(Unicode) သူနဲ့ ထွက်သွားဖို့အထိတောင် ပင်းက ကြံစည်နေခဲ့ပြီဆိုတော့ ကြည့်ရတာ သူ့အကြံတွေ အကောင်ထည်ပေါ်လာလို့များလား ယွမ်ဖေးတွေးမိကာ ရိပေါ်နဲ့ရှောင်ကျန့်အတွက် စိတ်ပူသွားခဲ့ရသည်။
" ခင် ခင်ဗျား. . ဆရာရှောင့်ကို ဘာလုပ်ပစ်လိုက်ပြီလဲ? ခင်ဗျား သူတို့ကို ဘာလုပ်လိုက်ပြီလဲ? "
ရှောင်ကျန့်က သူ့အတွက် ခင်မင်တွယ်တာရတဲ့ဆရာသမားတစ်ဦးမို့ ပို၍စိုးရိမ်မိကာ ယွမ်ဖေးမေးလာတော့ သူ့မေးဖျားလေးကို ပင်းက လက်ညှိုးကွေးလေးနှင့်ပင့်တင်ပြီး အကြည့်ချင်းဆုံစေခြင်းကို ခံလိုက်ရ၏။
" မကြာခင် ကိုယ်ပြောခဲ့တဲ့အတိုင်း သူတို့အဆုံးသတ်ရတော့မယ်. . ဟူး. . ယွမ်ဖေးရယ် သူများအကြောင်းတွေ တွေးမနေပါနဲ့. . ကိုယ်တို့အကြောင်းပဲ တွေးရအောင်လေ "
ပင်းပုံစံကို အကဲခတ်ရတာ ကျေနပ်နေသည့်ပုံစံမို့ ရှောင်ကျန့်နဲ့ရိပေါ် တစ်ခုခုဖြစ်နေပြီဆိုတာ ယွမ်ဖေးရိပ်မိသည်။ အဓိကက သူ့ဆရာ ရှောင်ကျန့်ကို ထိတာ ယွမ်ဖေး မခံနိုင်တာမို့ ပင်းကို စက်ဆုပ်ရွံရှာသည့်အကြည့်ဖြင့်ကြည့်ကာ သူ့မေးဖျားကို ထိကိုင်နေတဲ့ပင်းရဲ့လက်ကို အတင်းခါချလိုက်၏။
" ဖယ်. . ခင်ဗျား တော်တော်ယုတ်မာတာပဲ. . ခင်ဗျားကိုမုန်းတယ်. . ကျွန်တော် ခင်ဗျားနဲ့အတူ မနေနိုင်တော့ဘူး. . ကျွန်တော့်ကို လွှတ်ပေး "
ဒီလောက်ရက်စက်တတ်တဲ့လူနဲ့ ယွမ်ဖေးအတူမနေချင်တာမို့ ကုတင်မှ ထရပ်ကာ သူ့ခြေကျင်းဝတ်က သံကြိုးကို အတင်းကန်ကျောက်ပစ်ရင်း ထွက်ပြေးဖို့ ယွမ်ဖေးကြံမိသည်။
ချွတ် ချွတ် ချွက်. .
လွှတ်ပေး. . လွှတ်ပေးလို့ . . ကျွန်တော့်ကို ထွက်သွားခွင့်ပေး . .
ပင်းနဲ့နေရတာ သူ့အတွက် ငရဲတစ်ခုလို ခံစားနေရတဲ့အတွက် အမြဲ လွတ်မြောက်ဖို့ကြိုးစားခဲ့တဲ့ နီရဲရဲသူ့ခြေကျင်းဝတ်တွေကို ထပ်၍ အလုပ်ပေးကာ သံကြိုးကြားက ရုန်းထွက်နေမိသည်။
သူ့ကို ပစ်ပစ်ခါခါမုန်းတီးနေတဲ့ယွမ်ဖေးကို မြင်ရတော့ ပင်း စိတ်မထိခိုက်ပဲ နေနိုင်ရင် သူဟာ vampireတစ်ကောင်တင်မကပဲ စက်ရုပ်တစ်ရုပ် ဖြစ်နေမှသာ ရပေမည်။
ČTEŠ
Beijing Vampire(Complete)
Paranormálníကိုယ်ဝန်ဆောင်သည် မိန်းမတစ်ဦးကို vampireကူးစပ်လာတာကနေ ဖြစ်ပေါ်လာသော ပြဿနာအရှုပ်အထွေးများနှင့် အချစ်ဇာတ်လမ်းများ. . . ဤFictionသည် စာရေးသူ၏ကိုယ်ပိုင်ဖန်တီးမှုတစ်ခုဖြစ်ပြီး စိတ်ကူးယဉ်ဇာတ်လမ်းသပ်သပ်သာ ဖြစ်ပါသည်။ Update စသည့်နေ့ - 29.6.2020 #Yibo #XiaoZh...
