(Unicode) ဗြောင်း~ ~ ဗြောင်း . . ဖောင်း . . .
ဝေး . . . ဟေး . . . .
အအေးဓါတ်တို့စတင်ခိုဝင်လာတဲ့ဒီဆောင်းဦးရာသီရဲ့ပထမအပတ်မှာ Beijing၌အမြဲကျင်းပဆဲဖြစ်တဲ့တစ္ဆေပွဲတော်ကြီးကို ရောက်ရှိလို့လာပါသည်။
ထိုနေ့၌ အသွားအလာများပြီး လူတချို့က လမ်းတစ်လျှောက်ကို ဗြောက်ပန်းများဖောက်ကာ ပွဲတော်အတွက် တက်ကြွနေခဲ့ကြလေသည်။
လမ်းဘေးဆိုင်တော်တော်များများမှာ ဧည့်သည်တွေအုံတိုးနေကြပြီး ရှောင်ကျန့်ရဲ့ ခေါက်ဆွဲဆိုင်လေးတွင်လည်း ခေါင်းလောင်းတချွင်ချွင်နှင့် ဖြစ်နေခဲ့သည်။ (လူအဝင်အထွက်များသည်ကိုပြောခြင်းဖြစ်သည်)
" ရှောင်ကျန့် မင်းလည်း အခုမှ ပေါ်လာတော့တာပဲ "
" ဟုတ်ပ . . မင်း ဆိုင်ပိတ်ထားတော့ ငါတို့မှာ စားစရာနေရာကောင်းကောင်းမရှိဘူး။ အိမ်က မိန်းမကလည်း မင်းလက်ရာမမှီဘူးကွ "
နဂိုက လာစားနေကျ ဧည့်သည်အသီးသီးဟာလည်း ကောင်တာနောက်မှာ ခေါက်ဆွဲလုပ်နေတဲ့ရှောင်ကျန့်ကို တရင်းတနှီးစကားတွေ အော်ပြောနေခဲ့ကြလေသည်။ ရှောင်ကျန့်လည်း အလုပ်တစ်ဖက် လူမှုရေးတစ်ဖက်နှင့် စကားပြန်ပြောပေးနေခဲ့၏။
" ဟုတ်တယ် ဦးလေးရ . . ကျွန်တော် နယ်ဘက်ကို ကိစ္စလေးရှိလို့ ခဏထွက်သွားတာ . . အရမ်းကြာသွားတယ်ထင်ရင် တကယ်တောင်းပန်ပါတယ်ဗျာ။ နောက် အဲ့ဒီလိုမဖြစ်စေရဘူး . . . "
" ဒါနဲ့ မင်း တပည့်လေးရော မတွေ့ပါလား? "
ခါတိုင်းဆို ဆိုင်ခန်းလေးထဲမှာ သူနဲ့ယွမ်ဖေးကို အတူတပူးတွဲတွဲမြင်နေကျဆိုတော့ မျက်စိရင်းနေတဲ့ဖောက်သည်တွေက ယွမ်ဖေးကို အမေးတော်ပါးလာကြသည်။
သူတို့အမေးစကားကိုကြားရတော့ ရှောင်ကျန့်လက်တို့ အနည်းငယ်တုံ့ဆိုင်းမိသွားလေသည်။
အခုဆိုရင် ယွမ်ဖေးနဲ့ သူတို့ဝေးကွာနေခဲ့တာ နှစ်နှစ်တောင်ရှိနေပြီပဲ။ JJVနဲ့ထောက်ပံ့မှုနဲ့ အဝေးတစ်နေရာကို ထွက်သွားခဲ့တဲ့ထိုကောင်လေးအား ရှောင်ကျန့် သံယောဇဉ်ရှိနေခဲ့သေးတာမို့ အခုလို မေးမြန်းသံကြားတဲ့အခါတိုင်း သတိရနေတတ်ပါသေးသည်။
YOU ARE READING
Beijing Vampire(Complete)
Paranormalကိုယ်ဝန်ဆောင်သည် မိန်းမတစ်ဦးကို vampireကူးစပ်လာတာကနေ ဖြစ်ပေါ်လာသော ပြဿနာအရှုပ်အထွေးများနှင့် အချစ်ဇာတ်လမ်းများ. . . ဤFictionသည် စာရေးသူ၏ကိုယ်ပိုင်ဖန်တီးမှုတစ်ခုဖြစ်ပြီး စိတ်ကူးယဉ်ဇာတ်လမ်းသပ်သပ်သာ ဖြစ်ပါသည်။ Update စသည့်နေ့ - 29.6.2020 #Yibo #XiaoZh...
