆရာကြီး ဒါက ....."
"ဒီဆေးရည်က ကပ်ပါးပိုးကောင်ကို ဆွဲဆောင်ဖို့အတွက် ဆေးပဲ။ ဒီအရာက ဆေးလွန်ပြီး သေသွားတာ" ယဲဖန်က ပြောသည်။
"ဒါကို သတ်လိုက်တော့ ယွမ်ယီက ဘယ်လိုဖြစ်သွားမှာလဲ" ပိုင်ယွင်ရှီက မေးလိုက်သည်။
"သူမအပေါ်တော့ မသက်ရောက်နိုင်ပေမဲ့ သားကပ်ပါးကောင်သေသွားရင်တော့ သူမက ဒါကို အာရုံခံစားမိလိမ့်မယ်" ယဲဖန်က ပြောသည်။
ထိုအချိန်တွင် ကျန်းစီလျန်၏ဖုန်းမြည်လာသည်။ ဖုန်းပေါ်ရှိနာမည်ကို ကြည့်လိုက်တော့ သူ့မျက်လုံးများ မည်းမှောင်သွားသည် "ဟဲလို မင်းတစ်ခုခုလိုအပ်နေလို့လား"
ယွမ်ယီ၏ မနှစ်မြို့ဖွယ်အသံကို ကြားလိုက်ရသည် "နင်အခုဘယ်မှာတုန်း။ အခုပြန်လာခဲ့အုံး။ ငါ့မောင်ဆီမှာ တစ်ခုခုဖြစ်နေလို့"
ဟိုတယ်ထဲတွင် ယွမ်ယီက စိတ်မသက်မသာခံစားနေရသည်။ နေ့လည်တုန်းက ကျန်းစီလျန်ထွက်သွားသည့်အခါကလဲ သူမသည် စိတ်ထဲတစ်မျိုးဖြစ်နေ၏။ ဒါကြောင့် ကျန်းစီလျန်ကို ဖုန်းဆက်ပြီး မမေးဘဲ မနေနိုင်ခဲ့ချေ။
ကျန်းစီလျန်က မျက်မှောင်ကြုတ်ကာ "ငါသိပြီ"
ထို့နောက် ဖုန်းချလိုက်ပြီး အနည်းငယ်ကြောက်ရွံ့ဖွယ်ကောင်းနေသည်။ ယွမ်ယီ၏ဆရာကြီးလုပ်နေသောအသံက သူ့အား စိတ်ရှုပ်အောင် ပြုလုပ်နေသည်။
ယွမ်ယီသည် သူမကိုယ်တိုင်က ကြမ်းတမ်းနေသောကြောင့် သူမ၏မိသားစုသည်လည်း မထူးခြားနားပေ။ သူနဲ့အတူရှိပြီးနောက် သူမသည် သူမမောင်နှမတွေအတွက် မကြာခဏ အလုပ်ရှာခိုင်းသည့်အပြင် သူ့ဆီကနေလဲ ပိုက်ဆံများ ချေးငှားခဲ့သည်။ ကျန်းစီလျန်က အရမ်းစိတ်ရှုပ်နေပေမဲ့ သူမပြောသည့်အတိုင်းလုပ်ရုံကလွဲလို့ သူ့တွင် ရွေးချယ်စရာမရှိပေ။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
