Unicode
Arc(2.24) - Saint Magus
လီလျိုကဖြတ်သွားဖြတ်လာအနည်းငယ်သာရှိတဲ့ဖြတ်လမ်းကိုကျွမ်းကျွမ်းကျင်ကျင်ရှာတွေ့သွားတာကြောင့်နောက်တစ်ကြိမ်နံရံပေါ်မှာလျှောက်သွားလိုက်ပြီးသစ်ပင်ပေါ်သို့ခုန်တက်ကာသွားလိုက်ကာသာမာန်လူတစ်ယောက်သွားရတဲ့အချိန်ထက်ပိုနည်းစွာသွားနိုင်လိုက်သည်။သူအဲလ်ဗစ်ရဲ့အတန်းအပြင်ဘက်ရောက်တဲ့အချိန်မှာပတ်ဝန်းကျင်ကိုလှည့်ပတ်ကြည့်လိုက်ပြီးတံခါးကိုသူတစ်ကိုယ်စာဝင်လို့ရသည်အထိဖြေးညှင်းစွာတွန်းဖွင့်လိုက်ကာတိတ်တဆိတ်ဝင်သွားလိုက်၏။
သူကအဲလ်ဗစ်ရဲ့ဘေးကိုအလျင်အမြန်သွားလိုက်ပြီးသူ့ခြေသည်းလေးကိုထုတ်ကာအဲလ်ဗစ်ရဲ့ဘောင်းဘီစကိုဆွဲလိုက်ရင်းသူ့ကြောင်မျက်နှာလေးကိုမော့၍နူးညံ့စွာ'မြှောင်'ဟုအသံလေးပေးလိုက်သည်။
အဲလ်ဗစ်ကခေါင်းငုံ့လိုက်ပြီးလီလျိုကိုမြင်သောအခါသူ့နှဖူးကအနည်းငယ်တွန့်ချိုးသွားရသည်။ထို့နောက်အလျင်အမြန်ကုန်း၍လီလျိုအားသူ့လက်မောင်းထဲဆွဲယူလိုက်ပြီးသူ့ခြေထောက်ပေါ်တင်လိုက်သည်။
[မင်းဒီမှာဘာလုပ်နေတာလဲ..ကိုယ်မင်းကိုအခန်းထဲမှာပဲနားပါလို့မပြောဘူးလား?မသက်မသာခံစားနေရသေးလား?]
အဲလ်ဗစ်ရဲ့မေးခွန်းကိုကြားမှသာလီလျိုမှာတုန့်ပြန်လာမိ၏။သူသားရဲပုံစံပြောင်းပြီးနောက်မှာတကယ်ပဲသူ့ကိုယ်ပေါ်ကနာကျင်မှုကိုမခံစားရတော့တာ...သူ့လှုပ်ရှားမှုကပုံမှန်ထက်အနည်းငယ်လျော့နည်းနေတယ်လို့တော့ခံစားရပေမဲ့အဲ့ဒါကအများကြီးအကျိုးသက်ရောက်မှုမဖြစ်ဘူးလေ။
[ငါအခုအဆင်ပြေပါတယ်]
လီလျိုကချက်ချင်းပြန်ဖြေလိုက်ပြီးနောက်ဆက်ပြောလိုက်သည်။
[အဲလ်ဗစ်..ငါလာတဲ့လမ်းမှာဆလီနာနဲ့အတူရော့စစ်မျိုးနွယ်စုကအကြီးအကဲကြီးနဲ့ငါမသိတဲ့သူတစ်ချို့ကိုတွေ့ခဲ့တယ်]
လီလျိုရဲ့စကားကိုအဲလ်ဗစ်နားထောင်ပြီးနောက်သူ့မျက်လုံးများထဲမှာအလင်းတစ်ချက်ဖြတ်ပြေးသွားကာသူ့မျက်ဆံများကအနည်းငယ်ကျဉ်းမြောင်းသွားပြီးမှပုံမှန်ပြန်ဖြစ်သွားသည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
